Salmib 97:2 - Quiché Bible

² Sutim rij rumal jun tzatzalaj sutz'; ri suq'uil xukuje' ri takal u banic are' e tok'eninak ri u tem re ajawibal;

Salmib 97:2 Referans Kwoze

Salmib 89:14

Ri tem re ajawibal la jekel puwi' ri suq'uil xukuje' ri ya'tal u banic; ri lok'ok'ebal c'uxaj xukuje' ri kastzij quebel ulok che c'ulaxic la.

Elem 19:9

xubij c'u ri Ajawaxel che ri Moises: “Quinpe na che a tzijobexic pa jun tzatzalaj sutz'; rech cäquitatabej ri aj israelib aretak cätajin quintzijon awuc', jeri' cäquinimaj amak'el ri cabij chque.” Ri Moises xucamulij u bixic che ri Ajawaxel ri xutzelej u bixic ri tinimit,

E C'ambal tak Tzij 16:12

Ri ajawinelab man quequic'amowaj taj ri itzel tak banoj, rumal rech chi ri tem re ajawibal are' u tac'alibal ri suq'uilal.

Salmib 99:4

Ri lal lal jun ajawinel ri c'o u cuinem; ri culok'ok'ej ri suq'uilal; cäkaj ri suq'uil chwäch la; kas lal xjekeban la ri junamil. Banom la suq'uil xukuje' colomal chque ri e ralc'ual ri Jacob.

Chapletajic 18:25

¡Mäban la ri' chi junam cäcämisaj la ri c'o u mac ruc' ri man c'o ta jubik' u mac, je ta ne ri e quieb e macuninak! ¡Mäban la we c'ax ri'! Lal ri lal nimalaj k'atal tzij puwi' ronojel ri uwächulew, ¿la ma ta c'u cäban na la ri suc'alaj k'atoj tzij?”

Romanos 11:33

¡Sibalaj nim ri u k'inomal ri Dios! ¡Sibalaj nim ri u no'j! ¡Sibalaj nim ri retamabal! Man c'o ta jun cäch'obow ri u chomanic. Man c'o ta jun cäcuin che retamaxic ri cuban ri Dios.

Ri Nahum 1:3

Ri Ajawaxel coch'onel c'o c'u ne ronojel u cuinem, man cuya' ta c'u can ri ajchak'mac chi ma ta cuc'äjisaj u wäch. Ri Ajawaxel cäbin puwi' ri cakulja, e are c'u ri sutz' e are u puc'uq'uil ulew che ri rakan.

Salmib 77:19

Xjak ri be la chupam ri plo; xeramij la nimak tak ja', man c'o ta c'u jun xrikow ta ri retal ri akan la.

Elem 20:21

Ri winak naj e canajinak wi canok, chupam c'ut ri jok'otaj ri' xkeb ri Moises ruc' ri k'ekumalaj sutz' ri c'o wi ri Dios.

Ri Job 23:14

Ri u chomam u banic chwe, are ri' cubana' na, curik rib cuc' jule' jastak chic ri quejunamatajic.

Ri Job 26:9

cuk'ekumaj ri u palaj ri ic' cuch'uk c'u ruc' jun sutz';

Salmib 89:15

Oh Ajawaxel, utz rech ri tinimit ri reta'm cuya' k'ij la ruc' quicotemal, ri cäbinic tunam rumal ri chaj la,