Ucab Ajawinelab 7:10 - Quiché Bible

¹⁰ Xebe c'ut xequisiq'uij ri e chajil tak rech ri u chi' ri tinimit, xquibij c'u chque: “Uj tzelejinak ulok chupam ri qui kajebal ri aj siriyab, mawi c'u ne jun winak c'olic; mawi c'o jachin jun cätataj ta ri u ch'abal. Xuwi e c'o ri quiej xukuje' tak ri bur e ximixoj e wocowoj tak ri qui cäbal ri lic'om jas ri u woquic xquibano.”

Ucab Ajawinelab 7:10 Referans Kwoze

Salmib 127:1

We man are' ri Ajawaxel cäyacow ri rachoch Dios, man c'o ta cupatanij ri qui chac ri e yacanelab; we man are' ri Ajawaxel cäch'ukuw ri tinimit, man c'o ta cupatanij pune' quec'asc'at ri chajinelab.

Ucab Ajawinelab 7:11

Ri e chajil tak ri u chi' ri tinimit xequisiq'uij ri e aj rachoch ri ajawinel.

Ucab Samuel 18:26

Aretak cätajin canakajin ri achi, ri chajinel xril chi apan jun achi ri caxiq'uinic petinak, xurak c'u u chi' xubij chi apan che ri chajil oquibal: “¡Petinak chi jun achi caxiq'uinic!” “Xukuje' utzalaj tzijol ruc'am ulok wa'” xcha' ri ajawinel.

Ucab Ajawinelab 7:9

Xquibila' c'u chquixo'l: “Man utz taj ri cätajin cakabano. Camic ri k'ij ri utz u c'amic bic ri utzalaj tzijol, man cätajin ta c'u cakaya' u bixic. We cakeyej na cäsakaric, cakekaj na ri macaj. Are utz na chi quekaya' u bixic chupam ri rachoch ri ajawinel.”

Nabe Tzijobelil 15:18

xequic'ut chi c'ut niq'uiaj cachalaxic ri e nabe, ri e qui tz'akat ri e u cak'at pataninelab: Zacariy, Jaaziel, Semiramot, Jehiel, Uni, Eliab, Benaiy, Maasiy, Matatiy, Elipelehu, Micniy, xukuje' ri e chajil tak oquibal, ri e are' ri Obed-edom xukuje' ri Jeiel.

Nabe Tzijobelil 16:38

Xukuje' xebuya' can ri Obed-edom xukuje' tak ri e rachil, e oxc'al wajxakib (68) winak, cachil ri Obed-edom, u c'ojol ri Jedutun, xukuje' ri Hos, che chajil oquibal.

Ucab Tzijobelil 23:19

Xukuje' xebucoj chajil tak uchi'ja pa tak ri oquibal chupam ri rachoch ri Ajawaxel, rech man c'o ta jun coc ta pa jun oquibal ri c'o ta jun tz'ilol che jas ri cubij ri pixab.