Salmib 86:8 - Quiché Bible

⁸ ¡Man c'o ta dios ri cäjunamataj ta uc' la, Ajawaxel! ¡Man c'o ta jun jasach ri cäjunamataj ta cuc' ri chac la!

Salmib 86:8 Referans Kwoze

Elem 15:11

Oh, Ajawaxel, man c'o ta jun dios ri cacuintaj cujunamaj ta rib uc' la. Man c'o ta chi jun ri sibalaj ta tastalic na mawi nim u bantajic jacha' ta ri lal. Quebe ban la mayibalalaj tak jastak xukuje' xibibal. Ya'tal che la chi cak'ijilax la.

U Camulixic ri Pixab 3:24

‘Ajawaxel, chaplem ya' la u c'utic chuwäch we pataninel ech la ri' ri nimalaj banic la, xukuje' ri cuinem la, man c'o ta chi jun Dios pa ri caj mawi cho ri uwächulew ri cäcuinic quebuban jastak ri sibalaj e mayibal jas ri queban la.

Salmib 89:6

¡Man c'o ta jun chic dios, mawi jun pa ri caj ri cäjunamataj ta uc' la, Ajawaxel!

Ri Daniel 3:29

Are c'u ri camic, quinya' takanic chi apachique winak ri cäyok'on che ri qui Dios we alabom ri', cäban ch'akatak che, ri rachoch cäban jumulaj ch'akatak xan che, apachique ta ne ri u tinimit, ri u nim tinimit, ri u ch'abal, man c'o ta chi c'u jun dios ri je ta colotajic wa' cubano.”

Salmib 89:8

Ajawaxel, Dios ri c'o ronojel u cuinem, ronojel ri cuinem ech la are c'u ri kastzij sutim ij la rumal; ¡man c'o ta jachin jun cäjunamataj ta uc' la!

Ri Jeremiy 10:16

¡Nim ri u jalbem rib ri u Dios ri Jacob, xuban ronojel ri c'olic! Ri are' xucha' ri Israel jacha' che rechbal. Ri Ajawaxel ri c'o ronojel u cuinem are wa' ri u bi'.

Ri Isaiy 40:25

Ri Tastalicalaj Dios cubij: “¿Jachin ta ruc' quinijunamaj wi ix? ¿Jachin ta ri cäjunamataj wuc'?”

U Camulixic ri Pixab 4:34

¿La c'o lo jun dios ri u cha'om ta jun u tinimit chquixo'l ri niq'uiaj tak tinimit chic, cuc' tak c'ambejenic, etal, mayibal xukuje' tak ch'o'j, ri xuc'ut ta ri nimalaj u chuk'ab chuwäch, xebuban ta xibibalalaj tak jastak jas jacha' ri xebuban xukuje' chiwe ri Ajawaxel pa Ejipt?

Ri Isaiy 40:18

¿Jachin ruc' qui junamaj wi ix ri Dios? ¿Ruc' jachique wächbal qui c'utbej re ri u banic?

Salmib 136:4

Che ri xuwi ri are' ri quebuban nimak tak mayibal junalic c'ut ri u lok'ok'ebal c'u'x.

Elem 8:6

Ri Aaron xuyac ri u ch'ämiy paquiwi' tak ri ja' ri e c'o pa Ejipt, xnoj c'u ronojel ri ulew cumal ri xtutz' ri xebel ulok pa tak ri ja'.

Ucab Tzijobelil 2:4

Chilampe' la quenyaca' jun rachoch ri Ajawaxel ri nu Dios, che u tasic che, ri queporox c'u wi na tak c'oc'al che u ya'ic u k'ij, queya' c'u amak'el chuwäch ri tunaj tak caxlanwa quechi'x c'u tabal tok'ob chuwäch ri quechajirisaxic ak'abibal xukuje' pa ri xk'ekal, xukuje' pa tak ri k'ij re uxlanem, xukuje' pa tak ri nimak'ij rech ri c'ac' ic' xukuje' pa ri jule' tak nimak'ij chic che u ya'ic u k'ij ri Ajawaxel ri ka Dios queboc'owisax c'u amak'el pa Israel.

Salmib 89:7

Nimalaj Dios xukuje' xibibal, sutim rij cumal ri e c'o pa ri caj.

Salmib 95:3

Rumal rech chi ri Ajawaxel are' nimalaj Dios, ri nimalaj Ajawinel ri c'o paquiwi' conojel ri diosib.

Salmib 135:5

In kas weta'm chi ri Ajawaxel, ri ka Dios, nim na chquiwäch conojel ri diosib.