Ucab Ajawinelab 2:11 - Quiché Bible

¹¹ Xc'ulmataj c'ut chi cätajin quebinic xukuje' quetzijonic, xak c'ätetal c'ut xc'utun jun carwaj re k'ak', jururem quiej xukuje' e re k'ak' ri xetasowic, xpaki' c'ut ri Eliy chicaj chupam jun sutinel quiakik'.

Ucab Ajawinelab 2:11 Referans Kwoze

Ucab Ajawinelab 6:17

Xuban c'u ch'awem ri Elisey ruc' ri Ajawaxel, xubij che: “Quinbochi'n che la, Ajawaxel, chi chejaka' la ri u bak'wäch rech carilo.” Ri Ajawaxel xebujak ri u bak'wäch ri pataninel, we pataninel ri' xrilo chi ri c'ache'laj nojinak chque aj quiejab xukuje' tak carwaj e re k'ak' ri e c'o chrij ri Elisey.

Hebreos 1:14

Conojel c'ut ri tako'nib aj caj, e uxlabal ri e c'o pa ri patanijic cho ri Dios e takom ulok che qui patanixic ri winak ri caquechbej ri colotajic.

Salmib 68:17

Ri Dios querajilaj pa tak miyon (1,000,000) ri e u carwaj re ch'o'j; pa ri Sinai xel wi ulok, xopan pa ri rachoch.

Marcos 16:19

Ri Ajawaxel Jesus, aretak xuq'uis qui tzijobexic ri e u tijoxelab, xc'am xpaki' chicaj, xet'uyul pa ri riquiak'ab ri Dios.

Ri Zacariy 3:8

Kas utz u tatabexic chabana', Jexu, at ri at quinimal ri e cojol tabal tok'ob, xukuje' chi chquitatabej ri e awachil ri e a wäch tak cojol tabal tok'ob, iwonojel c'ut ix ix jacha' jun etal ix k'axal tak tzij: Quinc'am na ulok ri Nu Pataninel, ri Tuxaj.

Ri Habacuc 3:8

¿La e yactajinak oyowal la, Ajawaxel, chquij tak ri nima'? ¿La nicowinak ri c'anal la chquij tak ri plo? ¿Rumal c'u ri' caquiejen la chquij tak ri e quiej la coc c'u la chupam ri carwaj la ri ch'äcanel?

Chapletajic 5:24

Ri Enoc xak xsachic, xc'am bic rumal ri Dios rumal rech chi xniman che ri Dios pa ronojel ri u c'aslemal.

Ucab Ajawinelab 2:1

Xc'ulmataj c'ut chi aretak ri Ajawaxel cuc'am bic ri Eliy chicaj chupam jun salc'um, ri Eliy rachil ri Elisey xebel bic pa Jilgal.

Apocalipsis 11:12

Ri quieb k'alajisanelab xquita' jun nimalaj ch'abal chicaj ri xubij chque: “Chixpakal ulok waral.” Xepaki' c'u chicaj pa jun sutz', xeilitaj cumal ri quec'ulelanic.