Salmib 78:12 - Quiché Bible

¹² Ri Dios xebuban mayibal chquiwäch ri e qui mam pa ri ulew Zoan, ri c'o pa Ejipt:

Salmib 78:12 Referans Kwoze

Ajilanic 13:22

Xebocbic pa ri Negueb xebopan c'u pa Hebron. Chila' e jekel wi ri Ahiman, ri Sesay xukuje' ri Talmay, e rija'lil ri Anac. Wukub junab yacom chic ri Hebron aretak xyac ri Zoan pa Ejipt.

Ri Ezequiel 30:14

Quinjalwächij na ri u mox ri Ejipt pa etzeletajic, quint'ik na k'ak' che ri Zoan quinc'äjisaj c'u na u wäch ri Tebs.

Ri Isaiy 19:11

Sibalaj ix con ix, c'amal tak be aj Zoan, ri ya'l tak no'j ri c'o na quetamabal pa Ejipt, kastzij e c'analaj ya'l tak no'j. ¿Jasche xpe ak'an pa i jolom xibij che ri paraon: “Uj cachalaxic tak ajno'jab xukuje' tak ajawinelab re ojer?”

Ri Isaiy 19:13

Ri e c'amal tak u be ri Zoan e con, ri e c'amal tak u be ri Memps xquiya' quib pa subic, ri e c'amal tak qui be ri tinimit qui c'amom bic ri Ejipt pa jun jech'alaj be.

Salmib 135:9

Kas pa u niq'uiajil ri Ejipt, xebutak wi ulok etal ri e mayibal puwi' ri ajawinel ri paraon xukuje' ri e rach k'atal tak tzij.

Elem 7:1

Xubij c'u ri Ajawaxel che ri Moises: “Chawilampe', quinya' chawe chi caban nu q'uexwäch ruc' ri paraon ri ajawinel, are c'u ri awachalal Aaron are ri cäch'aw che a q'uexwäch ruc' ri ajawinel.

Salmib 106:22

ri xebuban nimak tak mayibal pa ri rulew ri Cam, xukuje' jastak ri e xibibal pa ri Quiäk Plo.

Ri Nehemiy 9:10

Xeban la nimak tak etal xukuje' tak mayibal che u c'ulelaxic ri paraon, xukuje' che qui c'ulelaxic ri e pataninel tak rech xukuje' conojel tak ri winak re ri rulew, rumal rech chi xil la ri c'axc'olil ri xquiban we winak ri' chque ri aj israelib. Xban c'u la chi xnimarisax ri k'ij la jacha' ri u banom camic.

U Camulixic ri Pixab 6:22

Ri uj xekil ri nimak xukuje' ri xibibalalaj tak cajmajibal xukuje' tak ri etal ri xebuban ri Ajawaxel pa Ejipt che u c'ulelaxic ri ajawinel xukuje' ronojel ri jun ja k'atal tak tzij;

U Camulixic ri Pixab 4:34

¿La c'o lo jun dios ri u cha'om ta jun u tinimit chquixo'l ri niq'uiaj tak tinimit chic, cuc' tak c'ambejenic, etal, mayibal xukuje' tak ch'o'j, ri xuc'ut ta ri nimalaj u chuk'ab chuwäch, xebuban ta xibibalalaj tak jastak jas jacha' ri xebuban xukuje' chiwe ri Ajawaxel pa Ejipt?

Chapletajic 32:3

Ri Jacob xebutak bic jujun tako'n rech quebe pa Seir, ri ulew re Edom, che u ya'ic u bixic che ri ropanem ruc' ri Esau, ri rachalal.

Ri Josue 9:9

We winak ri' xquitzelej u bixic: “Sibalaj naj uj elinak wi ulok, rumal rech ri u tzijol ri Ajawaxel ri i Dios. Xketamaj ronojel ri xuban pa Ejipt,

Ucab Ajawinelab 17:7

Xbantaj we c'ulmatajic rumal rech chi ri aj israelib e macuninak chuwäch ri Ajawaxel ri qui Dios, ri xebesan ulok pa Ejipt xeresaj c'u chuxe' ri u takanic ri paraon, ajawinel re Ejipt, xequik'ijilaj c'u tak diosib