Salmib 84:3 - Quiché Bible

³ Xukuje' ne ri tz'unun, ri xipicar caquirik c'olbal chquinakaj tak ri porobal ri e ech la, jawije' caquiban wi qui soc ri alaj tak cal, Ajawaxel ri c'o ronojel u cuinem, wajawinel xukuje' nu Dios.

Salmib 84:3 Referans Kwoze

Salmib 90:1

Ajawaxel, lal uxinak ulok ka panibal uj ch'ukum la petinak ulok pa conojel tak ri k'ij junab.

Salmib 91:1

Ri cajeki' chuxe' ri to'banelalaj u mu'jal ri c'o chicaj, ri c'o ronojel u cuinem,

Ri Matey 8:20

Ri Jesus xubij che: “Ri yac c'o qui jul, ri chicop aj uwo caj c'o qui soc. Are c'u ri Rija'l winak, man c'o ta cuxlan wi ri u jolom.”

Salmib 43:4

Quinopan c'u na chuwäch ri porobal ri ech la nu Dios, quinya' na k'ij la chila' ruc' arp, are c'u ri lal, nu Dios, canojisaj la ri nu c'aslemal che quicotemal.

Salmib 116:7

Camic, quinna' chi utz chic in c'olic, rumal chi ri Ajawaxel u banom utz wuc'.

Ri Matey 23:37

“¡Jerusalen, Jerusalen, ri quebacämisaj ri k'axal tak tzij, ri xebabuc' che abaj ri quetak ulok awuc'! ¡Q'ui mul xinwaj xebenmulij ri awal, je jas ri ec' quebumulij ri alaj tak ral chuxe' ri u xic', man xawaj ta c'ut!

Ucab Samuel 15:25

Xubij c'ut ri ajawinel che ri Sadoc: “Chac'ama' bic ri u caxa ri Dios chatzelej pa ri tinimit, we c'u catok'obisax nu wäch rumal ri Ajawaxel, cuban na ri' chi quintzelej ulok quinwil c'u na u wäch ri caxa jawije' ri cäriktaj wi.

Salmib 42:3

Pa k'ij xukuje' chak'ab, ri e u wa'l nu wäch e are nu wa, amak'el c'ut cäc'ot nu chi', cäbix chwe: “¿Jawije' c'o wi ri a Dios?”

Ri Ezequiel 24:21

‘Chabij che ri tinimit Israel: Are wa' ri cubij ri Ajawaxel: Quenwawasij ri wachoch, ri sibalaj cäkaj chiwäch sibalaj c'u quinwaj xukuje' ri qui banbej nimal, ri xukuje' cayo'w i chuk'ab; ri e i c'ojol ri e i mia'l ri e i yo'm can pa Jerusalen xa' quecämisax na.