Salmib 94:13 - Quiché Bible

¹³ rech man c'o ta cubij u c'u'x aretak quebopan ri c'axalaj tak k'ijol, are c'u ri banal etzelal cac'ot ri u julil.

Salmib 94:13 Referans Kwoze

Salmib 55:23

Nu Dios, ri cämisanelab xukuje' ri banal tak tzij man naj ta quec'asi'c mawi cäniq'uiajir ri qui c'aslemal; lal caban na la chque chi quetzak bic chupam ri mukubal, ri in c'ut nu cuban nu c'u'x chij la.

2 Pedro 2:9

Jeri' reta'm ri Ajawaxel queresaj chuwäch ri takchibal mac conojel ri queniman che ri Dios. Xukuje' reta'm quebutas can ri man e suc' taj rech cuc'äjisaj qui wäch pa ri k'ij re ri k'atoj tzij.

Salmib 9:15

Ri e k'ijilal tak diosib quekaj na chupam ri qui c'amibal; ri cakan queralitaj can chupam ri putzcuyibal ri e are' xec'u'wic.

Apocalipsis 14:13

Xinta' jun ch'abal chicaj, ri xubij: “Chatz'ibaj wa': ‘Utz que ri quecäm pa ri Ajawaxel. Cäminakib ri e rech ri Ajawaxel ri camic xukuje' ri que takem na ri que cämic.’ ” “Je',” cächa ri Uxlabaxel, “quebuxlan na che ri qui chac, queteri c'u bic ri qui chac chquij.”

Ri Habacuc 3:16

Aretak xinta' ronojel wa' xinxe'j wib. Ri e nu chi' xequichaplej birbitem, ri e nu ch'ec man caquich'ij ta chic quetaq'ui'c' ronojel c'ut ri nu cuerp xchukchubic. In c'u ne jewa', man quinel ta na ch'u'j che reyexic ri k'ij aretak ri Dios quebucoj pa c'axc'olil ri cajch'ojab ri e banal tak c'ax chke.

Apocalipsis 11:18

E ch'ujarinak c'u ri nimak tak tinimit, petinak c'u ri oyowal la, xukuje' ri k'ij aretak cäk'at la tzij paquiwi' ri cäminakib, xukuje' aretak cäya' la ri tojbal que ri pataninelab ech la ri e k'axal tzij, que ri tastalic tak winak, xukuje' que ri nim cäquil wi ri bi' la, chi ch'utik chi nimak. Xopan ri k'ij aretak cäsach la qui wäch ri quesachow u wäch ri uwächulew.”

Hebreos 4:9

Rumal ri' c'o na jun uxlanem che ri u tinimit ri Dios.

Ri Jeremiy 18:22

Xak c'ätetal chetaka' la ulok paquiwi' juk'at eläk'omab; ¡chetataj tak ri qui rakoj tak chi'aj re xibriquil! Xquic'ot c'u jun jul rech quintzak chupam, xequicoj c'amibal pa ri nu be.

Ri Jeremiy 18:20

¿La are ri etzelal cätojbex rech ri utzilal? ¡E are' qui c'otom ri nu julil! Chnataj che la chi nu tac'abam wib chwäch la che u banic bochi'nic paquiwi', che u tz'onoxic che la chi tasa' la ri oyowal la chquij.

Salmib 49:5

¿Jas ta che quinxe'j wib aretak quepe ri lawalolaj tak k'ij; aretak sutim wij rumal ri quetzelal ri e nu c'ulel?

Ri Job 34:29

We c'u man c'o jas cubij ri Dios, ¿jachin ta lo ri cacuin che u c'okoxic? We cuc'u' ri u palaj, ¿jachin ta lo ri cacuin che rilic? Ri are' quebuyuxlej tak tinimit xukuje' tak ri winak