Salmib 86:7 - Quiché Bible

⁷ Aretak in c'o pa bis, quintz'onoj tok'ob che la, weta'm c'ut chi quinch'abej la ulok.

Salmib 86:7 Referans Kwoze

Ri Jonas 2:2

“Pa ri nu rikoj c'ax xintz'onoj tok'ob che la, Ajawaxel, xban c'u la ri tok'ob ri xintz'onoj che la. In c'o chic pa ri cämical xinta' tok'ob che la xintatabej c'u la.

Salmib 50:15

Chinasiq'uij aretak at c'o chupam ri c'axc'olil; in catinwesaj na chupam ri c'axc'olil, ri at c'ut caya' na nu k'ij.

Salmib 17:6

Oh Dios, uc' la quinch'aw wi, weta'm chi cätzelej la u wäch ri nu tzij, ya' ri xiquin la che nu tatabexic, chetatabej tak la ri e nu tzij.

Hebreos 5:7

Ri Crist, aretak xc'oji' waral cho ri uwächulew, xurak u chi', xok'ic aretak xuban ch'awem ruc' Dios. Xuban bochi'nic xukuje' tz'ononic che ri Dios, ri cäcuin che u to'ic chuwäch ri cämical. Xtataj c'ut rumal ri u nimanic.

Ri Isaiy 26:16

Pa ri ka bis cujtzucun che la Ajawaxel, aretak cujpixbej la chinojimal.

Salmib 142:1

Ruc' cowilaj rakoj chi'aj quintz'onoj ri u to'banic ri Ajawaxel, ruc' cowilaj rakoj chi'aj quintz'onoj elebal c'u'x che.

Salmib 91:15

Aretak quinusiq'uij, quintzelej na u wäch ri u tzij; ¡in quinc'oji' na ruc'! Quinwesaj na chupam ri c'ax quinya' na u k'ij;

Salmib 142:3

aretak kas in c'o chupam ri latz'obal. Ajawaxel, lal etamam la ri nu be: chupam ri be ri in benak wi, qui cojom jun c'amibal chwe.

Salmib 18:6

Pa ri nu bis xinsiq'uij ri Ajawaxel; xintz'onoj ri u to'banic ri nu Dios, xinutatabej ri are' pa ri rachoch; xopan ri nu rakoj chi'aj pa ri u xiquin.

Ri Lucax 22:44

Aretak xel ch'u'j ri ranima', sibalaj xbochi'n che ri Dios. Are ri u c'atanal je jas ri ju tak tz'uj quic' ri cäkaj cho ri ulew.