Ucab Ajawinelab 3:4 - Quiché Bible

⁴ Ri Mesa, ajawinel re Moab, cutij u k'ij che qui q'uiyisaxic chij, rajawaxic c'ut cujach ri cätok'ix che rumal ri ajawinel re Israel jun sient mil (100,000) alaj ama'ib tak chij xukuje' jun sient mil (100,000) chij ri quiekam ri quismal.

Ucab Ajawinelab 3:4 Referans Kwoze

Ucab Samuel 8:2

Xukuje' xebuch'äc ri aj moabib, xuban c'u chque chi caquilemej quib cho ri ulew xeretaj c'u ruc' jun etabal c'am: e are' c'ut ri xecanaj chquipam ri cacab c'am, quec'okotaj che cämical, are' c'ut ri xecanaj chquipam jujun c'am, quec'asbax canok. Xecanaj c'u ri aj moabib chuxe' ri u takanic ri David xquitoj c'u na cuchuj pa u k'ab.

Salmib 60:8

ri Moab are tzima ri quinch'abej wib; puwi' ri Edom quinq'uiak wi na ri nu xajäb; ¡quinrak c'u nu chi' rumal ri ch'äcanic paquiwi' ri aj pilisteyib!”

Ri Job 42:12

Ri Dios xutewichi'j na ri Job pa ri q'uisbal tak u junab chquiwäch ri nabe tak u junab. Xec'oji' c'u na cajlajuj mil (14,000) ri u chij, wakib mil (6,000) camey, jun mil (1,000) c'ulaj tak wacax ri quechacunic xukuje' jun mil (1,000) ati'tab tak bur.

Ri Job 1:3

e c'o c'u wukub mil (7000) u chij, oxib mil (3000) u camey, job sient (500) c'ulaj u wacax, job sient (500) ati'tab tak u bur. E c'o c'ut q'uialaj rajchaquib. Are achi wa' ri sibalaj k'inom na pa ri elebal k'ij.

Ucab Tzijobelil 26:10

Xukuje' xebuyac tac'atak tak ja pa ri chaki'j uwo sak, xebuc'ot tak q'ui c'ua' rumal rech chi e q'ui ri rawaj e c'olic, c'o e c'o pa ri lianic jacha' xukuje' ri e c'o puwi' ri juyub. Xukuje' e c'o rachijab ri quechacun pa tak ri juyub xukuje' ri e c'o pa tak ri ticbal tak u uva ri e c'o pa ri rulewal ri c'ache'laj, xukuje' pa ri ticbal tak ichaj, cäkaj c'ut ri ticonijic chuwäch.

Nabe Tzijobelil 18:2

Xukuje' xebuch'äc ri aj moabib, xecanaj c'u chuxe' ri u takanic ri David xetojon c'u na pa u k'ab.

Chapletajic 13:2

Sibalaj k'inom ri Abram, c'o u rajil re k'an puak re sak puak, xukuje' e c'o q'ui rawaj.

Ucab Samuel 8:6

Ri David xebucojo chajinelab pa siriyab u tz'akatil ri Damasc, ri e aj siriyab xecanaj chuxe' ri u takanic xeboc che u tojic cuchuj pa u k'ab. Je c'u ri', ri Ajawaxel cuya' ri ch'äcanic che ri David apawije' ta ne ri cabe wi.