Salmib 97:10 - Quiché Bible

¹⁰ Ix ri quilok'ok'ej ri Ajawaxel, chiwetzelaj u wäch ri lawaloyil; cuch'uk ri qui c'aslemal ri e jic chuwäch; queresaj pa qui k'ab ri banal tak etzelal.

Salmib 97:10 Referans Kwoze

E C'ambal tak Tzij 8:13

Ri u ya'ic u k'ij ri Ajawaxel are' ri retzelaxic u wäch ri lawaloyil. In quinwetzelaj u wäch ri banoj nimal xukuje' ri nimarisan ib, ri itzel be xukuje' ri banoj tzij.

Romanos 12:9

Kas chi lok'ok'ela' iwib, man ruc' ta quieb c'uxaj. Chiwetzelaj u wäch ri lawaloyil chitakej c'u u banic ri utzilal.

Salmib 145:20

Ri Ajawaxel quebuch'uku ri quelok'ok'en che, are c'u ri e banal tak etzelal, cusach qui wäch.

Salmib 34:14

Chatasa' awib chrij ri etzelal, chabana' c'u ri utz; chatzucuj u banic ri jamaril, chatakej c'ut.

Ri Jeremiy 15:21

Catin wesaj na pa qui k'ab ri itzel tak winak, ¡Catincol na catinwesaj na pa qui k'ab ri tokinelab!”

Ri Amos 5:15

¡Chiwetzelaj u wäch ri lawaloyil! ¡Are chilok'ok'ej ri u banic ri utzil! Kas chiwila' chi chban ri suq'uilal pa ri k'atbal tzij; craj ne chi' ri Ajawaxel, ri Dios ri c'o ronojel u cuinem, quel na u c'u'x chque ri quec'asi' na canok pa Israel.

Ri Daniel 3:28

Pa ri jok'otaj ri' ri Nabucodonosor xurak u chi' xubij: “¡Chyo'k u k'ij ri u Dios ri Sadrac, ri Mesac xukuje' ri Abed-neg, ri xutak ri u tako'n aj caj che qui to'ic ri jicalaj tak pataninel tak rech, ri man xquinimaj ta ri u takanic ri ajawinel, are' xquiya' qui tzij chi quecämic che u q'uexwäch ri quexuqui' ta che u k'ijilaxic jun dios chic ri ma ta are ri qui Dios!

2 Tesalonicenses 3:2

Chibana' ch'awem rech cujto'taj chquiwäch ri itzel tak winak ri e lawalo. Man conojel ta c'ut cäquechbej ri cojonic.

E C'ambal tak Tzij 2:8

Quebuchajij ri quebin pa suq'uilal, cuya' c'u to'banic chque ri jic quebin chuwäch.

Salmib 31:23

Chilok'ok'ej ri Ajawaxel, iwonojel ri ix jicalaj tak pataninel rech, quebuchajij c'ut ri jic canima'; are c'u ri cäquinimarisaj quib cuya' na u wi' ri c'äjisabal qui wäch.

1 Juan 5:18

Keta'm chi apachin ta ne ri e alc'ualam rumal ri Dios man quebin ta pa ri mac. Are ri u C'ojol ri Dios quechajinic, man quenak ta c'u rumal ri itzel.

1 Juan 4:19

Ri uj cäkalok'ok'ej ri Dios, rumal rech chi ri are' xujulok'ok'ej nabe.

1 Pedro 1:5

C'olom chiwe ix, ri ix chajin rumal ri u cuinem ri Dios rumal ri cojonic, rech quixcolotajic. Ronojel suc'umam ulok rech quixcolotajic, ri Dios cuk'alajisaj na pa ri q'uisbal tak k'ij.

Santiago 2:5

Lok'alaj tak wachalal, chitatabej ri nu tzij: Ri Dios e u cha'om ri mebayib re we uwächulew ri', chi e are' ri k'inomab che cojonic, cäquechbej na ri ajawibal ri u bim ri Dios chi cuya' na chque ri winak ri cäquilok'ok'ej ri are'.

