Salmib 84:10 - Quiché Bible

¹⁰ ¡Are c'o na quechbex che ri jun k'ij c'olem chquiwäch ri uwo ja' re ri achoch la, chuwäch ri jun mil naj chque! Are utz na pune' ta ne' xa in chajil rech ri u chi' ri rachoch ri nu Dios, che u q'uexwäch ri quinc'oji' pa tak c'olbal re etzelal.

Salmib 84:10 Referans Kwoze

Salmib 27:4

Xa jun jasach nu tz'onon che ri Ajawaxel, xa jun jasach quinrayij: chi quinc'oji' chupam ri rachoch ri Ajawaxel conojel ri k'ij ri quinc'asi' na, che u k'ijilaxic pa ri rachoch xukuje' che rilic ri u je'lical.

Salmib 63:2

¡Quinwaj quinwil wäch la chupam ri cak'ilax wi la quinwil c'ut ri cuinem la xukuje' ri juluwem la!,

Filipenses 3:20

Are' c'u ri ka tinimit pa ri caj c'o wi'; ri xukuje' cakeyej wi jun Colonel, ri Ajawaxel Jesucrist.

Santiago 2:3

we c'u nim quiwil wi ri u cojom je'lalaj ratz'iak quibij c'u che: “Chatt'uyul waral ri utz wi”, quibij c'u che ri meba': “Chattac'al chila', o chatt'uyul waral puwi' ri qui tac'alibal ri wakan”,

Ri Lucax 2:46

Oc'owinak chi oxib k'ij, xequirika' ri Jesus pa ri rachoch Dios, t'uyul pa qui niq'uiajil ri ajtijab. Quebutatabej, cuc'ot qui chi'.

Ucab Tzijobelil 6:42

Maxutuj la canok, Dios xukuje' Ajawaxel, ri ajawinel ri cha'om la. Masach pa jolom la ri u lok'al ri David ri pataninel ech la.”

Salmib 132:10

Rumal ri u tok'obisaxic u wäch ri David ri pataninel ech la, mesaj la u q'uixbal ri ajawinel ri cha'om la.