Salmib 82:3 - Quiché Bible

³ ¡Chibana' suc'alaj k'atoj tzij puwi' ri tukar xukuje' puwi' ri minor! ¡Chibana' ri suc'alaj k'atoj tzij puwi' ri meba' xukuje' ri c'o u rajawaxic!

Salmib 82:3 Referans Kwoze

Salmib 10:18

Bana' la ri suq'uilal che ri minor xukuje' ri u rikom c'ax: ¡ri winak, ri xa ulew banbem rech, mutic chi c'u jumul xe'n ib!

Santiago 1:27

Ri k'ijilanic che ri Dios ri kas ch'ajch'oj, ri man tz'ajtal ta chuwäch ri Dios Tataxel are wa': Chi quekilij ri malca'nib xukuje' ri man c'o ta chic qui tat qui nan, ri e c'o pa c'axc'olil, xukuje' chi cäkachajij kib man cakatz'aj ta kib, man cakaban ta ri etzelal re ri uwächulew.

Ri Jeremiy 22:16

Xuto' qui wi' ri mebayib xukuje' ri man cacuintaj cuto' rib, rumal ri' utz xel pa ronojel. Are wa' ri cäbixic chi are wa' ri retamaxic nu wäch. In, ri Ajawaxel Dios, quinjiquiba' u bixic.

Ri Jeremiy 22:3

Chibana' ri suq'uilal chupam we c'olbal ri' xukuje' ri colomal, chito'tajisaj ri cat'orixic pa u k'ab ri t'orinel, misub ri man i winakil taj, ri minorib xukuje' ri malca'nib. Mebicämisaj winak ri man c'o ta qui mac.

Ri Jeremiy 5:28

e k'obinak c'ut xukuje' utz qui tzuktzubexic banom. Ri quetzelal man c'o ta u c'ulbatil: man caquiban ta ri suq'uilal che ri minorib mawi caquiya' u k'ij ri takal u banic chque ri mebayib.

U Camulixic ri Pixab 24:17

Miban jun jasach ri man suc' ta che ri man e i winakil taj, mawi chque ri minorib, mawi mic'am ri catz'iak ri malca'nib che kajebal jalomal.

Ri Isaiy 1:23

Ri e a takanelab man e tal ta tzij, e junam qui wäch cuc' ri eläk'omab. Conojel cäquic'ayij quib rumal puak xukuje' cäquitzucuj chi c'o cäsipax chque. Man cäquiban ta tok'ob che ri minor, mawi c'o cubij qui c'u'x che u to'ic ri malca'n ixok.

Ri Isaiy 1:17

¡Chiwetamaj u banic ri utzil, chicojo' i chuk'ab che u banic ri suq'uil, chito' ri u rikom c'ax, chibana' utzil che ri minor, chito' u wi' ri malca'n ixok!”

U Camulixic ri Pixab 10:18

ri cuban suc'alaj k'atan tzij puwi' ri minor xukuje' ri malca'n; ri quel u c'u'x, cuya' u wa' xukuje' ratz'iak ri man u winakil ta ri jekel chixo'l.

Elem 23:3

mawi matok'obisaj u wäch ri meba' we c'o u mac.

Elem 23:6

Majech'obisaj ri suq'uilal ri ya'tal che ri meba' aretak cak'at tzij puwi',

Ri Job 29:12

ri in xinya' to'banic chque ri e minorib xukuje' chque ri e mebayib, winak ri man c'o ta jun cayo'w ta to'banic chque.

Ri Job 31:21

Mawi jubik' xincoj ta xibin ib che jun ac'al ri minor rumal rech chi junam nu wäch cuc' ri k'atal tak tzij.

E C'ambal tak Tzij 31:9

Co chatch'awok, chabana' c'u suq'uil chque; ¡chebato' ri mebayib xukuje' ri man nimak ta qui k'ij!

Ri Zacariy 7:9

“Are wa' ri takanic ri quinyao: Ri ix chibana' ri suq'uilal pa tak ri e i k'atan tak tzij, chebibana' ri utzil xukuje' chel tak i c'u'x chixo'l.