Ri Daniel 6:27

Are' ri Colonel xukuje' ri Toronel; ri quebuban tak etal ri e mayibal pa ri caj xukuje' cho ri uwächulew. Are' xcolow ri Daniel pa qui chi' ri coj.”

Apocalipsis 13:8

Xquik'ijilaj ri xibibal awaj conojel ri e jekel cho ri uwächulew ri man e tz'ibam taj ri qui bi' pa ri wuj re c'aslemal rech ri Alaj Chij ri xcämisaxic kas pa ri u tiquiritajic ri uwächulew.

Santiago 1:12

Caquirik ri quicotemal ri winak ri cucoch' ri c'ambejenic ruc' nimalaj chuk'ab, aretak c'u quilitajic chi ch'äcaninak cuc'am na ri c'aslemal che tojbal rech, are c'u corona wa' ri u chi'm ri Dios chque ri quelok'ok'en che.

1 Corintios 8:3

Are c'u ri cälok'ok'en ri Dios, are ri' etamatal u wäch rumal ri Dios.

Ri Isaiy 45:17

Are c'u ri Israel xcol rumal ri Ajawaxel, xucol re chbe k'ij sak xucolo, mawi c'u jubik' quel na u q'uixbal mawi camach'irisaxic.

E C'ambal tak Tzij 3:7

Maban awib chi sibalaj ta c'o a no'j; chaya' u k'ij ri Ajawaxel chatasa' awib mat be chupam ri lawalolaj be:

Salmib 125:3

Ri itzel k'atan tzij man amak'el tak cätakan cho ri ulew ri u yo'm ri Dios che ri u tinimit, muchaplej c'u ne' ri u tinimit u banic ri etzelal.

Salmib 119:163

Quinwetzelaj u wäch ri banoj tzij, man quincoch' taj; quebenlok'ok'ej c'ut ri tijonic la.

Salmib 91:14

“Ri in quinto' na, quinwesaj na pa qui k'ab conojel, rumal rech chi ri are' quinulok'ok'ej cuch'ob c'u nu wäch.

1 Pedro 1:8

Quilok'ok'ej ri Jesucrist pune' man iwilom ta u wäch, quixcojon che pune' man quiwil ta camic. Sibalaj quixquicot ruc' ri Jesucrist, ruc' jun quicotemal ri man quixcuin ta che u bixic, c'o i quicotemal ri nim u k'ij.

Romanos 7:24

¡Tok'ob nu wäch, sibalaj c'ax ri in c'o wi! ¿Jachin ta quinesan pa u k'ab we cuerp ri' re cämical?

Romanos 7:15

Man quinch'ob taj jas ri quinbano. Man quinban ta c'ut jas ri quinwaj quinbano. Xane' ri quinwetzelaj u wäch, are quinbano.

Ri Daniel 6:22

Ri nu Dios xutak ulok ri u tako'n aj caj ri xtz'apin u pa qui chi' ri coj rech man c'o ta jun c'ax cäquiban chwe, reta'm c'u ri Dios chi man c'o ta nu mac, man c'o ta c'u jun lawaloyil nu banom ta che la.”

Salmib 119:104

Chque tak ri e tz'ibatal umal la wesam wi etamanic; rumal ri' quinwetzelaj u wäch ronojel subunelalaj c'aslemal.

Salmib 101:3

mawi jubik' cäbe nu wäch che qui banic tak ri etzelal. Quinwetzelaj qui wäch ri man e jic ta ruc' ri Dios; ¡mawi jubik' quinya' ta c'olbal chi quenakajin ta chwe!

Salmib 36:4

K'oyol pa ri u ch'at cuchomaj u banic ri man utz taj; sibalaj benak ranima' che u takexic ri itzelalaj u be man cäraj taj cuya' can u banic ri etzelal.

Salmib 121:7

Ri Ajawaxel catuch'uk na rech man catkaj ta pa u k'ab apachique c'axc'olil; ri are' cuchajij ri a c'aslemal.

Ri Amos 5:14

Chitzucuj ri utzil man are ta c'ut ri lawaloyil, quixcasi' c'u na; je c'u ri' kastzij ri quibij na: are' ba' ri Ajawaxel, ri Dios ri c'o ronojel u cuinem, c'o iwuc'.