Salmib 85:11 - Quiché Bible

¹¹ ri kastzij cätuxin na ulok pa ri ulew, ri colomal cäca'y na ulok chicaj.

Salmib 85:11 Referans Kwoze

Ri Xuan 14:6

Ri Jesus xubij che: “In ri' ri be, ri kastzij, ri c'aslemal. Man c'o ta jun copan ruc' ri Tataxel, we ta ma ta wumal in.

Ri Isaiy 45:8

“In quintak na ulok ri nu ch'äcanic chicaj, jacha' ri räx k'ab ri cäpe chicaj xukuje' ri jäb ri cäpe pa tak ri sutz', cuc'amowaj c'u na ri ulew; ri u wächinic ri cuya' are ri colobenic, cäcotz'ijan c'u na ri suq'uil pa u xuc'ut.”

Efesios 1:6

Rumal wa' cäkak'ijilaj amak'el rumal ri juluwemalaj rutzil, ri xujutewichibej rumal rech ri lok'alaj u C'ojol.

Ri Lucax 2:14

“¡Juluwem che ri Dios ri c'o sibalaj sibalaj chicaj! ¡Jamaril cho ri uwächulew chquixo'l ri winak ri e rech ri utzalaj u rayibal!”

Ri Matey 17:5

C'ä cätajin cätzijon ri Lu', xpe c'u jun sutz' ri cäjuluwic, xebuch'uku. Xtataj c'u jun ch'abal pa ri sutz' ri xubij: “Are lok'alaj nu C'ojol wa', ri cäkaj chnuwäch. Chitatabej ba ri u tzij.”

Ri Matey 3:17

Xtataj c'u jun ch'abal chicaj ri xubij: “Are lok'alaj nu C'ojol wa' ri sibalaj quinquicot ruc'.”

Ri Isaiy 53:2

Ri Ajawaxel xraj chi ri pataninel rech cäq'uiyic jacha' jun tico'n ri cäloclotic; ri cäbe ri u rab pa ri chaki'j ulew. Man c'o ta u je'lal mawi u juluwem, ri u wächbal man c'o ta ri cärayix ta che;

Ri Isaiy 42:21

Ri Ajawaxel, rumal rech chi are' jun Dios ri cäcolonic, are ta xraj xuban ta nim xukuje' xjuluw ta ri u tijonic;

Ri Isaiy 4:2

Pa ri k'ij ri, ri tuxaj ri cuq'uiyisaj na ri Ajawaxel, cux na wikbal xukuje' juluwem chque ri quec'asi' na can pa Israel ri e wächinic ri quiquiq'uiyisaj ri ulew, are nimarisabal quib, are nimarisabal qui k'ij.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Salmib 72:3

Ri c'ache'laj xukuje' ri nimak tak juyub che quich'ij jamaril xukuje' colomal che ri tinimit.