Salmib 84:7 - Quiché Bible

⁷ cäbe c'u na u q'uiyic ri qui chuk'ab, pa Sion c'ut cäquil wi na u wäch ri Dios ri c'o puwi' ronojel.

Salmib 84:7 Referans Kwoze

E C'ambal tak Tzij 4:18

Ri qui be ri suc'alaj tak winak junam ruc' ri u sakaribal jun c'ac' k'ij: ri cäbe u q'uiyic c'ä cäjuluw na pa ronojel ri u juluwem.

Ri Isaiy 40:31

are c'u ri cäquicu'ba' qui c'u'x chrij ri Ajawaxel cäc'aq'uir na ri qui chuk'ab amak'el, quecuinic querapapic jacha' ri cot quecuinic quexiq'uinic man quecos taj, quebinic man quetukar taj.

2 Corintios 3:18

Ri uj c'ut konojel man ch'ukutal ta chic ri ka palaj. Cäkak'alajisaj ri u juluwem ri Ajawaxel jas jun ilbal ib. Je c'u ri' cujq'uextajic, ronojel k'ij nim na ri u juluwem c'o kuc', rech cujux na jacha' ri Crist. Are ri Uxlabaxel re ri Ajawaxel cäbanow wa'.

Ri Job 17:9

Caquicoj qui chuk'ab che u bixic chi e suc', chi e ch'ajch'oj ri qui k'ab.

2 Pedro 3:18

Chixq'uiy ba' pa ri u tok'ob xukuje' pa ri retamaxic u wäch ri Kajaw xukuje' ka Colonel Jesucrist xukuje' c'ä pa tak ri k'ij junab chbe k'ij sak. Je chbanok.

Salmib 43:3

Taka' la ulok ri chäj la xukuje' ri kastzij la rech e are' quec'utuw ri be la chnuwäch ri cäc'aman bic puwi' ri tastalicalaj juyub la, pa ri c'olbal ri lal jekel wi.

U Camulixic ri Pixab 16:16

Conojel ri achijab, oxmul che ri jun junab rajawaxic quebopan chuwäch ri Ajawaxel ri i Dios, pa ri c'olbal ri u cha'om, pa tak we nimak'ij ri': ri quech ri Caxlanwa ri man caya' ta ch'am cuc', ri nimak'ij que ri Wukub Wukutak K'ij, xukuje' ri nimak'ij que tak ri Cäbal. Man c'o ta jun ri ma ta c'o jas c'o pa u k'ab copan chuwäch ri Ajawaxel,

Ri Xuan 14:3

We c'u quinbe che u suc'umaxic c'olbal chiwe, quinpe chi na, quixinc'am c'u na bic wuc', rech jawije' ri quinc'oji' wi, xukuje' ri ix chila' quixc'oji' wi na.

Ri Xuan 1:16

Konojel uj kac'amom ke ri u nojiquil, xukuje' tewichibal puwi' tewichibal.

Salmib 42:2

Cächaki'j nu chi' che ri Dios, ri Dios ri cuya' c'aslemal. ¿Jampa' lo ri quinetac'al chi chuwäch ri Dios?

Ri Xuan 15:2

Conojel ri nu k'ab ri man quewächin taj, ri are' queresaj na. Conojel ri nu k'ab ri quewächinic, ri are' quebujosk'ij rech cutakej wächinic.

Ri Jeremiy 31:6

Cäpe c'u na jun k'ij aretak ri yuxlenelab caquirak na qui chi' paquiwi' tak ri e u juyub ri Eprain: ‘Chixpetok ix, jo' pa Sion, jawije' c'o wi ri Ajawaxel ri ka Dios.’ ”

1 Tesalonicenses 4:17

C'äte ri' ri uj, ri uj c'asc'oj ri uj canajinak canok, cujc'am na bic junam cuc' ri cäminakib pa tak ri sutz' che u rikic ri Ajawaxel pa ri quiakik'. Jeri' cujc'oji' na ruc' ri Ajawaxel chbe k'ij sak.

Ri Xuan 6:39

Are c'u wa' ri u rayibal ri xintakow ulok, chi conojel ri e u yo'm chwe, man c'o ta jun quinsach chque, xane' quinc'astajisaj na pa ri q'uisbal k'ij.

Ri Zacariy 14:16

Chwi chi c'ut wa', ri xec'asi' can chque tak we tinimit ri' ri xquitij qui chuk'ab che u banic ch'o'j ruc' ri Jerusalen ronojel junab quepe na che u k'ijilaxic ri Ajawinel, ri Ajawaxel ri c'o ronojel u cuinem, cacoc'owisaj c'ut ri nimak'ij que tak ri cäbal.

Ri Isaiy 46:13

In quinbano chi cänakajin ulok ri torotajic ri quinbano ri colobenic ri quinbano, man cäbeytaj taj, man naj ta c'o wi. In quinya' na ri colobenic che ri Sion, quinya' na ri nimarisabal nu k'ij che ri Israel.”

Ri Lucax 2:24

Xebe c'ut, che u chi'xic ri tabal tok'ob ri cätakan wi ri u pixab ri Ajawaxel: juc'ulaj tucumux o juc'ulaj alaj tak ut.

Salmib 122:2

Jerusalen, ¡uj oquinak chic chquipam tak ri awoquibal!

Ri Isaiy 58:11

Ri in quinc'am na a be amak'el, quintz'ebej na ri catijo chupam ri chaki'j uwo sak, quinya' na u chuk'ab ri a cuerp catux c'u na jacha' jun ticbal cotz'i'j ri utzalaj u ja'xic banom, jacha' jun u q'uiyibal ja' ri man cätzaj taj.

Ri Ezequiel 34:26

In quebenya' na ri nu chij chrij ronojel ri tastalicalaj nu juyub, quebentewichi'j c'u na; quebenjabij na ulok tewichibal paquiwi', pa ri k'ijol ri takalic.