Ucab Ajawinelab 7:8 - Quiché Bible

⁸ Xebopan c'ut ri achijab ri c'o chuwilaj ch'a'c chquij chunakaj ri kajebal ri e c'o wi ri aj siriyab nabe, xeboc chupam jun cäbal xeboc che wa'im xukuje' uq'uianic; xquirik sak puak k'an puak xukuje' atz'iak, xebel c'u bic xebequic'u' canok. Xetzelejic xeboc chi chupam jun cäbal, xukuje' xequimulij chi jastak chi' ri xebe chi che qui c'u'ic.

Ucab Ajawinelab 7:8 Referans Kwoze

Ri Matey 13:44

“Ri rajawibal ri Dios jacha' ta ne jun k'inomal ri c'utal canok pa jun ulew, ri xurik jun winak, xuc'u' chi canok. Ri are c'o quicotemal ruc' rumal rech ri xuriko. Cäbe c'ut, quebuc'ayij conojel ri jastak ri c'o ruc', culok' c'u ri ulew ri'.”

Ri Josue 7:21

Chquixo'l ri jastak ri xekamajij pa Jerico, xtaki' nu wäch che ri jun je'lalaj c'ul aj Babilon, quieb sient sak puak jurabaj k'an puak ri craj capajan jun libra. Xekaj we jastak ri' chnuwäch, xecanaj c'u can wuc', nu mukum c'u chuxe' ri nu cäbal lic'om ri nu tanim, nu yo'm c'u ri puak chuxe'.”

Ri Matey 25:18

Are c'u ri xuc'am jun rakan nim puak, xel bic, xuc'ot jun jul pa ri ulew, xuc'u' ri u puak ri rajaw.

Ri Jeremiy 41:8

Lajuj c'ut chque ri achijab ri e cachil wa' xquibij che ri Ismael: “Man cujacämisaj taj; uj c'o ka trico, ka sebad, kaseit xukuje' ka juyubal räx cab ka c'u'm pa ri juyub.” Man c'u xebucämisaj taj ri Ismael jacha' ri e niq'uiaj cächil.

Ucab Ajawinelab 5:24

Aretak c'u xebopan tza'm ri juyub, ri Jiez xuc'am ri sak puak ri cuc'am bic ri pataninelab, xuc'ol pa ri ja xebujach c'u bic.

Ucab Ajawinelab 7:9

Xquibila' c'u chquixo'l: “Man utz taj ri cätajin cakabano. Camic ri k'ij ri utz u c'amic bic ri utzalaj tzijol, man cätajin ta c'u cakaya' u bixic. We cakeyej na cäsakaric, cakekaj na ri macaj. Are utz na chi quekaya' u bixic chupam ri rachoch ri ajawinel.”