Ucab Ajawinelab 8:1 - Quiché Bible

¹ Ri Elisey xtzijon ruc' ri ixok ri u c'astajisam ri ral, xubij c'u che chi oj ri are' xukuje' ri e rachalaxic chbejekel pa jun c'olbal chic, rumal rech chi ri Ajawaxel u yo'm u bixic chi cäpe jun nimalaj wi'jal pa ri ulew, ri cäbeytaj wukub junab.

Ucab Ajawinelab 8:1 Referans Kwoze

Ri Hajey 1:11

In ri xinc'amow ulok ri sak'ij paquiwi' tak ri ulew xukuje' paquiwi' tak ri juyub, puwi' ri trico, paquiwi' tak ri juwi' tak uva xukuje' paquiwi' tak ri juwi' tak aseitun, paquiwi' tak ri qui wächinic ri ulew, paquiwi' ri achijab xukuje' paquiwi' ri awaj, xukuje' paquiwi' conojel tak ri chac.”

Salmib 105:16

Xuc'am ulok wi'jal pa ri ulew ri', xresaj ronojel u wäch tzukbal chque.

Ri Rut 1:1

Pa tak ri k'ij aretak e are' quebajawin ri k'atal tak tzij puwi' ri Israel, xc'oji' jun k'ijol re wi'jal pa ronojel ri ulew. Jun achi c'ut aj Belen re Juda, Elimelec u bi', xejekel jun k'ijol pa ri ulew re Moab.

Ucab Ajawinelab 4:18

Xq'uiy c'ut ri alaj ala. C'o c'ut jun k'ij xel bic che rilic ri u tat, ri c'o cuc' ri banal tak k'atoj,

Chapletajic 12:10

Xpe c'u jun nimalaj wi'jal pa ronojel ri c'olbal ri', ri Abram xec'ol quieb oxib k'ij pa Ejipt, man c'o ta chi c'u catij pa ri c'olbal ri jekel wi.

Ri Lucax 4:25

Kastzij quinbij chiwe, chi e q'ui chuchuyib malca'nib xec'oji' pa Israel pa tak ri u k'ij ri Eliy, aretak xtz'apitaj ri caj oxib junab ruc' wakib ic', xc'oji' c'u jun nimalaj wi'jal pa ronojel ri ulew.

Nabe Ajawinelab 18:2

Xbe c'ut ri Eliy xuc'utu' rib chuwäch ri Acab. Ri wi'jal ri c'o pa Samar man ch'ijtajel taj.

Nabe Ajawinelab 17:1

Ri Eliy, ri k'axal tzij, ri aj Tisbe, re ri aj ulew re Galaad, xubij che ri Acab: “¡Quinban na ri chi'nic ri kas cäban na pa ri u bi' ri Ajawaxel, ri u Dios ri Israel, ri quinpatanij, chi pa tak we junab ri' man cäkaj ta na jäb, mawi cäkaj na räxk'ab c'ä quinbij chi na!”

Aj Levitib 26:26

Aretak quink'ip ri u c'u'x ri i caxlanwa, lajuj ixokib quechak'ajisan na ri i caxlanwa pa jun ja', xak c'u pajtal chic ri quitijo; quixwa'ic man c'u quixnoj taj.

Hechos 11:28

Jun chque wa' are Agab u bi', ri are' xtaq'ui'c, xuk'alajisaj rumal ri Uxlabaxel chi cäpe na jun nimalaj wi'jal cho ronojel ri uwächulew. Xpe c'u wa' pa tak ri k'ij aretak ri Clawd are k'atal tzij.

Ri Lucax 21:22

E k'ij c'u wa re c'äjisabal wäch, ri quetz'akat na conojel ri cubij ri Tz'ibatalic.

Ri Lucax 21:11

Cuban na nimak tak cabrakan. Quepe na wi'jal ruc' yabil pa jalajoj tak c'olbal. Quec'oji' na jastak xibibal, quec'oji' na nimak tak etal aj chicaj.

Ri Jeremiy 25:29

Quinchaplej c'u na qui takic tak ulok ri c'äjisabal tak wächaj ri quinya' na puwi' ri tinimit ri tastal chwe. ¿La are ta c'u pa i c'u'x ix chi ma ta qui kajbej na ri c'äjisabal wächaj? Kas c'u qui kajbej wi na, quintak c'u na ulok ri ch'o'j paquiwi' conojel ri winak re ri uwächulew. In, ri Ajawaxel ri c'o ronojel nu cuinem, quinjiquiba' u bixic.’

