Ucab Ajawinelab 20:3 - Quiché Bible

³ “In quinbochi'n che la, Ajawaxel, chi chnataj che la jas ri jicalaj patanixic la nu banom man c'u ruc' ta cawächibal, are c'u nu banom ri cakaj chwäch la.” Xok' c'ut ruc' c'ayil.

Ucab Ajawinelab 20:3 Referans Kwoze

Ri Nehemiy 13:22

Oc'owinak chi c'u wa' xinya' takanic chque ri aj levitib chi chquich'ajch'ojirisaj quib cheboj c'ut che qui yuxlexic tak ri oquibal, rech man cawasixtaj taj ri k'ij re uxlanem. ¡Nu Dios: chinnataj che la xukuje' rumal wa', tok'obisaj c'u la nu wäch jas ri u cholajil ri utzil la!

Ri Nehemiy 13:14

¡Nu Dios: chnataj che la ri nu banom, masach c'u pa jolom la ronojel ri utz ri nu banom che ri achoch la, xukuje' che ri k'ijilaxic la!

Ri Nehemiy 5:19

¡Minsach pa jolom la nu Dios, xukuje' ronojel ri nu banom che ri tinimit ri'!

Ri Nehemiy 13:31

ri u jachic ri si' pa tak ri k'ij ri e c'utum xukuje' ri qui jachic ri nabe tak wächinic. ¡Nu Dios: chnataj che la ri u tok'obisaxic nu wäch!

Ri Lucax 1:6

Ri Zacariy ruc' ri Elisabet e suc' chuwäch ri Dios. Cäquinimaj ronojel ri u takanic ri Ajawaxel. Cäquinimaj ronojel ri pixab. Man c'o ta etzelal xriktaj chquij.

Nabe Ajawinelab 8:61

Rumal ri', man yataltaj chi qui tas ta iwib chrij ri Ajawaxel ri ka Dios, chebitz'akatisaj c'ut qui banic ri u pixab chebinimaj c'ut ri e u takomal jacha' ri pa we k'ij ri'.”

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

Ri Xuan 1:47

Aretak ri Jesus xril ri Natanael cätajin copan ruc', jewa' xubij chrij: “Chiwilampe' jun kas aj israel, ri man c'o ta wi subunic.”

Ri Jeremiy 4:2

c'äte c'u ri' catcuinic caban ri chi'nic ri kas cäban na pa ri nu bi' ruc' kastzij, suq'uilal xukuje' colomal. Ri nu bi' cux na chque ri nimak tak tinimit che tewichibal xukuje' che k'ijilanic.

Ri Isaiy 63:11

Ri e are xnataj ri ojer tak k'ijol chque aretak ri Moises xucol ri u tinimit, quec'olow c'u chi'aj: “¿Jawije' c'o wi ri Dios ri xcolow ri Moises pa ri nim ja' Nil, ri yukul rech ri u jumulaj? ¿Jawije' c'o wi ri xcojow ri Ruxlabal ri Dios pa ri ranima' ri Moises,

Ri Isaiy 38:14

Xak alicha' quinjilowic jacha' ri cäquiban ri xipicar, quinch'ikowic jacha' ri caquiban ri palomax. Ri nu bak'wäch quecos che ri ca'yem chicaj. Ajawaxel, nu rikom c'ax, chux la to'l wech.

Salmib 145:18

Ri Ajawaxel, nakaj c'o wi chque ri cäquinataj ri u bi', ri cäquinataj ri u bi' ruc' ronojel canima'.

Salmib 119:49

Chnataj ri tzij la ri xya' la che we pataninel ech la ri': ri xban wi la xincoj ri weyebal c'uxaj che.

Salmib 102:9

Chuq'uexwäch nu wa, chaj quintijo; cuyuj rib ri u wa'l nu wäch ruc' ri wuq'uia',

Salmib 89:50

Ajawaxel, chnataj che la chi ri pataninel tak ech la queyok' cumal q'ui winak; quebenc'am c'u ne bic tak we c'ax ri' pa ri wanima'.

