Salmib 96:10 - Quiché Bible

¹⁰ Chibij chque ri nimak tak tinimit: “¡Ri Ajawaxel are ajawinel!” Are' xjekeban ri uwächulew rech man cäslab taj; junam cuban che u k'atic tzij paquiwi' tak ri tinimit.

Salmib 96:10 Referans Kwoze

Salmib 93:1

¡Ri Ajawaxel ajawinel! ¡Ri Ajawaxel xratz'iakij rib ruc' juluwem, xukuje' u sutim rij ruc' cuinem! Are' xjekeban ri uwächulew rech man cäslab taj.

Salmib 67:4

Chquiraka' qui chi' tak ri nimak tak tinimit ruc' quicotemal, lal c'ut cäk'atow na la tzij paquiwi' tak ri winak; lal cac'amow la qui be ri nimak tak tinimit cho ri uwächulew.

Salmib 9:8

Cuk'at na tzij puwi' ri uwächulew ruc' suq'uilal, cuban na suc'alaj k'atan tzij chque tak ri tinimit.

Hechos 17:31

U chomam c'u ri Dios jun k'ij ri cuk'at na tzij puwi' ri uwächulew ruc' suq'uilal, rumal jun achi ri u cha'om are'; xuya' c'u c'utbal chque conojel aretak xuc'astajisaj.”

Salmib 98:9

Chuwäch ri Ajawaxel, ri cäpe che u k'atic tzij puwi' ri uwächulew. Cätakan na paquiwi' tak ri tinimit cho ri uwächulew ruc' colomal xukuje' junamil.

Apocalipsis 19:11

Xinwil ri caj jaktalic. Xinwil jun sak rij quiej. Are' ri t'uyul chrij cäbix Jic xukuje' Kastzij che. Ruc' suq'uil cuk'at tzij xukuje' cäch'ojinic.

Ri Malaquiy 1:11

Pa conojel ri nimak tak tinimit re ri uwächulew nim quinil wi; pa ronojel c'olbal caporox c'oc' tak k'ol che u ya'ic nu k'ij queya' c'u tak sipanic chwe ri e takalic.

Apocalipsis 19:6

Xukuje' xinta' jun ch'abal, je ta ne qui ch'abal q'ui winak, je ta ne qui chojojem q'uialaj tak ja' xukuje' ri cok'ebal cowilaj tak cakulja, ri xubij: “¡Chnimarisax u k'ij ri Ajawaxel!, rumal rech chi ri Ajawaxel ri ka Dios ri c'o ronojel cuinem ruc', cätakan puwi' ronojel.

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

Hebreos 1:3

Rumal ri are' cäjuluw ri u juluwem ri Dios. Are u wächbal ri kas u ca'yebal ri Dios. Ri are' ruc'am ronojel ri jastak rumal ri tzij re ri u cuinem. Aretak xujujosk'ij pa ri ka mac, xt'uyi' pa ri u wiquiak'ab ri Dios ri nim u k'ij chicaj.

Gálatas 1:16

xuk'alajisaj ri u C'ojol chnuwäch, rech quintzijoj chquixo'l ri man aj judeyib taj. Aretak xc'ulmataj wa' man xinta' ta nu no'j che jun winak.

Ri Malaquiy 1:14

¡C'okotajinak ri cojol c'amibal ri cuchi'j jun awaj ri man c'o ta u yab ri c'o chuxo'l ri u jumulaj cupil c'ut jun chwe ri c'o u yab! In ri' ri Ajawaxel ri nim nu k'ij, in c'u xibibal chquixo'l ri nimak tak tinimit.” Are wa' ri cubij ri Ajawaxel ri c'o ronojel u cuinem.

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Salmib 126:2

Are' c'ut ri u pa ka chi' xukuje' tak ri e ka chi' xenoj che tak tze' xukuje' rakoj tak chi'aj re quicotemal; e are' c'ut ri e k'ijilal tak diosib caquibij: “¡Ri Ajawaxel e u banom nimak tak jastak chque!”

Salmib 96:13

¡Chuwäch ri Ajawaxel, ri cäpetic! ¡Je', cäpe che u k'atic tzij puwi' ri uwächulew! ¡Cätakan na paquiwi' tak ri tinimit cho ri uwächulew ruc' suq'uil xukuje' ruc' kastzij!

Salmib 58:11

Cubij c'u na chbil rib: “¡C'o ba' rumal cux jic jun winak! ¡C'o jun Dios ri cuk'at tzij puwi' ri uwächulew!”

Salmib 46:10

“¡Mich'ujarisaj iwib! ¡Chich'obo' chi ri in in Dios! ¡In c'o paquiwi' ri nimak tak tinimit! ¡In c'o puwi' ronojel ri uwächulew!”

Salmib 18:49

Rumal ri' quinya' k'ij la pa ri nimak tak tinimit quinbixoj bix che ri bi' la.

Colosenses 2:7

benak ri i xeal pa ri are', co ix tiquitoj pa ri are' rumal ri cojonic, je jacha' ri xixtijox wi, quiya' c'u maltioxinic amak'el che ri Dios.

Salmib 59:13

¡Sacha' la qui wäch, sacha' la qui wäch ruc' ri oyowal la! ¡Chq'uisa' la tzij paquiwi' maquitakej c'aslemal! ¡Chetamaxok chi ri Dios are ajawinel pa Israel c'ä chuq'uisbal ri uwächulew!

Ri Matey 3:2

Je c'u cubij wa': “Chiq'uexa' i c'u'x, rumal rech chi nakaj chic c'o wi' ri rajawibal ri Dios.”

Ri Isaiy 49:8

Ri Ajawaxel cubij: “Xurik ri k'ij ri quinc'ut ri wutzil, xintzelej c'u u wäch ri a tzij xopan ri k'ij re ri colobenic, xatinto' c'ut. In xatinto' rech awumal at quinjekeba' ri nu c'ulwächinic ruc' ri tinimit, rech cäban u banic ri ulew, rech queboc che quechbexic ri ulew ri e tolorisam canok,

Salmib 46:6

Ri nimak tak tinimit quebel ch'u'j, ri ajawibal quebirbobic, ri uwächulew capuc'pubic aretak cuya' chi cätataj ri u ch'abal.

Salmib 7:9

Suc'alaj Dios, ri quebe nic'oj la tak ri chomanic xukuje' ri c'o pa ri animaaj ri e c'u'talic, ¡sacha' la u wäch ri quetzelal ri e banal tak etzelal, co c'u tac'aba' la ri winak ri tz'akat pa ronojel!

Salmib 9:9

Ri Ajawaxel quebuch'uk ri cäquirik c'ax, ri are' quebuch'uk pa tak ri k'ijol re elebal ch'u'j.

Ri Isaiy 52:7

¡Sibalaj je'l rilic ri ropanem tza'm tak ri juyub ri e ruc'am ulok utzalaj tak tzijol, ri e ruc'am ulok utzalaj tak tzijol aj jamaril, ri cuya' u bixic ri u torotajic ri Sion, cubij c'u che ri Sion: “Ri a Dios are' Ajawinel!”