Ucab Ajawinelab 24:3 - Quiché Bible

³ Xuc'ulmaj c'ut ri Juda wa' rumal rech chi ri Ajawaxel je xuchomaj u banic, che resaxic ri Juda chuwäch qui mac quech tak ri macaj ri xebuban ri Manases,

Ucab Ajawinelab 24:3 Referans Kwoze

Ucab Ajawinelab 18:25

Xak c'u u wi' chic, ¿La are pa a c'u'x chi in petinak che u banic ch'o'j xukuje' che u sachisaxic u wäch we ulew ri' ri ma ta c'u are' ri Ajawaxel in takowinak ulok? ¡Are' xintakow che u banic ch'o'j ruc' ri Ezequiy xukuje' che u sachisaxic u wäch!’ ”

Ri Miquey 2:10

Chixwalijok chitakej ri i be, chi we c'olbal ri man che ta uxlanibal; sibalaj nim ri etzelal ri c'o chupam, chi chuwirinak ronojel.

Ri Amos 3:6

we cok' ri trompet chupam ri tinimit, ri winak caquina' quib; we c'o jun lawaloyil cäc'ulmataj chupam ri tinimit, xa' are' ri Ajawaxel ri' takowinak.

Ri Isaiy 45:7

In quinyo'w ri sakil xukuje' ri k'eku'm, in quinyo'w ri utzalaj c'aslemal xukuje' ri u q'ueyowal. In, ri Ajawaxel ri quinbanow conojel we jastak ri'.”

Ucab Tzijobelil 25:16

Aretak c'u ri k'axal tzij cätajin cubij wa', ri ajawinel xc'ulelaj: “¿La xa' pa at ka cojom che ya'l u no'j ri ajawinel? ¡Chak'ila' awib chatz'apij u pa a chi'! ¿O are cawaj catcämisaxic?” Ri k'axal tzij man xutakej ta chic u cojic u chuk'ab, xubij c'ut: “In weta'm chi ri Dios xa jumul u bim chi cusachisaj wäch la rumal rech ri u banic wa' xukuje' ri man u takexic taj ri nu no'j.”

Ucab Tzijobelil 24:24

Man e q'ui taj ri ajch'ojab aj siriyab ri xebopan che u banic ri ch'o'j, xebujach c'ut ri Ajawaxel ri sibalaj q'uialaj ajch'ojab pa qui k'ab, rumal rech chi qui tzakom can ri Ajawaxel, ri qui Dios ri e qui mam. Are c'äjisabal wächaj wa' xurik ri Joas ri takal che.

Ri Josue 23:15

Je c'ut, chi xtz'akat ronojel ri utz ri xuchi'j ri Ajawaxel chiwe, jeri' xukuje' ri are' cuc'am na ulok piwi' ronojel qui wäch etzelal, c'ä man c'o ta jun chiwe cacanaj ta can pa we utzalaj ulew ri' ri xuya' chiwe,

U Camulixic ri Pixab 29:28

xeresaj c'u bic pa ri culew ruc' oyowal, ruc' nimalaj c'anal; xq'uistaj u c'u'x chque, xebuq'uiak bic pa jule' tak ulew chic, jas ri cätajin cäc'ulmataj camic.

U Camulixic ri Pixab 28:63

Jacha' ri xquicot ri Ajawaxel che u banic utzil chawe xukuje' che a pok'isaxic, camic cäquicot che ri awetzeletajic xukuje' ri u sachisaxic a wäch, aninak c'ut catbok na bic pa ri ulew ri catejekel wi na.

Elem 20:5

Mamej awib chquiwäch mawi mebaya' k'ijilanic chque, rumal rech chi in ri' ri Ajawaxel ri a Dios, Dios achixomanel ri cuc'äjisaj qui wäch ri etzelal ri caquiban ri tataxelab, pa ri qui wi' ri calc'ual, ri qui' tak qui mam xukuje' xiquin tak qui mam ri caquetzelaj nu wäch;

Chapletajic 50:20

Ri ix xichomaj u banic jun c'ax chwe, ri Dios u q'uexom we c'ax ri' pa utzil che u banic ri cäkil camic: che u to'ic qui c'aslemal tinimit winak.

Ri Jeremiy 32:31

Are c'u we tinimit ri' kas pa ri k'ij aretak xchaplex u yaquic c'ä pa ri k'ij ri', man c'o ta jas ri u banom xane' xak xuwi ri u yaquic ri woyowal xukuje' ri nu c'anal. Rumal ri' quenbana' che chi quel chnuwäch,

Ri Jeremiy 52:28

Ri cajilabal ri winak ri xebesax bic rumal ri Nabucodonosor e are' tak wa': chupam ri uwuk junab ri rajawinic xeresaj bic juwinak oxib mil juwinak oxib (3023) winak pa Juda;

Ri Ezequiel 24:6

Cubij c'ut ri Ajawaxel: ¡Tok'ob u wäch ri tinimit ri cämisanel! Xak junam ruc' jun t'uy ri pusirinak, ri man quel ta ri pus che. Chebawesaj at, ri ch'akatak tak ti'j, c'ä cätoli' na can ri t'uy.

Ucab Ajawinelab 17:18

Rumal c'u ri' xpe ri royowal ri Ajawaxel puwi' ri Israel xresaj c'u bic chuwäch, man c'o ta c'u xebuya' can chque xak xuwi ri ramak' ri Juda.

Ucab Ajawinelab 17:20

Are' c'u ri Ajawaxel xebuxutuj conojel ri quija'lil ri aj israelib xebumach'irisaj ruc' ri qui jachic pa qui k'ab ri quetokin ri jastak quech c'ä xeresaj na bic chuwäch.

Ucab Ajawinelab 17:23

Chuq'uisbalil c'ut ri Ajawaxel xresaj na ri Israel chuwäch, jacha' ri u yo'm u bixic cumal conojel tak ri e k'axal u tzij, ri e pataninel tak rech, je c'u ri' ri e aj Israel e yutuyuj xec'am bic pa Asiriy, ri c'ä e c'o chila' camic.

Ucab Ajawinelab 21:16

Xak c'u qui wi' chic ri macaj ri xuban wi ri Manases chi xmacun ri Juda xukuje' ri itzel tak u banoj ri xebuban chuwäch ri Ajawaxel, sibalaj nim ri quic' ri xutix pa Jerusalen, ri man c'o ta u mac, chi xunojisaj ronojel ri Jerusalen che.

Ucab Ajawinelab 24:20

Rumal ri' xoyowar ri Ajawaxel chrij ri Jerusalen xukuje' chrij ri Juda, xebuq'uiak bic chuwäch. Xuwalijisaj c'u rib ri Sedequiy chrij ri ajawinel re Babilon.

Ri Ezequiel 22:3

cabij c'u na che: ‘Are' wa' ri cubij ri Ajawaxel: Tinimit ri quebacämisaj ri e a winak, quebaban c'ut ri e diosib che u tz'iloxic awib, ¡opanem cuban ri a k'ijol!