Salmib 83:15 - Quiché Bible

¹⁵ ¡je chbana' la che cokataxic ruc' ri banbal c'ax la, chexibij la cumal tak ri cakulja la!

Salmib 83:15 Referans Kwoze

Ri Job 9:17

Cuban na ri' chi qui nu rapuj jun cakulja, man c'o ta c'u rumal ri' quebunimatajisaj ri e nu socotajic;

Salmib 50:3

Ri ka Dios cäpetic, man xak ta c'u chi jeri': nabejinak jun k'ak' chuwäch ri cäsachan wächaj; terenetal rumal jun xibibalalaj cakulja.

Ri Isaiy 28:17

Che we yacanic ri' are quincoj na ri suq'uil che u q'uexwäch clomabal, che u q'uexwäch suq'uibal are quincoj ri jicomal.” Ri i panibal ri i tzucum chupam ri banoj tzij, cäsach na u wäch rumal ri sakbach, ri ja' cuch'elej na bic ri u c'olbal ri to'bal iwib.

Salmib 58:9

Chenicowok e jacha' ri q'uix c'ä mäjok c'o chnabexok; chebok ruc' oyowal, jacha' ri räx k'ayes.

Hebreos 12:18

Man ix opaninak taj chunakaj ri juyub ri cuya' cämakamaxic, ri cänicow pa k'ak', chunakaj ri k'ekmuj, ri k'eku'm xukuje' ri nimalaj quiakik'.

Ri Matey 7:27

Xkaj ri jäb, xnimar ri nima', xpe nimalaj quiakik' xuq'uiak rib chrij ri ja ri'. Xtzak c'ut. Sibalaj nim ri u tzakic.

Salmib 11:6

Ri Ajawaxel cujabij na paquiwi' ri e banal tak lawaloyil rachak k'ak', k'ak' xukuje' asubre, cuc'am na ulok jun quiakik' ri cuporoj ronojel. ¡Ri Ajawaxel cuya' na ri takal chque!

Ri Isaiy 30:30

Ri Ajawaxel cuban na chi cätataj ri cowilaj u ch'abal, cuc'ut na ri u cuinem ri cucoj ruc' jun xibibalalaj oyowal, e rachil tak ri e rak' k'ak' ri quebik'onic, rachil cakulja' jäb xukuje' sakbach.

Ri Ezequiel 21:3

chabij c'u che: ‘are wa' ri cubij ri Ajawaxel: In quink'alajisaj wib chi nu banom nu c'ulel chawe. Quinjusij ri nu ch'ich' re ch'o'j quebencämisaj c'u na ri suc' junam cuc' ri ajmaquib.