Ucab Ajawinelab 21:5 - Quiché Bible

⁵ Xebuyac chi niq'uiaj porobal chquiwäch ri quieb uwo ja ri e c'o chuwäch ri rachoch ri Ajawaxel, chila' c'u quek'ijilax wi conojel tak ri ch'imil ri e c'o cho ri caj.

Ucab Ajawinelab 21:5 Referans Kwoze

Nabe Ajawinelab 7:12

Chuchi' c'ut ri u quetic ri nim uwo ja e c'o ox cholaj abaj, jocholaj tem re chacalte', xukuje' jas ri u banom ri ucab uwo ja, xukuje' pa ri rakan ja rech ri rachoch ri Ajawaxel.

Ucab Ajawinelab 23:12

Xebutuquij c'u xukuje' tak ri porobal ri xequiyac tak ri ajawinelab re Juda puwi' ri nimalaj rachoch ri Acaz, xukuje' tak ri e u porobal ri Manases ri xebuyac cho tak ri uwo ja re ri rachoch ri Ajawaxel; xebumuchu xebuq'uiaka' c'ut ri qui ch'akatil chupam ri nima' Sedron.

Ucab Ajawinelab 23:4

Are' c'u ri ajawinel xutak ri Hilsiy, qui nimal ri e cojol tabal tok'ob, xukuje' ri ucab cojol tabal tok'ob xukuje' ri e chajil tak oquibal, chi chequesaj ulok chupam ri rachoch ri Ajawaxel conojel ri jastak ri xecoj che u ya'ic k'ijilanic che ri Baal xukuje' che ri Asera xukuje' ri xecoj che u ya'ic k'ijilanic chque ri ch'imil ri e c'o cho ri caj, xebuporoj c'u chrij ri Jerusalen, pa tak ri ulew re ri Sedron, xebuc'am c'u bic ri qui chajil pa Betel.

Nabe Ajawinelab 6:36

Xusuc'umaj ri u catas uwo ja xucoj oxcholaj tzoc'om tak abaj xukuje' jocholaj tem re chacalte'.

Ri Ezequiel 44:19

C'ä majok c'u chebel bic chuwäch ri nabe uwo ja, jawije' e c'o wi ri tinimit winak, rajawaxic quequesaj ri atz'iak ri xquicoj che ri patanijic chupam ri wachoch quequiya' c'u chquipam ri alaj tak ja ri e c'o chupam ri wachoch, caquicoj chi c'ut jun atz'iak, rech man cäk'ax ta ri u tastajic ri atz'iak che ri tinimit.

Ri Ezequiel 43:5

Xinuwalijisaj c'ut ri u cuinem ri Dios xinuc'am c'ubic chuwäch ri ucab uwo ja, xinwil c'ut chi ri u juluwem ri Ajawaxel u nojisam ri rachoch.

Ri Ezequiel 42:3

Che ri juperaj cäca'y chuwäch ri ucab uwo ja, ri cablajuj bara' ruc' jun k'abaj u wäch, are chi c'ut ri joperaj cäca'y chuwäch ri lajom abaj ri c'o chuwäch ri nabe uwo ja. E ox tak wik, chquijujunal e oquinak tak bic jubik' chuwäch ri c'o iquim.

Ri Ezequiel 40:47

Ri achi xuretaj ri ucab uwo ja, ri cajtzalaj, xak junam ri u wäch ruc' ri u rabic oxc'al ruc' jun bara' ri jujun u xcut. Ri porobal c'o chuwäch ri Rachoch Dios.

Ri Ezequiel 40:37

Ri rakan ja cäca'y pa ri nabe uwo ja. Ri e rakan tak ja e wiktal cuc' tak tut pa tak qui xcut chquijujunal. Che ri oquem pa we oquibal ri' caban pakalem paquiwi' wajxakib tanatob.

Ri Ezequiel 40:32

Xinuc'am c'u bic chuwäch ri ucab uwo ja, pa ri elebal k'ij, xuretaj c'ut ri oquibal, ri xak junam quetan cuc' ri e niq'uiaj chic.

Ri Ezequiel 40:28

Xinuc'am c'u bic pa ri oquibal ri c'o pa ri u mox k'ab ri elebal k'ij ri cäca'y che ri ucab uwo ja. Xretaj ri oquibal ri c'o pa ri u mox k'ab elebal k'ij, xak junam quetan cuc' ri e nabe tak oquibal.

Ucab Tzijobelil 33:15

Xeberesaj c'ut pa ri rachoch ri Ajawaxel ri diosib ri man etamatal ta qui wäch xukuje' ri e diosib ri xubano, jacha' xukuje' conojel tak ri porobal ri quek'ijilax wi diosib, ri xebuyac pa ri u juyub ri rachoch Dios xukuje' pa Jerusalen, xebuq'uiak c'u bic chrij ri tinimit.

Ucab Tzijobelil 33:5

Xebuyac chi niq'uiaj porobal chuwäch ri quieb uwo ja rech ri rachoch ri Ajawaxel, che qui k'ijilaxic tak ri ch'imil ri e c'o chicaj.

Ucab Ajawinelab 23:6

Xresaj bic chrij ri Jerusalen ri u wächbal ri Asera ri c'o chupam ri rachoch ri Ajawaxel, xuporoj chuchi' ri nima' Sedron c'ä xchajir na xujopij c'ut chupam ri siwan ri tixbal u mes ri tinimit.

Ucab Ajawinelab 23:5

Xeresaj ri e cojol tabal tok'ob pa ri qui chac ri e cojom can cumal tak ri ajawinelab re Juda che qui poroxic c'oc' tak k'ol pa tak ri k'ijilabal ri quek'ijilax wi ri diosib ri e c'o pa tak ri tinimit pa Juda xukuje' tak ri e c'o chrij ri Jerusalen, xukuje' ri e cojol tabal tok'ob ri quequiporoj coc' tak k'ol chuwäch ri Baal, chuwäch ri k'ij, chuwäch ri ic', chquiwäch ri nimak tak ch'imil xukuje' chquiwäch ri alaj tak ch'imil ri e c'o cho ri caj.

Ucab Tzijobelil 4:9

Xuban c'ut ri uwo ja chque ri e cojol tabal tok'ob xukuje' ri uwo ja ri nim u k'ij, e rachil tak ri roquibal, ri xebuch'uk che k'an ch'ich'.

Ri Ezequiel 8:16

Xinuc'am c'u bic chuwäch ri rachoch ri Ajawaxel chuchi' ri roquibal ri k'ijilabal, chquixo'l ri rakan ja ruc' ri porobal, juwinak job (25) achijab are qui yo'm can ri quij chuwäch ri k'ijilabal; qui mejom quib chuwäch ri quelwi ulok ri k'ij, qui yo'm ri qui palaj cho ri ulew, caquik'ijilaj ri k'ij.