Salmib 86:10 - Quiché Bible

¹⁰ Xuwi c'u ri lal lal Dios; ¡nim banic la xukuje' queban la tak mayibal!

Salmib 86:10 Referans Kwoze

Marcos 12:29

Ri Jesus xubij che: “Ri nabe takanic are wa' ronojel: ‘Chatatabej, Israel, ri Ajawaxel ri ka Dios, are wa' xa jun chi Ajawaxel. Chalok'ok'ej ba ri Ajawaxel a Dios ruc' ronojel awanima', ruc' ronojel a c'aslibal, ruc' ronojel a chomanic xukuje' ruc' ronojel a chuk'ab.’

Ri Isaiy 37:16

“Ajawaxel ri c'o ronojel cuinem la, u Dios ri Israel, ri c'o ri tem la re ajawibal la paquiwi' ri aj cajalaj tak to'banelab ri e c'o qui xic', xuwi ri lal lal Dios paquiwi' conojel ri ajawibal rech ri uwächulew lal xbanow ri caj xukuje' ri ulew.

Salmib 72:18

Tewichital ri Dios, ri Ajawaxel, ri u Dios ri Israel, xuwi' c'u ri are' cuban nimak tak jastak;

1 Corintios 8:4

Chrij c'u ri wa ri cojom chquiwäch tak ri diosib, keta'm ri' chi jun dios man c'o ta u banic cho ri uwächulew, keta'm c'ut chi xuwi jun Dios c'olic.

U Camulixic ri Pixab 32:39

Xuwi ri in in Dios; man e c'o ta niq'uiaj chic chnuwäch in. In quinyo'w ri c'aslemal xukuje' in quinesan ri c'aslemal; in quinbanow ri socotajic xukuje' in quincunanic. Man c'o ta jachin jun cacuinic cuto'tajisaj ta rib pa ri nu k'ab.

Elem 15:11

Oh, Ajawaxel, man c'o ta jun dios ri cacuintaj cujunamaj ta rib uc' la. Man c'o ta chi jun ri sibalaj ta tastalic na mawi nim u bantajic jacha' ta ri lal. Quebe ban la mayibalalaj tak jastak xukuje' xibibal. Ya'tal che la chi cak'ijilax la.

Ri Isaiy 37:20

Camic c'ut Ajawaxel ka Dios, chujto' la pa u k'ab rech conojel ri nimak tak tinimit cho ri uwächulew cäquetamaj chi ri lal, Ajawaxel, xuwi ri lal lal Dios.”

Efesios 4:6

C'o jun Dios, ri xukuje' qui Tat conojel. Ri are' c'o paquiwi' conojel. Ri are' cächacun pa conojel, xukuje' ri are' c'o pa conojel.

Hechos 4:30

Ruc' ri chuk'ab la, bana' la cunanic, bana' la etal, bana' la mayibal pa ri u bi' ri tastalicalaj pataninel la ri Jesus.”

Salmib 86:8

¡Man c'o ta dios ri cäjunamataj ta uc' la, Ajawaxel! ¡Man c'o ta jun jasach ri cäjunamataj ta cuc' ri chac la!

Ri Job 11:7

¿La are ta c'u pa a c'u'x chi catcuinic canim ta awib chquipam tak ri rawatalic ri Dios catopan ta c'u c'ä chupam ri u najil ri u suq'uilal ri Dios?

Hebreos 2:4

Jeri' ri Dios xuk'alajisaj chi kastzij, xebuban etal, mayibal, xukuje' ronojel u wäch nimak tak chac rumal, xujach ri Uxlabaxel chque ri winak jas ri u rayibal.

Ri Isaiy 45:5

In ri Ajawaxel, man c'o ta chi jun; man c'o ta chi jun dios xuwi ri in. Nu yo'm a chuk'ab che u banic ri ch'o'j, man aweta'm ta c'u nu wäch,