Salmib 91:4 - Quiché Bible

⁴ catuch'uk c'u na cuc' ri e u xic', man c'o ta c'u jas cac'ulmaj na chquixe'. ¡Ri u jiquil catucol c'u na jacha' jun quetequic ch'ich'!

Salmib 91:4 Referans Kwoze

Salmib 61:4

Quinwaj quinc'oji' chupam ri achoch la chbe k'ij sak, quinch'uk wib chquixe' ri xic' la.

Salmib 57:1

Chel c'u'x la chwe, nu Dios, chel c'u'x la chwe, uc' la quintzucuj wi u to'ic wib. Quinwaj quinto' wib chquixe' ri xic' la c'ä coc'ow na ri xak quieb cubij panuwi'.

Salmib 17:8

Chinchajij la jacha' ri qui chajixic ri qui c'u'x ri bak'wäch la, chinch'uku la chquixe' ri e qui mu'jal ri e xic' la

U Camulixic ri Pixab 32:11

Jacha' ri cot ri cärapap puwi' ri u soc quebutakchi'j ri ral che rapapem, je xuban ri Ajawaxel xebulic' ri u xic', xebuc'amo xerekaj bic.

Salmib 35:2

C'ama' la ri quetequic ch'ich' la, walij la che nu to'ic;

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Ri Matey 23:37

“¡Jerusalen, Jerusalen, ri quebacämisaj ri k'axal tak tzij, ri xebabuc' che abaj ri quetak ulok awuc'! ¡Q'ui mul xinwaj xebenmulij ri awal, je jas ri ec' quebumulij ri alaj tak ral chuxe' ri u xic', man xawaj ta c'ut!

Ri Rut 2:12

¡Are' ri Dios cäyo'w na rajil u c'axelal chawe! ¡Are' ba' ri Ajawaxel ri u Dios ri Israel ri a tzucum wi to'bal awib, chattojowok rumal ronojel ri a banom!”

Ri Tit 1:2

rech cu'l qui c'u'x chi c'o junalic qui c'aslemal, ri u bim ulok ri Dios chi cuya' na. Are ri Dios man banal ta tzij, u bim c'u ulok wa' c'ä majok cätiquitaj ulok ri uwächulew.

Marcos 13:31

Queboc'ow na ri caj ulew. Are c'u ri nu tzij man queboc'ow taj.

Salmib 138:2

Quinxuqui' na chusuq'uil ri tastalicalaj achoch la, che u ya'ic maltioxinic che la rumal ri lok'ok'ebal c'u'x la xukuje' ri kastzij la, nu cojom c'u ri bi' la xukuje' ri tzij la paquiwi' conojel ri jastak.