Chixpet wuc', chitatabej ri quinbij, chitampe' ri quinbij, quixc'asi' c'u na. In quinban na iwuc' jun junalic c'ulwächinic, jewa' ri qui tz'akatisaxic tak ri chi'nic ri xinban rumal ri u lok'al ri David.
Tinimit iwonojel, chiya' i xiquin che ri quinbij, chitatabej nimak tak tinimit: ri in quinwesaj u tzijol ri no'jibal ri quinya'o, are c'u ri nu takanic quebutunuj na tak ri tinimit.
Chwäch la in macuninak wi, chwäch la xuwi in macuninak wi, xinban c'ut ri lawaloyil ri cäc'okoj la. Rumal ri' suc' ri chomanic la; man cäc'ulelax ta ri k'atan tzij la.
Ri Ajawaxel, ri qui Dios ri c'o quekle'n, ch'awinak; e u siq'uim conojel ri winak ri e c'o cho ri uwächulew, ri e c'o pa elebal k'ij, ri e c'o pa ri u kajebal k'ij.