Salmib 89:47

Ajawaxel, nataj che la chi man naj ta quinc'asi'c; chi man naj ta quec'asi' ri winak ri e winakirisam la.

Salmib 32:2

Utz re ri winak ri man c'o ta itzel chomanic pa ranima', ri man cätzujux ta rumal ri Ajawaxel chi c'o u mac.

Salmib 25:7

menataj chi c'ut ri nu mac che la, mawi ri etzelal ri xinban pa ri wac'alal. Ajawaxel, chinnataj ba che la, rumal ri lok'ok'ebal c'u'x la xukuje' ri utzil la.

Salmib 6:6

In cosinak che ok'ej. Jujun tak ak'ab quinq'uis wib che ok'ej cäch'aki' ri nu ch'acat cumal ri u wa'l nu wäch.

Ri Job 1:8

Xubij c'ut ri Ajawaxel che: “¿La ma ta at oquinak il che ri Job ri pataninel wech? Man c'o ta jun chuwäch ri uwächulew jacha' ri are', ri sibalaj jic che nu patanixic, ri ruc'am jun c'aslemal ri sibalaj colom ri man c'o ta jubik' macaj pa ri u c'aslemal, sibalaj c'u cuchajij rib chi man c'o ta jun c'ax cuban ta che jachin jun.”

Ri Job 1:1

Chupam ri rulewal ri Uz xc'oji' jun achi Job u bi', ri xruc'aj jun jicomalaj c'aslemal ri man c'o ta wi jubik' macaj, are c'u jun jicalaj pataninel rech ri Dios, sibalaj c'u cuchajij rib chi man c'o ta jun c'ax cuban ta che jun rajil u tz'akat.

Ucab Tzijobelil 16:9

Ri Ajawaxel cäril ronojel ri cac'ulmataj cho ronojel ri uwächulew, rech cuya' qui chuk'ab ri kas caquicu'ba' qui c'u'x chrij are'. ¡Banom c'u la jun conil! Kas c'u camic cächaptaj bic quepe chi na ch'o'j pa wi' la.”

Nabe Ajawinelab 15:14

Pune' c'u man xebesax taj tak ri k'ijilabal ri quek'ijilax wi tak ri diosib, ri As amak'el xux jic chuwäch ri Ajawaxel,

Nabe Ajawinelab 11:4

Aretak nim winak chic ri Salomon, ri e rixokil xquibano chi xjech'ob ri ranima' che qui k'ijilaxic jule' tak diosib chic, man kas ta c'u u jachom chi rib pa u k'ab ri Ajawaxel ri u Dios, jacha' ri xuban can ri David, ri u tat.

Nabe Ajawinelab 3:6

Ri Salomon xutzelej u bixic: “Ri lal xban la nimalaj utzil che ri nu tat ri David ri pataninel ech la, ri are' xbin chwäch la ruc' tz'akatil, ruc' suq'uilal xukuje' ruc' jun ch'ajch'ojalaj ranima' uc' la. Rumal ri' xban la nimalaj utzil che, xya' c'u la che chi jun u c'ojol cät'uyi puwi' ri u tem re ajawibal, jas ri c'ulmatajinak camic.

Nabe Ajawinelab 2:4

Are c'u ri Ajawaxel co cutiq'uiba' ri chi'nic ri xuban chwe, chi we ri e nu c'ojol caquichajij ri qui c'aslemal, quebin c'u pa ri kastzij chuwäch ri are', ruc' ronojel ri canima' xukuje' ruc' ronojel ri qui c'aslibal, mawi ta jumul ri' ma ta c'o jun wachalaxic ri ma ta cac'oji' na puwi' ri tem re ajawibal aj Israel.

