Salmib 91:1 - Quiché Bible

¹ Ri cajeki' chuxe' ri to'banelalaj u mu'jal ri c'o chicaj, ri c'o ronojel u cuinem,

Salmib 91:1 Referans Kwoze

Salmib 32:7

Lal ri lal to'l wech; quinch'uk la chuwäch ri xak quieb cubij panuwi', cäsutij la wij cuc' rakoj tak chi'aj re ch'äcanic.

Salmib 27:5

Aretak chepe ri lawalolaj tak k'ij, ri Ajawaxel quinuch'uk ruc' ri u mu'jal, quinuto' pa ri rachoch; quinuya' puwi jun nimalaj abaj che u to'ic wib.

Salmib 36:7

¡Sibalaj mayibal ri lok'ok'ebal c'u'x la, nu Dios! Ri winak cäquitzucuj u ch'ukic quib chuxe' ri xic' la.

Salmib 17:8

Chinchajij la jacha' ri qui chajixic ri qui c'u'x ri bak'wäch la, chinch'uku la chquixe' ri e qui mu'jal ri e xic' la

Salmib 31:20

Ruc' ri u wächbal la quech'uc la chquiwäch ri qui chomanic ri e itzel tak winak; quech'uc' la chuxe' ri u xotil ri achoch la chquiwäch ri qui yok'onic ri e qui c'ulel.

Ri Isaiy 25:4

Rumal rech chi ri lal lal uxinak u panibal ri meba', cux la ch'ukubal che ri c'o u rajawaxic pa ri u rikoj c'ax, to'bal ib pa ri quiakik' jäb, mu'jal ri cäk'atin ri k'ak'al. Ri cuxlab ri achijab ri man quel ta qui c'u'x e junam ruc' ri jun cakulja pa ri sak'ij,

Salmib 121:5

Ri Ajawaxel are' catchajinic; ri Ajawaxel are' catch'ukuwic, are' ri c'o chanakaj che a to'ic.

Ri Isaiy 32:2

Chquijujunal wa' quebux na jun to'bal ib chuwäch ri quiakik', xukuje' jun panibal chuwäch ri quiakik' jäb, jacha' u be tak ja' re jabal pa chaki'j ulew, jacha' ri u mu'jal jun nimalaj abaj pa ri chaki'j uwo sak.

Salmib 90:1

Ajawaxel, lal uxinak ulok ka panibal uj ch'ukum la petinak ulok pa conojel tak ri k'ij junab.

Salmib 57:1

Chel c'u'x la chwe, nu Dios, chel c'u'x la chwe, uc' la quintzucuj wi u to'ic wib. Quinwaj quinto' wib chquixe' ri xic' la c'ä coc'ow na ri xak quieb cubij panuwi'.

Juyuwem 4:20

Ri cha'tal rumal ri Ajawaxel oquisam pa che', ri cuya' chajin anima' che ri ka c'aslemal, ri ajawinel ri xkabij wi: “Chuxe' ri u mujal cujjeki' wi na chquixo'l tak ri tinimit.”

Salmib 52:8

Are c'u ri in in junam ruc' juwi' aseitun räx chupam ri rachoch ri Dios; ¡amak'el quincu'ba' na nu c'u'x chrij ri lok'ok'ebal u c'u'x!

Salmib 25:13

cunojisaj che utzil cuya' c'u ri rechbexic ri ulew chque ri e rija'lil.

Bixonic Tak 2:3

“Ri quinlok'ok'ej uxinak, chquixo'l tak ri achijab, jacha' ri u che'al mansa'n chquixo'l tak ri che' ri e c'o pa ri c'ache'laj. ¡Man c'o ta c'o wi aretak xint'uyi' chuxe' ri u mujal! ¡Sibalaj qui' xinna' ri u wächinic!

Ri Ezequiel 11:16

Rumal c'u ri' chabij chque: ‘Are wa' ri cubij ri Ajawaxel: In quebenwesaj bic, quebenjabuj c'u chquixo'l nimak tak tinimit, chquixo'l tak culew ri winak ri man queta'm ta qui wäch, xa' c'u re jun k'ijol ri man cäbeytaj taj. Are c'u ri camic kas in quinux na jun k'ijilabal chque pa tak ri ulew jawije' tak ri e benak wi.’

Ri Isaiy 8:14

Ri are' cux na jacha' jun c'amibal chiwe, cux na jun abaj ri caquichak'ij wi na quib, ri quetzak wi na ri quieb ajawibal aj israelib; cux na jacha' jun c'amibal ri quetzak wi na ri aj Jerusalen.

K'atal tak Tzij 9:15

Are c'u ri juwi' q'uix xubij chque: we kastzij quiwaj che ri in quinux iwajawinel, iwonojel ri' quiya' na iwib chuxe' ri nu mujal we c'u man quiwaj chi in ri quinux iwajawinel, quel na ulok k'ak' che ri juwi' q'uix ri cuq'uis tzij paquiwi' ri chacalte' ri e c'o puwi' ri Libano.