Salmib 87:1 - Quiché Bible

¹ Ri e u tac'alibal ri u tinimit ri Dios e c'o paquiwi' ri e tastalicalaj tak juyub.

Salmib 87:1 Referans Kwoze

Ri Isaiy 56:7

ri in quebenc'am na ulok chupam ri tastalicalaj nu juyub, quinban na chque chi cäquirik utzil pa ri wachoch re ch'awem wuc'. In quebenc'amowaj na puwi' ri nu porobal ri e qui tabal tak tok'ob ri quechajisaxic xukuje' niq'uiaj tabal tak tok'ob chic, cäk'alajisax c'u na ri wachoch chi ja re ch'awem ruc' Dios chque conojel tak ri tinimit.

Ri Isaiy 28:16

Rumal ri', ri Ajawaxel cubij: “Quincoj na jun abaj pa Sion, jun abaj ri cha'om ri sibalaj pakal rajil, are c'u abaj wa' ri nim u patan, ri cajwataj na che tac'alibal. Ri c'o u jiquiban wi c'uxaj, man quebel ta na ch'u'j.

Ri Matey 16:18

In quinbij chawe, chi at Lu'. Puwi' c'u we nimalaj abaj ri' quinyac wi na ri nu comon cojonelab chi nimalaj conojel. Mawi c'u ne ri u cuinem ri cämical cäch'äcan ta na puwi'.

Ri Zacariy 8:3

Quintzelej c'u na pa Jerusalen, rech quinjekel chila'. Jicalaj Tinimit cuchi'x c'u na ri Jerusalen, are c'u ri u juyub ri Ajawaxel, ri c'o ronojel u cuinem, Juyub Tastalic cuchi'x na.

2 Pedro 1:18

Xukuje' ri uj xkata' ri ch'abal ri xpe chicaj, aretak uj c'o ruc' pa ri tastalic juyub.

Salmib 68:16

Ix, ri sibalaj ix tac'atak tak juyub, ¿Jasche c'ax quina' chrij ri juyub ri xraj ri Dios xjeki' wi? ¡Ri Ajawaxel chila' cäjeki' wi na chbe k'ij sak!

Ucab Tzijobelil 3:1

Ri Salomon xuchaplej ri yacanic che ri rachoch ri Ajawaxel pa Jerusalen, pa ri juyub Moriy, ri xuc'ut wi rib ri Ajawaxel chuwäch ri David, ri u tat, pa ri c'olbal ri xusuc'umaj ri David che, ri u bixic, jawije' ri cuyak' wi trico ri Ornan ri aj jebusey.

Salmib 121:1

Aretak quebenwil tak ri c'ache'laj quinc'ot nu chi': “¿jawije' lo quel wi na ulok ri to'l wech?”

Salmib 42:1

Jacha' jun masat ri cächaki'j u chi' cutzucuj jun nima', je quinban che tzucuxic la, nu Dios.

Salmib 78:69

Xuyac jun k'ijilabal tac'atic, jacha' ri caj, junalic c'ut xujekeba', jacha' ri ulew.

Salmib 122:2

Jerusalen, ¡uj oquinak chic chquipam tak ri awoquibal!

Ri Isaiy 14:32

¿Jas ri cuya' cätzelex bic u bixic chque ri e qui takom we nim tinimit ri'? Chi ri Ajawaxel co u jekebam ri Sion e are' c'u ri e ch'ibatajinak che ri u tinimit caquito' na quib chila.