Ucab Ajawinelab 2:13 - Quiché Bible

¹³ Xusic' c'ut ri u k'u' ri Eliy ri xjolojob can chrij, xtzelej c'u chuchi' ri Jordan xtaq'ui' c'u chuchi'.

Ucab Ajawinelab 2:13 Referans Kwoze

Nabe Ajawinelab 19:19

Ri Eliy xel bic chila' xurik c'ut ri Elisey ri cätajin cuban c'upuj, e benak cablajuj c'ulaj wacax chuwäch, kas are' c'u u c'aninak bic ri q'uisbal c'ulaj. Ri Eliy xkeb chuxcut, xuq'uiak c'ut ri u k'u' chrij.

Nabe Ajawinelab 9:26

Ri ajawinel Salomon xukuje' xebuban tak jucub pa Ezion-jeber ri c'o chunakaj ri Elat, chuchi' ri Quiäk Plo, pa ri rulew ri Edom.

Ucab Ajawinelab 2:8

Xpe c'u ri Eliy xuc'am ri u k'u', xuban jun bolobic che xupak'ij c'ut ri ja', xuban c'u quieb ri ja', qui cabichal c'ut xek'ax chupam ri nima' jacha' ta ne pa chaki'j ulew.

Hebreos 11:37

xecämisax che abaj, xek'at che jos; xecämisax che ch'ich'. Xak xebinicat pa tak ri c'olbal, qui cojom qui tz'umal chij xukuje' qui tz'umal q'uisic', sibalaj e mebayib, xquirik c'axc'olil, xeban c'ax chque.

Ucab Ajawinelab 2:12

Aretak xril wa', ri Elisey xurak u chi': “¡Nu tat, nu tat, lal uxinak che ri Israel jacha' jun jumulaj cowilaj ajch'ojab!” Mawi chi c'u jumul xril ta chic u wäch ri Eliy. Ri Elisey xumajij ri u k'u' xujiso xuban quieb che.

Ucab Ajawinelab 2:14

Ri xubano, xupak'ij ri ja' ruc' ri u k'u' ri Eliy, xurak c'u u chi', xubij: “¿Jawije' c'o wi ri Ajawaxel, ri u Dios ri Eliy?” Xuwi c'u xpak'itaj ri ja' rumal xupac c'u rib, xoc'ow chi c'ut ri Elisey chupam ri nima'.

Nabe Samuel 28:14

Ri Saul xuc'ot u chi' ri ixok xubij che: “¿Jas ri u bantajic?” “Jun tata' nim winak, u bak'atim rib pa jun u k'u',” xcha' ri ixok. Ri Saul xuch'ob c'ut chi are' ri Samuel, xumej rib c'a xukasaj ri u palaj cho ri ulew.