Salmib 78:15 - Quiché Bible

¹⁵ Chupam ri chaki'j uwo sak xuban cacab chque ri tac'atak tak abaj, xuya' q'ui ja' ri xcuq'uiaj.

Salmib 78:15 Referans Kwoze

Salmib 105:41

Xupaxij ri abaj, xel ulok ja' chupam, ri xlemem pa ri chaki'j uwo sak jacha' jun nima'.

Ajilanic 20:11

Cätajin cubij wa', ri Moises xuwalijisaj ri u k'ab camul c'ut xuk'osij ri ch'amiy che ri nimalaj abaj xtixtob c'u ulok ri ja'. Jeri' ri winak xukuje' tak ri awaj xeboc che uq'uianic.

Elem 17:6

Quinc'oji' c'u che aweyexic chila' pa ri juyub Horeb, puwi' ri nimalaj abaj, aretak c'ut cac'ojij ri nimalaj abaj, quel na ulok ja' chupam rech cäquitij ri winak.” Je c'u xuban ri Moises chquiwäch ri nimak tak tatayib aj israelib,

1 Corintios 10:4

Conojel xcuq'uiaj que ri xa junam uq'uia' aj uxlabal. Rumal rech chi xcuq'uiaj que ri ja' ri xpe pa ri abaj aj uxlabal ri junam benak cuc'. Ri abaj ri' are ri Crist.

Salmib 114:8

¡Ri are' xebujalwächij ri tac'atak tak abaj pa tak c'ua'! ¡Xebujalwächij ri nimalaj tak abaj pa qui q'uiyibal tak ja'!

Apocalipsis 22:17

Ri Uxlabaxel xukuje' ri rixokil ri Alaj Chij je cäquibij wa': “¡Tasaj!” Apachin ri cätatabenic xukuje' chubij: “¡Tasaj!” Apachin ri cächaki'j u chi', chpetok. Apachin ri cäraj, chuc'ama' re ri ja' rech c'aslemal ri xak cäsipaxic.

Apocalipsis 22:1

Ri tako'n aj caj xuc'utuxtaj jun nima' re c'aslemal chnuwäch cächuplinic jacha' ri cha'. Quel c'u ulok che ri u tem ri Dios re ajawibal, xukuje' ri re ri Alaj Chij.

Ri Isaiy 48:21

Pune' xuban chque chi xeboc'ow chquipam tak c'olbal ri e chaki'j tak uwo sak man xquina' ta chaki'j chi'; xupaxij ri nim abaj xubano chi xel ulok jun nimalaj ja' chupam.

Ri Isaiy 43:20

Cäquiya' na nu k'ij ri juyubal tak awaj, ri e ch'ich'alaj tak chicop xukuje' ri abestrus, rumal rech chi quenq'uiyisaj na ja' chupam ri chaki'j uwo sak, nima' tak chupam ri ulew ri man cäwächin taj, che u ya'ic ruq'uia' ri nu tinimit ri cha'om,

Ri Isaiy 41:18

Quinban na chi queq'uiy ulok nima' chque tak ri juyub ri e chaki'j tak uwo sak, xukuje' u q'uiyibal tak ja' pa qui niq'uiajil tak ri beya', quinban na chi ri chaki'j uwo sak cux suk, quebenq'uiyisaj na bulbux tak ja' pa ri chaki'j ulew.