Salmib 90:12 - Quiché Bible

¹² C'utu' la chkawäch ri tz'akatalaj cajilaxic tak ri ka k'ij, rech ri ka chomabal curik no'j.

Salmib 90:12 Referans Kwoze

Salmib 39:4

“Ajawaxel, bij la chwe jas ri quinc'ulmaj na chuq'uisbal, xukuje' joropa' junab quinec'asal na; ¡quinwaj quinwetamaj chi sibalaj man cabeytaj ta ri nu c'aslemal!

Ri Xuan 9:4

Rajawaxic chi quinban ri u chac ri xintakow ulok, c'ä c'o ri k'ij. Cäpe ri ak'ab aretak man c'o ta jun cäcuinic cächacunic.

U Camulixic ri Pixab 32:29

We ta c'o qui no'j, cäquich'ob ta ri'; cäquetamaj ta ri' jas quebel na.

E C'ambal tak Tzij 4:7

Chuwäch apachique jun jasach chic charika' ri no'j xukuje' utzalaj chomanic.

Ri Tzijonel 9:10

Ronojel c'ut ri c'o pa a k'ab che u banic, chabana' ruc' ronojel chuk'ab, rumal rech chi pa ri mukubal, ri catetac'al wi na, ma c'o ta jas cabanic mawi c'o jas cächomax chic, mawi c'o chic etamanic mawi no'j.

E C'ambal tak Tzij 23:12

Chacojo' ri a chomanic xukuje' ri e a xiquin che ri tijonic xukuje' chque tak ri etamanic.

E C'ambal tak Tzij 22:17

Chaya' a xiquin che qui tatabexic ri qui tijonic ri ajno'jab; chatoc il che u chomaxic ri catintijoj wi.

E C'ambal tak Tzij 16:16

Are utz na u rikic no'j che u q'uexwäch k'an puak; are utz na ri utzalaj chomanic chuwäch ri sak puak.

E C'ambal tak Tzij 4:5

Charika' ri no'j xukuje' utzalaj chomanic; mebasach ri nu tzij.

Ri Job 28:28

xubij c'ut ri Dios chque ri winak: ‘Ri jicalaj u patanixic ri Ajawaxel: are no'j wa'; ri u tasic ib chrij ri etzelal: are' c'oxomanic wa'.’ ”

E C'ambal tak Tzij 23:23

Chalok'o' ri kastzij, ri no'j, ri tijonic xukuje' ri ch'obonic, ¡mebac'ayij c'ut!

Salmib 39:5

Yo'm la jun c'aslemal chwe ri xa re quieb oxib k'ij; man nim ta ri nu c'aslemal chwäch la. ¡Ronojel winak xa jun uxlabic cabeytajic!”

Ri Tzijonel 7:2

Are utz na ri benam ruc' ri cäminak chuwäch ri benam pa nimak'ij; ri cämical are q'uisbal u c'aslemal ronojel winak, e are' c'ut ri e c'aslic rajawaxic ta ri' u nataxic cumal.