Salmib 9:17 - Quiché Bible

¹⁷ Ri e banal etzelal, xukuje' ri quequik'ijilaj diosib, ri cäsach ri Dios pa qui jolom, caq'uis na tzij paquiwi' chupam ri ajawibal rech ri cämical;

Salmib 9:17 Referans Kwoze

Salmib 50:22

Kas chich'obo' wa', ix ri sachinak ri Dios pa i jolom, minchaplej ne i muchic ri ma ta c'u c'o jachin quixesan pa nu k'ab:

Ri Job 8:13

Xak junam cac'ulmataj cuc' ri e banal tak etzelal, cuc' ri cäsach ri Dios pa qui jalom: ri e queyebal c'u'x cäsach na qui wäch.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Ri Jeremiy 18:15

Are c'u ri nu tinimit in sachinak pa u jolom, quebuchi'j c'u c'oc' k'ol chque ri xa' e subunelab tak diosib. U jaluch'um ri u be, ri ojer u be, e u takem c'u tak be ri man e etamatal taj.

Ri Jeremiy 13:25

Are wa' ri cataklebej na, Israel, are wa' ri takalic ri quinban na chawe. In, ri Ajawaxel quinjiquiba' u bixic. Xinasach c'u pa a jolom xajiquiba' c'u a c'u'x chquij ri subunelab tak diosib ri man c'o ta qui patan.

Ri Jeremiy 2:32

¿La cuya' puch jun ixok quesach pa u jolom ri e u mulk'ab ri u witak u xiquin xukuje' tak ri e wikbal tak rib re ri u c'ulanem? Man je ta c'u u banom ri nu tinimit, sibalaj ojer chi ri' in sachinak pa u jolom.

Apocalipsis 20:15

Ri man e tz'ibatal ta qui bi' pa ri wuj re ri c'aslemal, xeq'uiak pa ri cho re k'ak'.

Ri Isaiy 5:14

Ri u jul cäminak cujakakej na ri u pa u chi' jacha' jun juyubal awaj, che qui bik'ic bic ri aj israelib xukuje' ri c'amal tak qui be we winak ri' ri e c'o pa jajatem xukuje' pa etzenem.

Ri Isaiy 3:11

¡Tok'ob u wäch ri itzel winak, c'ax c'u quel na! jacha' ri chac ri u banom, jeri' tojbal ri cuya' na ri Dios che.

E C'ambal tak Tzij 14:32

Ri banal etzelal quetzeletaj rumal ri retzelal; ri winak ri tz'akatisanel pa ronojel pa ronojel cäto' rumal ri tz'akatil ri c'o ruc'.

Salmib 106:13

Chanim c'ut xsach ri e u banoj ri Dios pa qui jolom, ri man xqueyej ta c'ut quetamaxic ri e u chomam qui banic;

Salmib 49:14

Chque we winak ri', ri cämical are ajyuk' ri quec'amow bic pa ri mukubal e je ta ne chij. Aretak cäpe ri ak'abibal, ri e utz quech'äcan na paquiwi'; ri qui chuk'ab cäbe na u q'uisic are c'u ri mukubal are qui jekelibal.

Salmib 44:20

We ta xsach la pa ka jolom, ka Dios, xkak'ijilaj ta c'u jun dios chic che q'uexwäch la ri man keta'm ta u wäch,

Ri Osey 2:13

Quenc'äjisaj na u wäch rumal che ri k'ijol ri xoc'owic xuchi'j c'u c'oc' k'ol chque tak ri diosib, aretak quebuwik rib c'uc' tak mulk'ab xukuje' tak chachal che qui ternexic tak ri rachijab, xinusach c'u pa u jolom. In ri Ajawaxel, nu jiquibam u bixic.”

Ri Jeremiy 3:21

Quetataj rakoj tak chi'aj paquiwi' ri tol tak juyub: ¡E are' ri aj israelib, ri quebok'ic ri xukuje' caquitz'onoj tok'obisam wächaj! Xquijuluch'ij quib che ri colomalaj be xinsach pa qui jolom, ri Ajawaxel ri qui Dios.

Salmib 44:17

Wa' we xkac'ulmaj ri', man rumal ta rech chi xsach ta la pa ka jolom. ¡Ma ta mat ka tz'akatisam ri c'ulwächinic la!

Ri Job 5:13

Cuc'amij ri banal etzelal chupam ri kas cuchomaj u banic, man quel ta paquiwi' ri etzelal ri craj quebubano.

E C'ambal tak Tzij 5:22

Ri banal etzelal cäkajbex na rumal ri etzelal ri cubano, ri kas u mac are' cäximow na jacha' jun colob.

Ri Ezequiel 22:16

caquiban c'u na coyowal ri niq'uiaj winak chic chwe u mac iwech, quich'ob c'u na chi in ri' ri Ajawaxel.’ ”