Ucab Ajawinelab 8:5 - Quiché Bible

⁵ Pa ri jok'otaj c'ut aretak ri Jiez cätajin cutzijoj che ri ajawinel jas ri xuban ri Elisey che u c'astajisaxic ri ral jun ixok, xopan c'ut we ixok ri' che u bixic che ri ajawinel chi chetzelex ri rachoch xukuje' tak ri rulew. Xubij c'u ri Jiez che ri ajawinel: “O ajawinel, are ixok wa', xukuje' are' ral wa' ri xuc'astajisaj ri Elisey.”

Ucab Ajawinelab 8:5 Referans Kwoze

Ucab Ajawinelab 4:35

Xwalij c'ut ri Elisey xwacat pa ri ja; xpaki' chi c'u jumul puwi' ri ch'at xujupulej chi c'u jumul ri u cuerp ri alaj ala. Xat'ixnab c'ut wukub mul ri alaj ala, xebujak c'ut ri u bak'wäch.

Romanos 8:31

¿Jas c'u cäkabij che wa'? We c'o ri Dios kuc', ¿jachin ta ri cujc'ulelanic?

Ri Tzijonel 9:11

Cho we uwächulew ri' wilom chic jun jasach: chi man e are' taj ri aninak na quexiq'uinic ri quech'äcow ri xiq'uinem, mawi ri c'o qui chuk'ab ri quech'äcow ta ri ch'o'j; mawi e are' ta amak'el ri ajno'jab ri c'o qui wa, mawi e are' ta ri quec'oxomanic ri e k'inomab, mawi e are' ta ri quitijom quib ri utz ta qui c'ulaxic quebanic; conojel wa' xak c'äte tal caquitaklebej.

E C'ambal tak Tzij 16:9

Che ri winak caya' wi ri qui banic ri chomanic, ri Ajawaxel are' cäc'amow u be ri e u xo'l tak rakan.

Salmib 145:1

Quintzijoj na chi sibalaj nim banic la, nu Dios Wajawinel; quintewichi'j na ri bi' la amak'el.

Ri Ester 5:14

Are c'u ri rixokil xukuje' ri achijab ri xak junam qui wäch ruc' xquibij che: “Chataka' u tac'abaxic jun jitz'abal ri quel juwinak oxib (23) bara' chicaj, chwek ak'ab cha tz'onoj che ri ajawinel chi chwek chaxequebax ri Mardoquey puwi'. Je c'u ri' catcuinic catbe na pa ri wa'im ruc' ri ajawinel man c'o ta chi c'u jas catoc ta chi wi il.” We chomanic ri' utz xuta' ri Aman, xutak c'u u tac'abaxic ri jitz'abal.

Ucab Ajawinelab 6:26

C'o jun k'ij, ri ajawinel re Israel cäbin puwi' ri nim tapia, xurak c'u u chi' jun ixok: “¡Oh ajawinel, chinto' la!”

Ucab Ajawinelab 6:12

Jun chque xutzelej u bixic: “Man c'o ta jun. Are' ri Elisey ri k'axal tzij ri c'o pa Israel, are ri cäbin che ri ajawinel pa Israel ronojel ri cäbij la xukuje' ne ri catzijoj la chupam ri warabal la.”

Nabe Samuel 26:17

Aretak ri Saul xuch'ob ri u ch'abal ri David, co xurak u chi': “¡At ba' ri', David, ri nu c'ojol, ri quinach'abej!” Ri David xutzelej u bixic che: “Je', in ri' wajaw.

Ri Rut 2:3

Ri Rut xbe pa ri ulew xoc c'u che qui molic qui jolom sebad ri quetzak canok. Xutaklebej c'ut chi ri ulew ri xopan wi rech ri Booz, ri rachalaxic ri Elimelec,

Ucab Ajawinelab 4:12

xubij che ri Jiez, ri u pataninel: “Chasiq'uij ri chuchu' aj Sunem.” Ri pataninel xusiq'uij, aretak c'u xopan ri chuchu' chuwäch, ri Elisey xuya' takanic che ri u pataninel:

Ucab Ajawinelab 8:6

Ri ajawinel xebuban c'otoj tak chi'aj che ri ixok, xutzijoj c'ut ri ixok ri u c'aslemal che ri ajawinel. Xuya' c'u na takanic ri ajawinel che jun rach k'atal tzij ri e utz ruc' chi chubana' chi chetzelex che ri ixok ri e rechbal xukuje' ronojel ri u wäch ri ulew ri u yo'm kas aretak xel bic pa ri ulew c'ä pa ri jok'otaj ri' ri uj c'o camic.

Nabe Ajawinelab 20:1

Ri Ben-adad, ajawinel re Siriy, xebumulij conojel ri e rajch'ojab, xukuje' juwinak cablajuj (32) tak ajawinel ri qui yo'm qui tzij ruc', e cuc'am tak ri qui quiej xukuje' tak ri qui carwaj que ch'o'j, xpe chunakaj ri Samar xusutij rij, xch'ojin c'u ruc'.