Chapletajic 17:1

Aretak c'o chi jumuch' ruc' belejlajuj (99) u junab ri Abram, xuc'ut rib ri Ajawaxel chuwäch, xubij che: “In ri' ri Dios ri c'o ronojel u cuinem; chatbin pa jun suc'alaj c'aslemal chnuwäch.

Chapletajic 8:1

Xnataj ri Noe che ri Dios xukuje' xenataj conojel ri awaj che ri e c'o ruc' ri Noe pa ri jucub. Xutak ulok jun quiakik' puwi' ri uwächulew, nojim xbutzajic ri ja';

Chapletajic 5:24

Ri Enoc xak xsachic, xc'am bic rumal ri Dios rumal rech chi xniman che ri Dios pa ronojel ri u c'aslemal.

Chapletajic 5:22

Ri Enoc xniman che ri Dios pa ronojel ri u c'aslemal. Xc'asi' chi c'u na oxib sient (300) junab. Xebalax chi na niq'uiaj u c'ojol, xukuje' niq'uiaj u mia'l;

Hebreos 5:7

Ri Crist, aretak xc'oji' waral cho ri uwächulew, xurak u chi', xok'ic aretak xuban ch'awem ruc' Dios. Xuban bochi'nic xukuje' tz'ononic che ri Dios, ri cäcuin che u to'ic chuwäch ri cämical. Xtataj c'ut rumal ri u nimanic.

Nabe Ajawinelab 9:4

Are c'u ri camic, we ri at utz ruc'axic ri a c'aslemal caban chnuwäch jacha' ri xuban ri David, ri a tat, ruc' jun anima' ri man c'o ta jas cäriktaj chrij, ri suc', catoc c'u che u banic ronojel ri at nu takom wi, quebanimaj c'ut ri e nu pixab xukuje' tak ri e nu takanic,

Ucab Ajawinelab 20:2

Ri Ezequiy xbe u wäch cho ri xan je c'u ch'awem wa' xuban ruc' ri Ajawaxel:

Ucab Ajawinelab 20:4

Xc'ulmataj c'ut chi c'ä maja' quel ulok ri Isaiy chuwäch ri nabe uwo ja re ri rachoch ri Ajawinel, ri Ajawaxel xuch'abej ri Isaiy xubij c'u che:

Salmib 26:1

Ajawaxel, bana' la suq'uilal chwe, man c'o ta macaj pa ri nu c'aslemal. Mawi jubik' quinwesaj ri cu'lbal nu c'u'x chij la;

Salmib 26:3

Natal ri lok'ok'ebal c'u'x la chwe, xukuje' in bininak jic chwäch la;

Nabe Ajawinelab 8:23

je c'u xubij wa': “Ajawaxel, u Dios ri Israel: mawi pa ri caj mawi pa ri uwächulew c'o ta jun Dios jacha' ri lal, ri cätz'akatisaj la ri c'ulwächinic la, cac'ut c'u la ri utzil la chquiwäch ri ruc' ronojel canima' quepatanin che la.

Ri Job 4:6

At, ri at jun jicalaj pataninel rech ri Dios, jun achi ri colom ri u c'aslemal, ¿Jas c'u che man kas ta cajiquiba' ri a c'u'x?

Ri Job 16:20

chebuk'axej tak ri e nu chomanic chuwäch ri Dios, rech ri are' queril ri u wa'l tak nu wäch;

Salmib 6:7

Ri k'oxomal cusutz'irisaj ri nu bak'wäch; ¡que sutz'ar u mac quech ri qui banom qui c'ulel chwe!

Salmib 39:13

Tanaba' la nu ca'yexic, ya' la jok'otaj chwe re uxlabic, c'ä majok chinbec quintanaba' c'u c'aslemal.”

Salmib 119:26

Nu k'alajisam ri nu c'aslemal chwäch la, xtzelej c'u la u wäch ri nu tzij; ¡chintijoj la chque tak ri pixab la!

Ri Amos 5:4

Jewa' cubij ri Ajawaxel chque ri aj israelib: “Chiniwokaj, quixc'asi' c'u na.