Salmib 107:34

ri ulew ri cäwächinic cuq'uex pa rulewal atz'am rumal ri quetzelal ri winak ri e c'o chila';

Ucab Samuel 24:13

Xbe c'ut ri Gad che rilic ri David, xuc'ot c'u u chi', xubij che: “¿Jachique ri utz cawilo: wukub junab wi'jal pa ronojel ri ulew, oxib ic' catanimaj chquiwäch ri a c'ulel, o oxib k'ij yabil pa ri ulew? Chachomaj chabij c'u bic chwe ri quenbij na che ri xintakow ulok.”

Ucab Samuel 21:1

Pa tak ri u k'ijol ri David xc'oji' jun wi'jal ri xbeytaj oxib junab xutakej rib. Xuta' c'ut ri David che ri Ajawaxel; ri Ajawaxel xutzelej u bixic che: “Ri wi'jal petinak cumal ri cämisanic ri xuban ri Saul e rachil ri rachalaxic, xequicämisaj c'ut ri e aj gabaonib.”

Chapletajic 47:4

Uj petinak rech cujelcanaj pa we ulew ri', rumal rech chi c'o nimalaj wi'jal pa Canaan, man c'o ta chic k'ayes chque ri ka chij. Bana' la tok'ob ya' la chke chi cujcanaj che jekelem chupam ri ulew Gosen.”

Chapletajic 41:32

We camul xban la ri ichic', are cubij wa' chi ri Dios kas cuban ri u chomam, cuban c'u chanim.

Chapletajic 41:25

Ri Jose xubij che ri ajawinel: “Ri quieb ichic' ri banom la, xa e jun. Ri Dios u c'utum chwäch la jas ri cubana' na.

Chapletajic 26:1

Pa tak ri k'ij ri' xpe jun nimalaj wi'jal pa ronojel ri c'olbal ri c'o wi ri Isaac, oc'owinak chi ri' ri wi'jal ri xuban can pa tak ri u k'ijol ri Abraham. Rumal ri' xbe ri Isaac pa Jerar ri c'o wi ri Abimelec cajawinel ri aj pilisteyib.

Chapletajic 41:54

xchapletaj c'u ri wukub junab q'uetetem jas ri u yo'm u bixic ri Jose. Xc'oji' wi'jal pa conojel tak ri ulew, xak xuwi pa Ejipt c'o wi trico;

Ucab Ajawinelab 4:38

Xuwi c'u xbantaj wa', xtzelej ri Elisey pa Jilgal. Pa ri k'ijol ri' c'o nimalaj wi'jal pa ri ulew ri', c'o c'u jun k'ij e t'uyut'uj ri e k'axal tak tzij chuwäch ri Elisey, xubij c'u wa' che ri u pataninel: “Chacojo ri nimalaj t'uy puwi' ri k'ak', chabana' c'u jun riquil chque ri e k'axal tak tzij.”

Ucab Ajawinelab 7:20

Kas c'u je, xc'ulmatajic, rumal rech chi xxak'alex cumal ri winak chuchi' ri roquibal ri tinimit xcäm c'ut.

Ucab Ajawinelab 8:2

Ri ixok xusuc'umaj rib je xubano jas ri no'j ri xya' che rumal ri k'axal tzij: xebuc'am bic ri rachalaxic xk'ax pa ri culew ri aj pilisteyib, wukub junab c'ut xcanaj can chi la'.

Ucab Ajawinelab 4:36

Ri Elisey xusiq'uij ri Jiez xubij c'u che: “Chasiq'uij ri chuchu' aj Sunem.” Ri Jiez je xubano, aretak c'u xopan ri chuchu' jawije' ri c'o wi ri Elisey, wa' xubij che: “C'o ri awal ri'.”

Ri Amos 4:6

“In xinbano chi xirik wi'jal pa conojel tak ri i tinimit; in xinbano chi man xirik ta chic ri quitijo pa conojel tak ri i tinimit, ¡are c'u ri ix man xixtzelej ta wuc'!” Ri Ajawaxel cujiquiba' u bixic.