Ucab Ajawinelab 1:16 - Quiché Bible

¹⁶ xubij c'u che: “Je' wa' cubij Ajawaxel: ‘Rumal c'u rech chi xebatak bic tako'n che ch'obonic ruc' ri Baal-zebub, ri u dios ri Ecron, je ta ne ri ma ta c'o Dios pa Israel ri catch'obon ta wi, man catwalij ta chic chupam ri a ch'at, xane' catecämok.’ ”

Ucab Ajawinelab 1:16 Referans Kwoze

Salmib 132:3

“Man quinoc ta pa ja, mawi quink'oyi' che uxlanem;

Ucab Ajawinelab 5:21

Xbe c'ut ri Jiez che u k'iic ri Naaman; aretak c'u xrilo chi benak chrij, xutac'aba' ri u carwaj xkaj che u c'ulaxic, xuc'ot c'u u chi': “¿La c'o jas xc'ulmataj jun lawaloyil?”

Nabe Ajawinelab 22:28

Xutik chi na ri Micaiy: “We e utz akan k'ab la cattzelej la ulok, ri Ajawaxel man ch'awinak ta wumal in.”

Ucab Ajawinelab 1:6

Ri e are' xquitzelej u bixic: “Rumal rech chi xuya' rib jun achi pa ri ka be xubij c'u chke chi chujtzelej ruc' ri ajawinel ri xixtakow ulok, ka bij c'u che: Jewa' cubij ri Ajawaxel: ‘¿La xa' pa ma ta c'o Dios pa Israel, chi cattakan che ch'obonic ruc' ri Baal-zebub, ri u dios ri Ecron? Rumal wa' ri a banom, man catewalij ta chi na chupam ri a ch'at, xane' catecäm na.’ ”

Ri Ezequiel 14:4

Chatch'aw cuc' chabij c'u chque: ‘Are wa' ri cubij ri Ajawaxel: Ronojel aj Israel ri cujach rib che qui k'ijilaxic tak ri diosib quebuya' c'ut ri u bak'wäch chque ri quebanow chque chi quemacunic, capextax ta c'u ruc' ri k'axal tzij che u tz'onoxic u no'j, quinya' na ri tzelebal u wäch ri cutz'onoj jas ri takalic rumal quech chi e q'ui ri e diosib cuc'.’

Ucab Ajawinelab 8:8

Xubij c'ut ri ajawinel che ri Hazael: “Chac'ama' bic jun sipanic jät che rilic ri k'axal tzij. Chabij che chi chich'obon che nu q'uexwäch ruc' ri Ajawaxel rech quinwetamaj we man quincäm rumal we yabilal ri'.”

Ucab Ajawinelab 8:10

Ri Elisey xutzelej u bixic che: “Jät jabij che chi man cacäm taj rumal we u yabilal ri', u bim c'u ne ri Ajawaxel chwe chi kas cäcäm wi na.”

Ucab Ajawinelab 20:1

Pa ri k'ijol ri', ri Ezequiy xkasax rumal jun c'axalaj yabil, ri Isaiy, ri k'axal tzij u c'ojol ri Amoz, xbe che rilic xubij c'u che: “Ri Ajawaxel cubij: ‘Chebaya' can ri q'uisbal tak a pixbenic chque ri e awachalaxic, catecäm c'ut; man cät cunataj taj.’ ”

E C'ambal tak Tzij 11:19

Ri benam chrij ri suq'uilal cäc'aman bic pa ri c'aslemal, are c'u ri benam chrij ri etzelal cäc'aman bic pa ri cämical.