Salmib 80:1 - Quiché Bible

¹ Yuk'ul re ri Israel, ri cäc'am la u be ri Jose jacha' jumulaj chij, ri cojom la ri tem la re ajawibal paquiwi' ri aj cajalaj tak to'banelab ri e c'o qui xic', ¡Tatabem la! ¡Utz rilic ri Eprain chbana' la,

Salmib 80:1 Referans Kwoze

Apocalipsis 21:23

Ri tinimit man cajwataj ta ri k'ij che rech cuya' ri u sakil, mawi rajawaxic ri ic' che. Are c'u ri u juluwem ri Dios xjuluw puwi', are c'ut ri u chäj are' ri Alaj Chij.

Salmib 77:20

Xc'am la u be ri tinimit la jacha' jumulaj chij, rumal ri Moises xukuje' ri Aaron.

Salmib 50:2

Ri Dios cächuplin ulok pa ri Sion, ri tinimit ri sibalaj tz'akat ri u je'lal.

Salmib 99:1

¡Ri Ajawaxel are' ajawinel! ¡U yo'm ri u tem re ajawibal paquiwi' ri aj cajalaj tak to'banelab ri e c'o qui xic'! Queyicop na ri nimak tak tinimit xukuje' ronojel ri uwächulew.

1 Pedro 2:25

Ix junam c'u can cuc' ri chij ri qui jalon qui be. Camic c'ut ix tzelejinak ulok ruc' ri Crist, ri are' ri ajyuk' xukuje' ri chajinel re ri iwanima'.

Ri Ezequiel 34:23

Quenbana' na chi catzelej ulok ri pataninel wech ri David, xuwi c'ut ri are' quincoj na che ajyuk', ri are' quebuchajij na. Are' cux na yuk'ul quech.

Ucab Samuel 6:2

xel c'u bic ri David, xbe pa Baala u tz'akatil ri Juda, xerachilaj bic conojel ri ajch'ojab ri e teren chrij, che u k'axexic ri u caxa ri Dios ri cänatax wi ri u bi' ri Ajawaxel puwi', ri c'o ronojel u cuinem, ri c'o ri u tem re ajawibal paquiwi' ri aj cajalaj tak to'banelab ri e c'o qui xic'.

Nabe Samuel 4:4

Rumal c'u ri' ri aj israelib xequitak bic tako'n pa Sil, xquic'am c'u ulok ri caxa ri c'o wi ri u c'ulwächinic ri Ajawaxel ri c'o ronojel u cuinem, ri c'o ri u tem re ajawibal paquiwi' ri qui wächbal ri aj cajalaj tak to'banelab ri e c'o qui xic'. Ri Opni xukuje' ri Pinees, ri quieb u c'ojol ri Eli, xcachilaj ri caxa ri c'o wi ri u c'ulwächinic ri Dios.

Hebreos 13:20

Are ba' ri Dios ri cäyo'w jamaril chixo'l, ri xc'astajisan ri Kajaw Jesucrist chquixo'l ri cäminakib, are wa' ri nimalaj Cajyuk' ri chij rumal ri quic' re ri junalic c'ulwächinic,

Ri Ezequiel 10:4

Xwalij c'ut ri u juluwem ri Ajawaxel paquiwi' ri aj cajalaj tak to'banelab ri e c'o qui xic' xbe c'ut chuchi' ri rachoch Dios; xnoj c'u ri rachoch Dios rumal ri sutz', xtunun c'ut ri uwo ja rumal ri u tununem ri u juluwem ri Ajawaxel.

Ri Isaiy 63:11

Ri e are xnataj ri ojer tak k'ijol chque aretak ri Moises xucol ri u tinimit, quec'olow c'u chi'aj: “¿Jawije' c'o wi ri Dios ri xcolow ri Moises pa ri nim ja' Nil, ri yukul rech ri u jumulaj? ¿Jawije' c'o wi ri xcojow ri Ruxlabal ri Dios pa ri ranima' ri Moises,

Ri Isaiy 60:1

Chatwalijok, Jerusalen, at pistal pa juluwem, opaninak c'u ri a chaj, ri u juluwem ri Ajawaxel cätunun pawi'.

Salmib 80:7

Dios ri c'o ronojel u cuinem, ¡bana' la chi cujux chi jumul jas ri ka banic canok nabe, chujca'yej la cuc' utzalaj tak bak'wäch la cujto'taj c'u na ri'!

Salmib 80:3

Ka Dios, ¡chbana' la chi cujux chi jumul jas ri kabanic canok nabe! ¡Utz kilic chbana' la, cujto'taj c'u na ri'!

1 Pedro 5:4

Aretak cäpe na ri Qui Nimal ri ajyuk'ab, quic'am na ri corona ri man q'uisel taj, are wa' ri juluwem.

