Salmib 79:4 - Quiché Bible

⁴ Cätze'x ka wäch cumal ri e ka c'ulja; uj yacal qui tze' joropa' ri cujilowic.

Salmib 79:4 Referans Kwoze

Salmib 80:6

Banom la chke chi uj uxinak qui tze' ri e ka c'ulja, e are' c'ut ri e ka c'ulel chäquitze'j ka wäch.

Ri Daniel 9:16

Ajawaxel keta'm chi quel c'u'x la. Bana' la tok'ob chtasa' la ri oyowal la xukuje' ri c'anal la che ri Jerusalen, are c'ut ri tinimit la, ri tastalic juyub la. Conojel ri winak ri e re ri nimak tak tinimit cäquitze'j u wäch ri Jerusalen xukuje' ri e winak la, qui mac quech ri ka mac, xukuje' ri quech ri ka mam.

Ri Ezequiel 36:15

Man quinya' ta na c'olbal chi quebitatabej ta chic ri yok'obal ri quequiban tak ri winak chiwe ri man e i winakil taj; man quixyak' ta chi c'u cumal tak we tinimit ri', are c'u ri ix man quebiya' ta chi can we tinimit ri' chi ma ta e c'o qui c'ojol. In, ri Ajawaxel quinjiquiba' u bixic.’ ”

Ri Ezequiel 36:3

Je ba' wa', chatch'aw pa ri nu bi' chabij c'u chque: ‘Are wa' cubij ri Ajawaxel: Pa ronojel c'olbal quewalij wi ulok ri quech'ojin iwuc' cäsachisax c'u i wäch cumal; conojel ri tinimit ri man e i winakil taj ix kajinak pa qui k'ab, xa' c'u quetz'bex i wäch cumal ri winak xukuje' quetzelex i wäch cumal.

Ri Ezequiel 35:12

C'äte ri' cawil na chi in, ri Ajawaxel, xintatabej conojel ri yok'onic ri xebaq'uiak paquiwi' tak ri e u juyub ri Israel. Ri at xabij: ¡E jun chaki'j uwo sak; camic cujcuinic quekabik'o!

Juyuwem 5:1

Chnataj che la, Ajawaxel, ri ka c'ulmam; ca'y la chke, chila la ri ka yok'ic ri cäbanic.

Ri Jeremiy 42:18

Ri Ajawaxel ri c'o ronojel u cuinem, ri u Dios ri Israel, je cubij wa': ‘Je' jacha' ri woyowal xukuje' ri nu c'anal ri xenicow paquiwi' ri aj Jerusalen, jeri' xukuje' quebenicow na piwi' ix xukuje', we quixbe pa Ejipt. Quixux na jun c'utbal re c'okobal, pa jun jasach ri cäxibinic, man quiwil ta chi c'u na u wäch we c'olbal ri'.’

Ri Jeremiy 25:18

Xinya' che ri Jerusalen rech caruq'uiaj xukuje' chque ri tinimit tak re Juda, junam cuc' tak ri cajawinelab xukuje' ri c'amal tak be, che u sachisaxic qui wäch xukuje' che qui yojixic canok, ri cuya' xibriquil xukuje' xe'n ib, che u ya'ic c'utbal re c'okonic ri c'ä e takeninak camic.

Ri Jeremiy 24:9

Quinban na chque chi quebux jun jasach ri caquiya' xibin ib chque conojel ri nimak tak tinimit ri e c'o cho ri uwächulew, quebux c'u na jun c'utbal re mach'ibal ib, etzelam wächaj xukuje' c'okonic chquiwäch conojel tak ri ulew ri queben jabuj wi na.

Salmib 89:41

Conojel ri winak queboc'owic cäqueläk'aj bic jachique ri cäcaj; ri e u c'ulja caquitze'j u wäch.

Ri Nehemiy 2:19

Aretak c'ut xquita' ri Sanbalat ri aj Horon, ri Tobiy ri aj amon ri takanel, xukuje' ri Jesem ri aj arab, xa xujquiyok'o, xquitze'j ka wäch: “¿Jas ta ri iwuc'am ulok pa i k'ab? ¿La xa ta c'u lo chi are ta quiwaj quiwalijisaj ta iwib chrij ri ajawinel?”

Nabe Ajawinelab 9:7

in quinbok na ri Israel pa ri ulew ri nu yo'm chque, quinq'uiak na bic ri wachoch chnuwäch ri nu tasom xak xuwi chi c'u cayok' ri Israel chquixo'l conojel ri nimak tak tinimit.

U Camulixic ri Pixab 28:37

catux na xibibal, xak cätze'x chi na a wäch, xuwi chi ri at cattzijox na cumal ri winak pa conojel tak ri tinimit ri catuc'am wi bic ri Ajawaxel.

Ri Nehemiy 1:3

Xquitzelej c'u u bixic chwe: “Ri xeto'taj canok, ri man xec'am ta bic pa jun ulew chic e canajinak can chupam ri ulew, e c'o chupam jun nimalaj c'ax xukuje' esbal q'uixbal. Are c'u ri Jerusalen, ri nim tapia ri c'o chrij, kasan pa ulew, ri e roquibal tak porotajinak rumal ri k'ak'.”

Ri Isaiy 43:28

ri e a k'atal tak tzij xquitz'iloj ri wachoch, rumal ri' xinya' be chi ri Israel, ri u tinimit ri Jacob, chi cäyojixic xukuje' cäyok'ic.”

Ri Jeremiy 51:51

Ri ix quixcha': “Cakana' q'uixbal aretak cäkata' ri cäban che ka yok'ic. Ri ka q'uixbal ri elinak cuch'uk ri ka palaj, rumal rech chi winak ri naj quepe wi e oquinak chquipam tak ri c'olbal ri sibalaj e tastalic ri c'o chupam ri rachoch Dios.”

Juyuwem 1:11

Conojel tak ri e winak la quebok'ic, caquitzucuj tak qui wa cuq'uia'; xequiya' tak ri qui k'inomal che u q'uexwäch wa ja' rech cac'astaj qui wäch. ¡Ajawaxel, chila la, ri c'ax ri in c'o wi! ¡Choc la il che ri quiäkasakil ri nu rikom!

Ri Ezequiel 22:5

Ri e c'o nakaj xukuje' ri e c'o naj caquit na a wäch, tinimit ri nim u k'ij u mac rech ri qui k'ijilaxic tak ri e diosib awumal xukuje' ri nimalaj yojyobic ri at c'o wi.

Ri Soponiy 3:18

jacha' ta ne pa jun k'ij re nimak'ij. Cacha' ri Ajawaxel: “In catinto'tajisaj c'u na che ri lawaloyil ri kajem cuban pawi', che ri q'uixbalil ri c'o pawi'.

Ri Zacariy 8:13

Je c'u ri' jacha' ri ix, ri ix aj judeyib xukuje' ri ix ri ix aj israelib, xixux can c'okobal chquixo'l ri niq'uiaj nimak tak tinimit chic, jeri' ri in camic quixinto'tajisaj na quinban c'u na chi quixux tewichibal. ¡Mixe'j iwib! ¡Chebicojo tak i chuk'ab!”