Ucab Samuel 12:10 - Quiché Bible

¹⁰ Xawetzelaj c'u nu wäch aretak xatokij ri rixokil ri Uriy ri aj hitit rech xaban awixokil che, mawi c'u jubik' cätastaj ri u banic ri etzelal pa ri awachoch.

Ucab Samuel 12:10 Referans Kwoze

Romanos 2:4

At cawetzelaj u wäch ri rutzil ri man q'uisel taj ri u cuyunic, xukuje' ri u coch'onic ri Dios, man c'u cach'ob taj chi kas are' ri rutzil cätajin catc'amow bic che a k'axexic ruc'.

Ri Matey 26:52

Ri Jesus xubij che: “Chatzelej ri a ch'ich' pa ri c'olbal rech. Conojel c'ut ri cäquicoj ch'ich', che ch'ich' quecämisax wi.

1 Tesalonicenses 4:8

Je c'u ri' xa apachin ri man nim ta cäril wi we tzij ri', man are' ta ri winak ri man nim ta cärilo, xane' are' man nim ta cäril wi ri Dios ri yowinak ri Ruxlabal chke.

Ri Matey 6:24

“Man c'o ta jachin jun cäcuinic quebupatanij quieb ajawib, rumal rech chi cäretzelaj na u wäch ri jun, culok'ok'ej c'u na ri jun chic, o cäruc'aj rib ruc' ri jun, man nim ta c'u cäril wi ri jun chic. Man quixcuin taj quipatanij ri Dios xukuje' ri k'inomal.”

Ri Amos 7:9

Ri e u k'ijilabal ri Isaac quesachisax na qui wäch, xukuje' ri cak'ijilan wi tak ri Israel queyojyobitaj canok. ¡Quinwalijisaj na ri ch'ich' re ch'o'j che qui cämisaxic tak ri e ralaxic ri Jeroboam!”

Ucab Samuel 18:33

Xyicopitaj ri ranima' ri ajawinel, xpaki' c'u puwi' ri ja ri c'o puwi' ri roquibal ri tinimit, xuchaplej ok'ej. Aretak cätajin cabinic, cubij: “¡Absalon, nu cojol! ¡Absalon, nu cojol! ¡C'o ta banom wi in taj ri xincäm che a q'uexwäch! ¡Nu c'ojol, Absalon, nu cojol!”

Nabe Samuel 2:30

Rumal c'u ri' ri Ajawaxel, ri u Dios ri Israel, ri u bim ulok chi ri at xukuje' conojel ri e awachalaxic quepatanin na chuwäch amak'el, camic cuk'alajisaj: Mawi jubik' xak quinwilo chi je caban wa', xane' quinya' qui k'ij ri queyo'w nu k'ij, are c'u ri cäquetzelaj nu wäch queq'uis na pa yok'ic. In, ri Ajawaxel quinjiquiba' u bixic.

Ajilanic 11:20

Jun ic' cäbeytaj na u tijic ri ti'j cumal, c'ä quebel na ulok pa tak qui tza'm chuya' c'u muluj c'uxaj chque, rumal rech chi in qui xutum in, ri Ajawaxel, ri in c'o pa qui niq'uiajil, e ok'inak quibim c'ut chnuwäch in: ‘¿Jasche xujel ulok pa Ejipt?’ ”

Chapletajic 20:3

xch'abex c'u ri Abimelec pa u waram rumal ri Dios pa ri ak'ab ri', xubij ri Dios che: “Catecämok, rumal rech chi c'ulanic ri ixok ri a c'amom.”

Nabe Ajawinelab 15:5

ri David utz xbinic xya' c'u u k'ij rumal ri Ajawaxel, mawi jubik' xutas ta rib che u nimaxic u banic ri xtakan wi ri Ajawaxel, xuwi ri etzelal ri xuban che ri Uriy ri aj hitit.

E C'ambal tak Tzij 17:13

Mawi jubik' quel ta ri etzelal pa ri rachoch ri winak ri cutoj etzelal che u q'uexwäch utzil.