Ri Xuan 10:14

In ri' ri utzalaj ajyuk'. Quinch'ob c'u qui wäch ri nu chij, ri e wech cäquich'ob nu wäch, jacha' ri nu Tat cuch'ob nu wäch in, xukuje' jacha' ri in quinch'ob u wäch ri Tataxel. Quinya' c'u ri nu c'aslemal rumal quech ri chij.

Ri Daniel 9:17

Ka Dios chtatabej la ri u ch'awem xukuje' ri e u tok'lenic we pataninel ech la ri'; rumal ri bi' la, Ajawaxel, chila la ruc' lok'ok'ebal c'uxaj ri bisobal ri canajinak wi ri achoch la.

Ri Ezequiel 43:2

Xinwil c'ut chi ri u juluwem ri u Dios ri Israel petinak pa ri elebal k'ij. Xtataj jun cowilaj chojojem, jacha' ta ne ri re ta jun nimalaj nima', ri cäwolkotic, are c'u ri uwächulew xnoj che sakilal.

Ri Ezequiel 1:13

Ri qui banic tak we cuerp ri' quejunamataj cuc' ri ak'al ri quenicowic o cuc' ri ch'ich' ri e quiakarinak pa ri k'ak' quilitaj c'u jun k'ak' chquixo'l ri sibalaj cajuluwic, quebel c'u caypa' che we k'ak' ri'.

Ri Isaiy 40:11

Cäpetic jacha' jun ajyuk' ri quebuchajij ri u chij quebuyac ri alaj tak chij, quebuk'aluj, quebuc'am bic cho u c'u'x, sibalaj coc il che qui chajixic ri c'äte xebalaxic.

Salmib 94:1

¡C'utu' ib la, Ajawaxel, Dios ri quebuya' rajil c'axelal!

Salmib 80:19

Wajaw Dios, Dios ri c'o ronojel u cuinem, ¡bana' la chi cujux chi jumul jas ri ka banic canok nabe! ¡Chujca'yej la cuc' utzalaj tak bak'wäch la cujto'taj c'u na!

Salmib 78:67

Xupakchi'j c'u apan ri rachoch ri Jose; man are ta xucha' ri ramak' ri Eprain;

Salmib 78:52

Xresaj ulok ri Israel jacha' juk'at chij; xuc'am bic u be ri u tinimit pa ri chaki'j uwo sak;

Salmib 69:1

Chincolo' la, nu Dios, jik'em quinbano;

Salmib 60:1

Chupam ri oyowal la, nu Dios uj wonobam la canok, uj c'äjim la; ¡tzelej ba la camic ri ka chuk'ab!

Salmib 55:1

Nu Dios, chta' la ri nu ch'awem; xak mäya' la can chi jeri' ri tok'ob ri quintz'onoj che la.

Salmib 45:1

Je'licalaj tak tzij quewulul chupam ri nu chomanic; ri wak' xak junam ruc' ri u tz'ibabal jun utzalaj tz'ibanel. ¡Quinbixoj na ri nu bix chuwäch ri Ajawinel!

Salmib 5:1

Ajawaxel, wajawinel xukuje' nu Dios, chetatabej tak la ri e nu tzij choc la il chque tak ri e nu ch'ikowem, chetatabej la ri e nu bochi'nic, che c'u la quinpakba' wi ri nu ch'awem.

Ri Job 10:3

Je u banic wa' chi kas lal xinwinakirisanic, ¿La takalic quil la chi quinc'axc'obisaj la quetzelaj c'u la nu wäch? Cak'alajisaj c'u ib la chi are quebeto' la ri qui chomanic ri e banal tak etzelal.

Ucab Ajawinelab 19:15

je ch'awem wa' xuban ruc' ri Dios: “Ajawaxel, u Dios ri Israel, ri c'o ri u tem re ajawibal paquiwi' ri aj cajalaj tak to'banelab ri e c'o qui xic': xuwi ri lal lal Dios ri lal c'o paquiwi' conojel ri ajawibal ri e c'o cho ri uwächulew; lal xbanow la ri caj xukuje' ri ulew.

U Camulixic ri Pixab 33:2

Jewa' ri u beya'l: “Ri Ajawaxel xel ulok pa Sinai; kas pa Seir xtunun wi ulok pakawi', xjuluw ulok pakawi' pa tak ri juyub re Paran xuchaplej pa Merib-cades; pa ri u wiquiak'ab cuc'am wi ulok ri k'ak' re ri pixab.

Salmib 50:1

Ri Ajawaxel, ri qui Dios ri c'o quekle'n, ch'awinak; e u siq'uim conojel ri winak ri e c'o cho ri uwächulew, ri e c'o pa elebal k'ij, ri e c'o pa ri u kajebal k'ij.