Salmib 90:10 - Quiché Bible

¹⁰ E oxc'al lajuj (70) ri junab ri cujc'asi'c, ri c'o na qui chuk'ab, quec'asi' jumuch' junab; are c'u ri banoj nimal chi naj cac'asi' jun xuwi quebuc'am ulok yabal tak latz' xukuje' rikoj c'ax. Ri junab aninak queboc'owic, xukuje' c'u ri uj.

Salmib 90:10 Referans Kwoze

Santiago 4:14

Man iweta'm ta c'u ri chwek, jas quel wi na ri i c'aslemal. Kastzij ri i c'aslemal je jas ri mayul, ri xa' jubik' cuc'ut rib, c'äte ri' man quilitaj ta chic.

Salmib 78:39

Xnataj che ri Dios chi xak e winak; chi xa e junam ruc' ri quiakik' ri cabec, man catzelej ta chi ulok.

Ucab Samuel 19:35

C'o chi c'ut jumuch' (80) nu junab; man quinna' ta chi c'ut ri u qui'al ri quinwe'j mawi ri quinwuq'uiaj, man quincuin ta chic quinbij we utz o man utz ta u na'il ri quintijo; xukuje' man quincuin ta chic quintatabej ri qui bix ri alabomab xukuje' ri alitomab. ¿Jas ta che quinux jun latz' che la?

Chapletajic 47:9

Ri Jacob xubij che ri ajawinel: “E c'o chi jun sient ruc' juwinak lajuj (130) junab ri xak xebenjalala' nu c'olbal. Man e q'ui ta wa', c'ax c'u nu rikom pa tak we junab ri', maja' c'u naj quinc'asi'c jacha' ri junab ri xec'asi' ri e nu mam.”

U Camulixic ri Pixab 34:7

Jun sient ruc' juwinak (120) u junab ri Moises aretak xcämic. Man xemoyir ta c'ut ri e u bak'wäch xukuje' man c'o ta yabil che aretak xcämic.

Nabe Ajawinelab 1:1

Ri ajawinel David nim winak chic, sibalaj e q'ui chic ri u junab. Pune' cäch'ukic, pune' quecoj q'ui u k'u', man cämik' ta chic.

Ri Job 24:24

Xa jok'otaj cawalij ri lawalo, chanim c'ut cäsach u wäch. Cälublubic jacha' ronojel bokom, jacha' ri u jolom trico ri camejmobic.

Ri Job 14:10

Are' c'u ri winak kas cacäm wi man c'o ta relic chupam; aretak c'u cacämic, ¿Jawije' lo ri cabe wi?

Ri Isaiy 38:12

Cäyojix ri wachoch, quesax chwe, jacha' ri cäban chque ri qui lic'om cäbal ri ajyuk'ab. Ri nu c'aslemal canok junam ruc' ri u quem jun ajquem, ri cäkopix pa ri quemabal. Chi pa k'ij chi chak'ab banom la chwe chi quinrik c'ax.

Ri Lucax 12:20

Xubij c'u ri Dios che ri achi ri': ‘Ri at man c'o ta aweta'm. Camic chak'ab catcämic. Are c'u ri jastak ri a c'olom, ¿jachin lo quechbenic?’

Ri Job 20:8

Cäsach na u wäch jacha' jun ichic', jacha' jun c'utwächinic re chak'ab, man c'o ta c'u jachin jun cärikowic.

Chapletajic 6:3

Xubij c'u ri Ajawaxel: “Man quinya' ta be chque ri winak chi sibalaj naj cäc'asi'c, rumal rech chi ri are' xak ti'j. Xa jun sient ruc' juwinak (120) junab cäc'asi'c.”

Aj Levitib 27:7

Chque ri winak ri oc'owinak chic oxc'al (60) qui junab, we achijab olajuj (15) rakan sak puak ri qui cuchuj, we ixokib lajuj rakan sak puak ri qui cuchuj.

Ri Josue 14:11

sibalaj c'u c'ä c'o nu chuk'ab jacha' aretak xinutak bic ri Moises che rilic ri ulew, c'ä quincuin c'ut quinxiq'uinic xukuje' quinch'ojinic junam jas pa tak ri k'ij ri'.

Ucab Samuel 19:36

Xak xuwi c'u xinpe che achilaxic la che k'axexic la chupam ri Jordan, ¿Jas ta c'u che cächi'j la we tojbal ri' chwe?

Ri Job 5:7

Are' ri winak are' ri ajchak'mac che ri u quiäkasakil, jacha' ri e u pix tak k'ak' ri quebel che ri k'ak' quebe pa ri quiakik'.