Salmib 86:5 - Quiché Bible

⁵ Rumal rech chi lal, Ajawaxel, lal utz cacuyun c'u la nim ri lok'ok'ebal c'u'x la chque ri quenatan la.

Salmib 86:5 Referans Kwoze

Ri Joel 2:13

¡Chixtzelej ba' ix ruc' ri Ajawaxel ri i Dios, chi t'ubu' c'ut ri iwanima' che u q'uexwäch ri u t'ubic ri iwatz'iak! Rumal rech chi ri Ajawaxel ch'uch'uj xukuje' quel u c'u'x, coch'onel xukuje' ronojel lok'ok'ebal c'uxaj, amak'el xak reyem jampa' cuwalijisaj ri c'äjisabal wächaj.

Elem 34:6

Xoc'ow chuwäch ri Moises, je xubij wa' co u bixic ri kas u bi' xubij: “¡Ri Ajawaxel! ¡Ri Ajawaxel! ¡Dios junalic, xukuje' tok'obisal wächaj, coch'onel xukuje' nim pa lok'ok'ebal c'uxaj xukuje' kastzij!

Ri Nehemiy 9:17

Man xcaj taj xenimanic mawi xenataj chque ri nimak tak jastak ri xeban la che qui to'ic. Sibalaj c'u e c'osirinak chi xquicoj jun c'ämal qui be ri xec'amow ta bic che qui tzelejic chic pa ri patanijic pa Ejipt. Lal c'ut jun Dios ri sachal macaj, jun Dios ch'uch'uj, ri xukuje' quel u c'u'x, coch'onel xukuje' ronojel c'u ri lal lal lok'ok'ebal c'uxaj, man c'u xewonoba' ta la canok.

Salmib 103:8

Ri Ajawaxel ch'uch'uj xukuje' quel u c'u'x; c'o u coch'onic xukuje' nojinak che lok'ok'ebal c'uxaj.

Hechos 2:21

Conojel c'ut ri cäquinataj ri u bi' ri Ajawaxel, quecolotaj na.’

Salmib 145:18

Ri Ajawaxel, nakaj c'o wi chque ri cäquinataj ri u bi', ri cäquinataj ri u bi' ruc' ronojel canima'.

Salmib 86:15

Are' c'u ri lal, Ajawaxel, lal jun Dios ch'uch'uj ri quel c'u'x la, coch'onel, lal lok'ok'ebal c'uxaj ronojel xukuje' kastzij.

Salmib 25:8

Ri Ajawaxel utz xukuje' suc'; quebupixbej ri ajmaquib pa ri qui c'aslemal,

Salmib 130:7

chaweyej at Israel, ri Ajawaxel, ruc' c'u are' c'o wi lok'ok'ebal c'uxaj xukuje' tz'akatalaj to'tajem.

Ri Xuan 4:10

Ri Jesus xubij che: “We ta aweta'm ri cusipaj ri Dios, we ta aweta'm jachin ri' ri cubij chawe: ‘Chaya' nu joron’, at ta ri' cata' awe che, ri in c'ut quinya' ta awe ri' ri c'aslic joron.”

Ri Miquey 7:18

Man c'o ta chi c'u jun Dios jacha' ta ri lal, quecuy c'u la ri etzelal, quesach c'u pa jolom la ri qui walijisam tak quib ri ch'utinalaj u tz'akatil ri tinimit la. Lal cac'ut la ri lok'ok'ebal c'u'x la chkawäch man c'u cajekeba' ta la ri oyowal la chbe k'ij sak.

Ri Daniel 9:9

Lal c'ut, cäban ech la ka Dios, pa k'ab la c'o wi ri elebal c'uxaj xukuje' ri sachoj macaj. Ri uj ka walijisam kib che c'ulelaxic la

Ri Ezequiel 36:37

“In, ri Ajawaxel, quinbij: C'o chi c'u na ri quenbana' na. Quinya' c'u na che ri tinimit Israel ri cutz'onoj chwe chi quinban chque; quebenq'uiyirisaj na ri u winak jacha' jumulaj chij.

Ri Ezequiel 36:33

In, ri Ajawaxel, quinbij: Aretak ri in ch'ajch'ojbej che ronojel mac, quixjeki' chquipam tak ri e i tinimit chebibana' c'u qui banic.

Ri Jeremiy 33:3

Chinasiq'uij quintzelej c'u na u wäch ri a tzij, quinya' c'u na qui bixic nimak tak jastak chawe ri e awatalic ri man e aweta'm taj.

Salmib 119:68

Ri lal, lal utz, caban c'u la ri utzil; ¡chintijoj la chque tak ri pixab la!

Ri Jonas 4:2

rumal ri' xtzijon ruc' ri Ajawaxel xubij che: “Chilampe' la Ajawaxel, xak junam wa' ruc' ri xinchomaj chi cäc'ulmataj na aretak c'ä in c'o pa ri wulew. Rumal ri' xinanimaj bic pa Tarsis, weta'm c'ut chi lal jun ch'uch'ujalaj Dios ri quel c'u'x la, ri man chanim taj cäpe oyowal la, chi sibalaj nim ri lok'ok'ebal c'u'x la chi aretak caya' la u bixic jun c'äjisabal wächaj chanim c'ut cäq'uex c'u'x la.

Ri Isaiy 55:7

Ri banal etzelal chuya' can ri itzel u be, ri itzel winak chebuya' can ri itzel tak u chomanic chixtzelej ruc' ri Ajawaxel, quel c'u na u c'u'x chiwe chixtzelej ruc' ri ka Dios, xak c'u ix reyem che u sachic ri i mac.

Salmib 130:4

Uc' c'u la cäkarik wi cuyubal macaj, rech cäkaya' k'ij la.

Salmib 69:16

Ajawaxel, chinch'abej la ulok; ¡ri lal, lal utz! xukuje' ¡lal nojinak che lok'ok'ebal c'u'x! Rumal ri nimalaj ch'uch'ujil la, chinila' la ulok;

Salmib 36:7

¡Sibalaj mayibal ri lok'ok'ebal c'u'x la, nu Dios! Ri winak cäquitzucuj u ch'ukic quib chuxe' ri xic' la.

Efesios 2:4

Are c'u ri Dios sibalaj xel u c'u'x chke, xujulok'ok'ej ruc' ri nimalaj lok'ok'ebal u c'u'x.

Salmib 52:1

¿Jasche caban nimal chupam ri awetzelal at ri c'o a chuk'ab? ¡Ri u lok'ok'ebal c'u'x ri Dios xak jewi'!

Salmib 50:15

Chinasiq'uij aretak at c'o chupam ri c'axc'olil; in catinwesaj na chupam ri c'axc'olil, ri at c'ut caya' na nu k'ij.

Salmib 69:14

Mäya' la be chi quinbik'taj bic chupam ri xok'ol, chinesaj la pa qui k'ab ri cäquetzelaj nu wäch xukuje' pa ri choalaj tak ja',

Salmib 103:3

Are' ri quecuyuw conojel tak ri wetzelal; are' ri quecunan conojel tak ri e nu yabilal;