Salmib 79:5 - Quiché Bible

⁵ Oh Ajawaxel, ¿c'ä jampa' coc'ow ri oyowal la? ¿La xak cätajin wi cänicow ri oyowal la jacha' ri k'ak'?

Salmib 79:5 Referans Kwoze

Salmib 89:46

Oh Ajawaxel, ¿c'ä jampa' cätanaba' la u c'u'ic ib la? ¿La c'ä cänicow ta na lo ri oyowal la jacha' ri k'ak'?

Salmib 85:5

¿La xa ta pu lo cätakej na la u yukic rakan ri oyowal la pakawi'?

Salmib 74:1

Nu Dios, ¿jasche xujwonoba' la canok? ¿Jasche xnicow ri oyowal la paquiwi' ri chij la re ri yuk'bal la?

Ri Soponiy 3:8

Rumal ri', chiweyej ix ri k'ij aretak chinwalij che u bixic ri c'ax ri qui c'ulmaj na. In, ri Ajawaxel, quinjiquiba' u bixic: Xchomataj wumal qui mulixic ri nimak tak tinimit xukuje' tak ri ajawibal rech quinkasaj ri nicowelalaj woyowal paquiwi'. ¡Ronojel ri uwächulew cäsachisataj na u wäch rumal ri u k'ak'al ri nu c'anal!

U Camulixic ri Pixab 29:20

Ri Ajawaxel man cuya' ta ri sachbal u mac, xane' cukasaj ri u k'ak'al ri royowal puwi' we winak ri', cäkaj c'u na puwi' ronojel ri c'okonic ri u yo'm u bixic chupam we wuj ri', are c'u ri Ajawaxel cusach na qui wäch ri e u k'ab tak rachalaxic chuwäch ri uwächulew.

Ri Ezequiel 36:5

Are wa' cubij ri Ajawaxel: Ri e nu tzij quenicow che oyowal e benak che u banic c'ax chque ri e jule' tak tinimit chic, kas c'u che u banic c'ax che ronojel ri Edom, rumal rech chi ruc' nimalaj quicotemal xequechbej ri wulew, ruc' c'u nimalaj etzelen wächaj xequijoc tak ri u wäch tak ri rulewal.’

Salmib 80:4

Ajawaxel, Dios ri c'o ronojel u cuinem, ¿C'ä jampa' catakej la oyowarem che ri u bochi'nic ri tinimit la?

Apocalipsis 6:10

Xquirak qui chi' ruc' chuk'ab, xquibij: “Ajawaxel, ri tastalic ri man cuban ta etzelal, xukuje' ri jic, ¿c'ä jampa' cäk'at la tzij paquiwi' ri e c'asal cho ri uwächulew? ¿C'ä jampa' cäya' la rajil u q'uexel ri ka quiq'uel chque?”

Ri Soponiy 1:18

Pa ri k'ij re ri nimalaj royowal ri Ajawaxel, man cäto'tajisax ta na ri winak mawi rumal ri u sak puak mawi rumal ri u k'an puak, ri u k'ak'al c'ut ri royowal ri Ajawaxel cäjarisan na ronojel ri uwächulew. ¡Conojel ri winak ri e jekel cho ri uwächulew cäsachisataj na qui wäch xa' pa jun jok'otaj!

Ri Miquey 7:18

Man c'o ta chi c'u jun Dios jacha' ta ri lal, quecuy c'u la ri etzelal, quesach c'u pa jolom la ri qui walijisam tak quib ri ch'utinalaj u tz'akatil ri tinimit la. Lal cac'ut la ri lok'ok'ebal c'u'x la chkawäch man c'u cajekeba' ta la ri oyowal la chbe k'ij sak.

Ri Isaiy 64:9

Ajawaxel, mape nimalaj oyowal la, mawi menataj ri ketzelal amak'el che la. Chila la chi uj tinimit la.

Salmib 103:9

Man xak ta amak'el cujuyajo xukuje' ri royowal man cäbeytaj taj;

U Camulixic ri Pixab 32:22

Nicowinak ri woyowal jacha' jun k'ak', copan na ri u nicowem pa tak ri c'olbal ri naj e kajinak cusachisaj na u wäch ri ulew xukuje' tak ri u wächinic, cucoj na k'ak' chquixe' tak ri juyub.

U Camulixic ri Pixab 32:16

Xquiyac ri rachixomanic xukuje' ri royowal ri Dios aretak xequik'ijilaj xibibal tak diosib;

Salmib 6:4

Saj la Ajawaxel; chto'tajisaj la ri nu c'aslemal, chinto'tajisaj la rumal ri lok'ok'ebal c'u'x la.

Salmib 80:5

Yo'm la u wa'l wächaj chke che u q'uexwäch ka wa; che kuq'uia' u wa'l tak wächaj ri cätixixic.

Salmib 89:47

Ajawaxel, nataj che la chi man naj ta quinc'asi'c; chi man naj ta quec'asi' ri winak ri e winakirisam la.

Juyuwem 5:22

Are c'u ri lal kas uj tzakom la canok; ri oyowal la kuc' kas oc'owinak u wi'.

Ri Zacariy 1:12

Ri aj cajalaj u tako'n ri Ajawaxel xubij: “Ajawaxel ri c'o ronojel cuinem la, oxc'al lajuj junab chi wa' chi lal oyowarinak ruc' ri Jerusalen xukuje' cuc' tak ri tinimit re Juda. ¿C'a joropa' c'u lo k'ijol coc'ow chi na c'ä majok chel chi na c'u'x la chque?”