Salmib 83:14 - Quiché Bible

¹⁴ je jacha' ri k'ak' ri cuporoj ri c'ache'laj, cuq'uis tzij paquiwi' tak ri k'ayes cumal tak ri rak',

Salmib 83:14 Referans Kwoze

U Camulixic ri Pixab 32:22

Nicowinak ri woyowal jacha' jun k'ak', copan na ri u nicowem pa tak ri c'olbal ri naj e kajinak cusachisaj na u wäch ri ulew xukuje' tak ri u wächinic, cucoj na k'ak' chquixe' tak ri juyub.

Ri Malaquiy 4:1

Ri Ajawaxel ri c'o ronojel u cuinem je cubij wa: “Canakajin ri k'ij, ri canicowic jacha' jun jorno, ri quenicow wi na conojel ri caquiban nimal xukuje' ri e banal tak etzelal jacha' ri pajo chupam jun poro'n. Ri k'ij ri' ri cäpe na quebujarisaj na, man c'o ta c'u cacanaj na chque.

Ri Isaiy 9:18

Ri etzelal cuban nimak tak c'ax jacha' ri cuban jun k'ak' ri cusach u wäch ri q'uix xukuje' tak ri k'ayes, xukuje' man c'ax ta cuban che qui poroxic tak ri che' ri e c'o pa ri c'ache'laj, quebuq'uiak chicaj pa ri quiakik' pa ri u chuk'ab ri sutinel sib.

Ri Nahum 1:10

Ix jacha' q'uix ri qui quemom tak quib, jacha' ri chaki'j u xak k'ayes, kas quixporox na.

Ri Nahum 1:6

¿Jachin ta lo ri cacuinic cätaq'ui' ta chuwäch ri royowal? ¿Jachin ta lo ri cach'ijow ri royowal? Ri u c'anal cätixtob na jacha' k'ak', quequiban c'u cacab ri nimak tak abaj.

Ri Isaiy 30:33

Sibalaj ojer suc'umam ulok che ri Asiriy xukuje' che ri rajawinel jun c'olbal re c'axc'ol ri nim u wäch xukuje' naj u pam, jun k'ak' nicowisam ri yo'm sibalaj si' chupam. Are ri ruxlab ri Ajawaxel cänicowisan na jacha' jun nima' re asubre.

Ri Job 21:18

¿Jampa' ta e jabum jacha' ri pajo ri cac'am bic rumal ri sutinel quiakik'?

Ri Isaiy 17:13

Aretak c'ut quebokatax bic rumal ri Dios, naj quebetakal wi, jacha' ri pajo ri cäc'am bic rumal ri quiakik' pa tak ri juyub o jacha' ri quiäkwok' ri cäc'am bic rumal ri salc'um.