Salmib 87:4 - Quiché Bible

⁴ “Chquixo'l tak ri tinimit ri queta'm nu wäch cuya' quinnataj ri Ejipt, ri Babilon, ri pilistey, ri Tir xukuje' ri Etiopiy; conojel wa' chawe xeq'uiy wi.”

Salmib 87:4 Referans Kwoze

Salmib 45:12

U mia'l ajawinel re Tir, ri sibalaj e k'inomab na chquixo'l ri winak, cuc' tak sipanic, cäcaj chi quekaj chawäch.

Salmib 68:31

Pa Ejipt quepe wi na ri chaconisan tak re k'an ch'ich'; ri Etiopiy cuyac na ri u k'ab chuwäch ri Dios.

Salmib 89:10

xtac'alej la ri jilijic awaj re ri plo je ta ne jun cäminak; xejabuj la ri e c'ulel la ruc' ri u chuk'ab ri k'ab la.

Ri Job 9:13

We coyowar ri Dios, ma ta mat ruc' c'ax cäjamaric; chquixe' ri rakan quemach'itaj wi; ri qui junam quib ruc' ri Rahab.

Apocalipsis 18:2

Xurak u chi' ruc' cowilaj ch'abal, xubij: “Xtzakic, xtzak ri nimalaj Babilon. Xban che chi itzel tak uxlabal e jekel chila'. Xban che chi are c'olbal re ronojel tz'ilalaj uxlabal, re ronojel tz'ilalaj chicop ri c'o u xic ri quetzelax u wäch.

Apocalipsis 17:5

C'o jun bi'aj tz'ibatal cho ri u metz'al ri u palaj, jun awatalic wa': “Ri nimalaj Babilon, qui nan ri quemacun cuc' ri e nimak ch'utik, xukuje' qui nan conojel ri itzelalaj tak jastak ri e tz'il ri e c'o cho ri uwächulew.”

Hechos 8:27

Ri Pelip xwalij c'ut, xbec. Xurik c'u jun achi aj Etiopiy. We achi ri' banom che chi man cäcuin taj cac'uli'c. Yo'm takanic pa u k'ab rumal ri Candas ri chuchu' ajawinel puwi' ri Etiopiy. We achi ri' cojom puwi' ronojel ri u k'inomal. Ri are' xpe che k'ijilanic pa Jerusalen.

Ri Daniel 4:30

xubij: “¡Chiwila' chi sibalaj nim ri Babilon! In, ruc' ri nimalaj nu cuinem xinyaco che u chuch ri wajawibal, rech quebenya' can c'utbal rech ri nu nimalil.”

Ri Ezequiel 28:2

“At, winak, chabij che ri ajawinel re Tir: ‘Are wa' ri cubij ri Ajawaxel: Ri awanima' xnoj che u banic nimal, are' c'u pa a c'u'x chi at jun dios ri t'uyul chupam ri qui tem re ajawibal ri diosib sutim awij rumal ri plo. Man at ta c'ut jun dios xane' at jun winak ri cuchomaj rib chi c'o ri u c'oxomanic jun dios ruc'.

Ri Jeremiy 25:9

quebensiq'uij conojel ri tinimit re ri riquiak'ab elebal k'ij xukuje' ri pataninel wech ri Nabucodonosor, ajawinel re Babilon, jebelch'ojin ruc' we ulew ri', conojel tak ri e u winakil xukuje' conojel ri c'ulja nimak tak tinimit. Quebensachisaj na qui wäch chnimalaj conojel. Kas xa' jumul quebenyojyobisaj na, pa jun jasach ri cuya' xibriquil xukuje' xibin ib.

Ri Isaiy 51:9

C'astaj la, c'astaj la u k'ab ri Ajawaxel, cojo' la ri chuk'ab la c'astaj la jacha' ri xban la can nabe, pa ri ojer tak k'ijol. Lal xbanow la ch'akatak che ri Rahab ri nimalaj awaj aj plo;

Ri Isaiy 19:11

Sibalaj ix con ix, c'amal tak be aj Zoan, ri ya'l tak no'j ri c'o na quetamabal pa Ejipt, kastzij e c'analaj ya'l tak no'j. ¿Jasche xpe ak'an pa i jolom xibij che ri paraon: “Uj cachalaxic tak ajno'jab xukuje' tak ajawinelab re ojer?”

Salmib 137:1

Uj t'uyul chquinakaj ri nima' re Babilon, cujok'ic aretak cänataj ri Sion chke.

Nabe Samuel 17:8

Ri Goliat xutac'aba' rib xubij chque ri ajch'ojab aj israelib: “¿Jasche ix elinak ulok che u banic ch'o'j? Ri in in jun aj pilistey, are c'u ri ix ix c'o chuxe' ri u takanic ri Saul, chicha' ba' jun chixo'l rech cäkaj ulok che ch'ojinic wuc'.