Ucab Samuel 11:1 - Quiché Bible

¹ Pa jun k'ijol c'ut pa ri nabe tak ic' re ri junab aretak quebel bic ri ajawinelab che u banic ch'o'j jas ri qui nak'atisabal, ri David xutak bic ri Joab e rachil ri e qui nimal ajch'ojab, xukuje' conojel ri ajch'ojab aj israelib, xquisachisaj qui wäch ri e aj Amon xquik'atij c'u rij ri tinimit Raba. Xcanaj c'u can ri David, pa Jerusalen.

Ucab Samuel 11:1 Referans Kwoze

Nabe Tzijobelil 20:1

Xc'ulmataj c'ut pa jun k'ijol, pa ri chaplebal rech ri junab, chi c'ut qui nak'atisam quib ri ajawinelab quebel bic che u banic ch'o'j, ri Joab xusuc'umaj jun ch'ojinic xusachisaj c'u qui wäch conojel ri aj amonib. Xbe chi c'ut, xusutij c'u rij ri Raba xch'ojin c'u ruc' c'ä xuyojij na canok. Are' c'u ri David, xcanaj can pa Jerusalen.

Nabe Ajawinelab 20:26

Oc'owinak chi c'u jun junab ri Ben-adad xebusolij ri aj Siriy xek'ax c'u pa Apec che u tijic qui chuk'ab cuc' ri Israel.

Nabe Ajawinelab 20:22

Xopan chi c'ut ri k'axal tzij ruc' ri ajawinel re Israel, xubij c'u che: “Choj la, chemulij chi la niq'uiaj ajch'ojab la, chbana' la utz u chomaxic ri rajawaxic u banic umal la; rumal rech chi aretak cätz'akat jun junab ri ajawinel re Siriy cäpe chi jumul che u banic ch'o'j uc' la.”

Ri Tzijonel 3:8

Jun jok'otaj che lok'ok'enic, jun jok'otaj chic che xutunic. Jun jok'otaj che ch'o'j, jun jok'otaj chic che jamaril.

Ucab Tzijobelil 36:10

Chquipam ri nabe tak ic' re ri junab, ri ajawinel Nabucodonosor xtakanic chi chc'am bic pa Babilon, junam cuc' tak ri e u choconisan ri rachoch ri Ajawaxel ri sibalaj pakal cajil, are c'u xucoj ri Sedequiy, ri c'o c'u'x che ri Joaquin che ajawinel puwi' ri Juda xukuje' Jerusalen.

U Camulixic ri Pixab 3:11

(Ri ajawinel Og xuwi chi c'u wa' canajinak can chque ri aj repaitab, ri u ch'at re ch'ich' job bara' u rabic, quieb bara' ruc' jun k'abaj u wäch, ri c'ä cuya' quilitaj camic pa ri tinimit aj amorey re Raba.)”

Ri Ezequiel 21:20

Rajawaxic cajuch' jun be ri coc'ow wi ri ajawinel aj Babilon ruc'am ri u ch'ich' re ch'o'j. Ri tak tinimit e are' ri Raba ri e c'o wi ri aj amonib xukuje' ri Jerusalen, ri tinimit ri c'o pa Juda ri co c'olic.

Ri Zacariy 14:3

Chanim c'ut quel na ulok ri Ajawaxel che u tijic u chuk'ab cuc' tak we nimak tak tinimit ri', jacha' ta ne ri cutij u chuk'ab chupam ri k'ij re ri ch'o'j.

Nabe Samuel 18:30

Cac'ulmataj c'ut chi aretak quebel ulok ri qui nimal ri aj pilisteyib che u banic ch'o'j, ri David are cäch'äcan na chquiwäch ri niq'uiaj chic ri nimak quekle'n ri e c'o ruc' ri Saul, rumal c'u rech wa' sibalaj nim xil wi.

Ucab Samuel 10:14

Aretak c'u ri aj amonib xquilo chi xebanimaj ri aj siriyab, xukuje' ri e are' xebanimaj chuwäch ri Abisay xquinim quib pa ri qui tinimit. Ri Joab xutanaba' u tijic u chuk'ab cuc' ri aj amonib xtzelej pa Jerusalen.

Ri Jeremiy 49:2

Je ba' ri', in, ri Ajawaxel, quinjiquiba' u bixic: Chi copan na ri k'ij chi quinban na chi ri tinimit Amon aj Raba cutatabej na rakoj chi'aj re ch'o'j; cux c'u na pa jun jumulaj yojyobic, e are tak c'ut ri e u tinimit quenicowisax na rumal k'ak'. Chi' c'ut ri Israel quebutokij chi na ri u tinimit tak. In, ri Ajawaxel, quinjiquiba' u bixic.

Ri Jeremiy 49:3

¡Chatch'ikowok, Hesbon, are c'u ri Hai sachinak chic u wäch! ¡Chibana' juyuwem, ixokib tak re Raba! ¡Chebicojo' tak iwatz'iak re bisobal, chit'oco' ri uwo i c'u'x! ¡Chixxiq'uinok je ta ne ix ch'ujab, chisoco' ri i cuerp! Rumal rech chi ri dios Milcom cac'am bic queyok pa jun ulew chic, querachilaj ri e u cojol tabal tok'ob xukuje' winak ri nimak qui banic.

Ri Amos 1:14

Rumal ri' quincoj na k'ak' chque ri nimak tak u tapia ri Raba, are c'u we k'ak' ri' cusachisaj qui wäch tak ri nimak tak cachoch querachilaj rakoj tak chi'aj re ch'o'j xukuje' tininem quech u k'ijol cakulja.

Salmib 60:9

Nu Dios, ¿Jachin ta quinc'amow bic pa ri tinimit ri c'o nimalaj tapia chrij? ¿Jachin ta quinc'amow bic c'ä pa Edom?