Ucab Samuel 1:14 - Quiché Bible

¹⁴ “¿Jas c'u che xachajij anima' xawalijisaj ri a k'ab che u cämisaxic ri ajawinel ri cha'om rumal ri Ajawaxel?” Xcha' ri David,

Ucab Samuel 1:14 Referans Kwoze

Nabe Samuel 26:9

Ri David xutzelej u bixic che: “Macämisaj man c'o ta jun ri curayij ta u cämisaxic ri cha'om rumal ri Ajawaxel ri ma ta cäc'äjisax u wäch.

2 Pedro 2:10

Sibalaj cuc'äjisaj c'u na qui wäch ri winak ri cäquiban ri itzelalaj u rayibal ri qui ti'jal, xukuje' cäquiban tz'ilalaj tak jastak, ri man cäquiya' ta quib pa takic. Ri e are' man c'o ta cäquixe'j wi quib, xane' cäquibano jachique ri cäcaj, xukuje' man cäquixe'j ta quib che u bixic c'axalaj tak tzij chque ri c'o quekle'n.

Salmib 105:15

“Mebichap ri e cha'tajinak wumal, mawi c'ax mixch'aw chque ri e k'axal tak nu tzij.”

Nabe Samuel 31:4

Rumal c'u ri' xubij che ri u c'al u ch'ojibal: “Chawesaj ri a ch'ich' re ch'o'j chajutu' chnupam, rech man quepe ta ri e k'ijilal tak diosib caquijut ta c'u ri qui ch'ich' re ch'o'j chnupam, que qui cot c'u na chwe.” Are c'u ri u c'al u ch'ojibal man xraj taj rumal rech chi sibalaj u xe'n rib. Xuc'am c'u ri Saul ri u ch'ich' re ch'o'j xuq'uiak rib puwi'.

Nabe Samuel 24:6

xubij c'u chque ri rachijab: “¡Ri Ajawaxel chuya' ri to'banic chwe rech man quinwalijisaj ta ri k'ab che u banic c'ax che ri wajaw ri ajawinel! ¡Are' c'ut ri Ajawaxel chowinak!”

Ajilanic 12:8

ruc' c'ut ri are' quinch'aw chwinakil xukuje' pa jun ch'abal ri q'uiakalic. We c'u ri are' quinuca'yej chi winakil, ¿jasche qui chajij anima' quixyok'on che?”

Nabe Samuel 10:1

Xpe c'u ri Samuel xuc'am ri aseit, xuk'ij pa u jolom ri Saul, xubij che: “Ri Ajawaxel catutas camic che k'atal tzij pa Israel ri u tinimit. At catk'atow na tzij puwi' xukuje' quebawesaj na pa qui k'ab tak ri qui banom qui c'ulel che. Are c'u c'utbal wa' chi ri Ajawaxel u bim chi at cak'at na tzij puwi' ri u tinimit:

Nabe Samuel 12:3

in c'o c'u chiwäch camic: we nu c'amom ri u wacax o ri u bur jachin jun chiwe, o nu banom c'ax o nu yok'om jachin jun chiwe, o we xak ja'e chwe banom u pa nu k'ab iwumal, quixcuinic quinitzujuj chuwäch ri Ajawaxel xukuje' chuwäch ri ajawinel ri cha'om rumal ri Dios, quintoj c'u na ri nu c'as ri c'olic.”

Nabe Samuel 26:11

Muya' ba' ri Ajawaxel chwe chi quinrayij u cämisaxic ri ajawinel ri chatajinak rumal. Chac'ama' ba' ri tz'imaj ch'ich' ri ch'iquil chunakaj ri u jolom xukuje' ri xaru' ri yabal u ja', jo' c'ut.”

Juyuwem 4:20

Ri cha'tal rumal ri Ajawaxel oquisam pa che', ri cuya' chajin anima' che ri ka c'aslemal, ri ajawinel ri xkabij wi: “Chuxe' ri u mujal cujjeki' wi na chquixo'l tak ri tinimit.”

Nabe Samuel 24:7

Je xuban wa' ri David che qui k'ilic ri rachijab man xuya' ta c'u chque chi caquitzak ta qui k'ab che u banic c'ax che ri Saul, ri xel ulok pa ri pec xutakej c'u ri u be.

Nabe Samuel 24:11

Kas chila' la ri c'o pa nu k'ab: ch'akap k'u' la, kas c'u xincuin ta ri' che cämisaxic la, man c'u xcämisax ta c'u la wumal. Ruc' wa' cäcuin la che u ch'obic chi ri in man nu chomam ta u banic jun c'ax che la mawi xak ta c'äte camajix la wumal, mawi c'u ne c'o ta jun mac nu banom ta che la. Quinokataj c'u la che resaxic ri nu c'aslemal.