Salmib 87:6 - Quiché Bible

⁶ Ri Ajawaxel cutz'ibaj chupam ri wuj jawije' ri tz'ibatal wi ri qui bi' ri tinimit: “Wa' xalax ruc' are'.”

Salmib 87:6 Referans Kwoze

Ri Isaiy 4:3

Ri quec'asi' na can pa Sion, ri queto'taj na can pa Jerusalen, ri cäya' chque chi quecanaj chila', quebinax na: “E tastal che u patanixic ri Ajawaxel.”

Ri Lucax 10:20

Mixquicot rumal wa', chi ri uxlabal cäquiya' quib pa takic chiwe. Xane' chixquicotok chi ri i bi' e tz'ibam chila' chicaj.”

Apocalipsis 20:15

Ri man e tz'ibatal ta qui bi' pa ri wuj re ri c'aslemal, xeq'uiak pa ri cho re k'ak'.

Filipenses 4:3

Xukuje' quinta' jun tok'ob chawe at, jicalaj wäch ajchac, chebato' ri ixokib ri'. Ri e are' xinquito' che u tzijoxic ri tzij re colobal ib, xukuje' ri Clement xukuje' ri e niq'uiaj wäch tak ajchaquib chic. C'o c'u ri qui bi' pa ri wuj re c'aslemal.

Ri Ezequiel 13:9

Quinwalijisaj ri nu k'ab che u c'äjisaxic qui wäch ri e k'axal tak tzij ri caquil u cawäch tak c'utwächinic ri tzij c'ut ri quequik'axej xa' e banoj tak tzij. Man quecuintaj caquijunaj ta na quib ruc' ri nu tinimit Israel; man cätz'ibax taj ri qui bi' cuc' ri qui bi' ri aj israelib, mawi quetzelej na pa ri culew ri aj israelib. C'äte c'u ri' ri ix quiwetamaj na chi in ri' ri Ajawaxel.’

Salmib 69:28

¡Chechupu' la ri qui bi' chupam ri wuj re c'aslemal! Mätz'ibaj la ri qui bi' chquixo'l ri e suc'.

Apocalipsis 13:8

Xquik'ijilaj ri xibibal awaj conojel ri e jekel cho ri uwächulew ri man e tz'ibam taj ri qui bi' pa ri wuj re c'aslemal rech ri Alaj Chij ri xcämisaxic kas pa ri u tiquiritajic ri uwächulew.

Ri Jeremiy 3:19

“Israel, in xinya' nu tzij che a c'amowaxic jacha' che walc'ual xinya' c'u jun ulew chawe ri carayixic, ri ulew ri sibalaj je'l na pa ronojel ri uwächulew. Xinchomaj c'ut chi quinbinaj na tataxel awumal chi mawi ta jumul xanajtajisaj ta awib chwe.

Salmib 22:30

Ri e wija'l quek'ijilan na che ri Ajawaxel, cäquitzijoj na ri are' pa ronojel ri qui c'aslemal;

Ri Ezequiel 9:4

xubij c'u che: “Chabinibej ri tinimit Jerusalen, chacojo' jun etal che ri qui palaj ri winak ri caquina' bis xukuje' c'axc'obic qui mac quech ri e xojibalalaj tak jastak ri queban pa Jerusalen.”