Salmib 77:10 - Quiché Bible

¹⁰ Ri sibalaj c'ax cuban chwe are ri u chomaxic chi ri aj Chicaj man je ta chic kuc' jacha' ri nabe.

Salmib 77:10 Referans Kwoze

Marcos 9:24

Chanim ri u tat ri ala xurak u chi', xubij: “Quincojo. Chinto' la rech quintakej cojonic.”

Salmib 31:22

Pa ri nu ch'ujilal xinchomaj chi in q'uiakom apan la chwäch la; aretak c'ut xintz'onoj ri to'banic la xta' la ri nu rakoj chi'aj.

Ri Job 42:3

¿In jachichinok in chi chqueblaj ta nu c'u'x che ri cacuin la che u banic je c'u u c'utic wa' ri man wetamanic taj? In cätajin quebentzijoj jastak ri man e weta'm taj, jastak ri sibalaj e mayibal ri man quincuin ta che qui ch'obic.

Elem 15:6

Oh, Ajawaxel, ri icak'ab la ri sibalaj nim u chuk'ab, are xsachow qui wäch ri ka c'ulel.

Salmib 77:5

Quebenchomaj ri k'ij xukuje' tak ri junab ri e oc'owinak;

Salmib 73:22

rumal c'u rech chi in man c'o ta nu no'j, man quinch'obon taj; ¡xinjunamataj ruc' jun awaj chwäch la!

U Camulixic ri Pixab 4:34

¿La c'o lo jun dios ri u cha'om ta jun u tinimit chquixo'l ri niq'uiaj tak tinimit chic, cuc' tak c'ambejenic, etal, mayibal xukuje' tak ch'o'j, ri xuc'ut ta ri nimalaj u chuk'ab chuwäch, xebuban ta xibibalalaj tak jastak jas jacha' ri xebuban xukuje' chiwe ri Ajawaxel pa Ejipt?

Salmib 116:11

Q'uistajinak nu c'u'x, xinjiquiba' u bixic chi ronojel winak banal tzij.

Ri Isaiy 63:15

Ca'y la ulok chicaj, Ajawaxel, kas pa ri tastalicalaj c'olbal ri cäjuluwic ri lal c'o wi. ¿Jawije' c'o wi ri k'ak'alaj lok'ok'ebal c'u'x la xukuje' ri chuk'ab la? ¿Jasche man c'o ta chi cubij c'u'x la? ¿La xq'uis ri relebal c'u'x la chke?