Salmib 9:2 - Quiché Bible

² oh Dios aj chicaj, rumal ech la quinwaj quinrak nu chi' in nojinak che quicotemal; ¡quinwaj quebenbixoj bix che ri bi' la!

Salmib 9:2 Referans Kwoze

Salmib 83:18

¡Chquetamaj chi xuwi ri lal lal Ajawaxel, chi xuwi ri lal lal aj chicaj puwi' ronojel ri uwächulew!

Salmib 5:11

Chequicot ri cäquitzucuj ri u ch'ukic quib uc' la; amak'el chebixon rumal quicotemal rumal rech chi lal quechajin la. Ri quelok'ok'en che la quequicot rumal ech la,

Salmib 7:17

Quink'ijilan che ri Ajawaxel, suc' c'ut ri are'; quebenbixoj bix che ri u bi' ri Ajawaxel, che ri u bi' ri aj chicaj.

Salmib 97:9

ri lal c'ut, Ajawaxel ri lal c'o chicaj, lal c'o puwi' ronojel ri uwächulew, nim na banic la chquiwäch ri diosib.

Salmib 28:7

Ri Ajawaxel are' cuinelalaj to'l wech; chrij xinya' wi ronojel ri cu'lbal nu c'u'x, xinuto' c'ut. Cäquicot ri wanima'; quinbixonic, xukuje' quinya' maltioxinic che ri Ajawaxel.

Filipenses 4:4

Ronojel k'ij chixquicot pa ri u bi' ri Ajawaxel. Jumul chic quinbij: ¡Chixquicotok!

Salmib 97:12

¡Chixquicot ruc' ri Ajawaxel, utzalaj tak winak, chiya' c'u u k'ij ri tastalic u bi'!

Salmib 92:1

Ajawaxel, ri c'o la pa ri caj, ¡sibalaj utz u ya'ic maltioxinic che la xukuje' quibixoxic tak bix che u ya'ic k'ij la!

Ri Daniel 5:18

Ri Dios aj chicaj xuya' ri ajawinic xukuje' ri nimalil, juluwem xukuje' ri nimarisabal k'ij che ri Nabucodonosor, ri tat la.

Salmib 92:4

Oh Ajawaxel, yo'm la nu quicotemal cumal tak ri jastak ri e banom la. Ri e chac la quinquinojisaj che quicotemal.

Salmib 43:4

Quinopan c'u na chuwäch ri porobal ri ech la nu Dios, quinya' na k'ij la chila' ruc' arp, are c'u ri lal, nu Dios, canojisaj la ri nu c'aslemal che quicotemal.

Salmib 27:6

Jeri' quincuinic quinyac ri nu jolom paquiwi' ri e nu c'ulel; quincuin c'u ri' quinya' tabal tok'ob pa ri achoch la, ruc' tak rakoj chi'aj re quicotemal quebenbixoj bix che ri Ajawaxel.

Salmib 26:7

quebenbixoj bix che u ya'ic maltioxinic, quintzijoj c'u tak ri mayibal ri e banom la.

Salmib 86:12

Wajaw, nu Dios, quink'ijilan na che la ruc' ronojel ri wanima' xukuje' quinya' u k'ij ri bi' la amak'el.

Salmib 96:3

Chitzijoj ri u juluwem xukuje' tak ri e u mayibal pa ri alaj tak tinimit xukuje' pa ri nimak tak tinimit,

Salmib 138:1

Quinya' na maltioxinic che la, Ajawaxel, ruc' ronojel wanima' quebenbixoj na bix che la chquiwäch ri e c'o pa ri caj.