Salmib 84:12 - Quiché Bible

¹² Ajawaxel c'o ronojel cuinem la, sibalaj e tewichital ri caquicu'ba' qui c'u'x chij la.

Salmib 84:12 Referans Kwoze

Salmib 62:8

¡Nu tinimit, chacu'ba' a c'u'x chrij ri Dios! chixch'aw ruc', ruc' ronojel jiquibam c'uxaj. ¡Ri Dios are' ka panibal!

Ri Isaiy 30:18

Are c'u ri Ajawaxel quixreyej, che u tok'obisaxic i wäch; ri are' sibalaj curayij cuc'ut ri u lok'ok'ebal c'u'x chiwe, are' c'u ri Ajawaxel are jun Dios aj suq'uil. ¡Utz quech conojel ri quebeyen che!

Ri Isaiy 50:10

Ix ri nim quiwil wi ri Ajawaxel xukuje' quitatabej ri u ch'abal ri pataninel rech: we quixbin pa ri k'eku'm, man c'o ta jubik' i chaj, chicu'ba' i c'u'x chrij ri Ajawaxel; chitok'ej iwib che ri i Dios.

Salmib 34:8

Chixtijtobenok, chiwila' c'ut chi utz ri Ajawaxel. ¡Utz re ri winak ri cucu'ba' u c'u'x chrij ri are'!

Salmib 3:4

Cuc' rakoj tak chi'aj quintz'onoj to'banic che ri Ajawaxel cutzelej c'u ulok u wäch nu tzij kas pa ri tastalicalaj u juyub,

Salmib 125:4

Ajawaxel, bana' la utzil chque ri e utzalaj tak winak, chque ri suc'um ri canima';

Ri Isaiy 60:19

Man cajwataj ta chic ri u tun ri k'ij chawe pa k'ij, mawi ri u tun ri ic' chawe chak'ab, rumal rech chi ri in, ri Ajawaxel, quinux na junalic a chaj; in, ri a Dios, quinux na juluwibal chawe.