Salmib 75:4 - Quiché Bible

⁴ Chque ri banal tak nimal xukuje' chque ri banal tak etzelal, quinbij: “Minimarisaj i k'ij, xukuje' miban nimal;

Salmib 75:4 Referans Kwoze

Ri Zacariy 1:21

In xinban c'otoj chi'aj: “¿Jasche e petinak we ch'ayal tak ch'ich' ri'?” Are' c'u ri are' xutzelej u bixic chwe: “We e uc'a' tak ri' e are' quequiq'uexwächij ri xejabun ri Juda, ri man c'o ta jun xcuin taj xuto' ta rib, we e ch'ayal tak ch'ich' ri' e petinak che u banic yicopisanic re xe'n ib xukuje' che u k'atic tak ri cuc'a' ri nimak tak tinimit ri', ri xetok'on ri Juda, xequijabuj c'u tak ri winak ri e c'o chupam.”

E C'ambal tak Tzij 8:5

Alabom ri man c'o ta jas iweta'm ri man c'o ta i no'j, chitijoj iwib rech cux utz i chomabal xukuje' cäc'oji' i ch'obonic.

E C'ambal tak Tzij 1:22

“C'ojolab ri man c'o ta iwetamanic, ri quiwetz'bej u wäch ronojel, ri man c'o ta i no'j, ¿c'ä jampa' lo quitanaba' u lok'ok'exic ri conil ri c'o iwuc', quirik c'u na quicotemal pa ri etz'ben wächaj, quiwetzelaj c'u u wäch ri etamanic?

Salmib 148:14

Ri are' u yo'm cuinem pa u k'ab ri u tinimit. ¡Chyo'k u k'ij cumal conojel ri jic quebin chuwäch, cumal ri aj israelib, ri u tinimit ri c'o nakaj! ¡Chyo'k u k'ij ri Ajawaxel!

Salmib 94:8

¡Chixch'obonok tac tak winak, xukuje' man c'o ta i no'j! ¿Jampa' lo quixcuinic qui ch'obo?

Salmib 89:17

Kastzij, lal ri lal u chuk'ab xukuje' ri u je'lical; ri ka chuk'ab cänimar rumal ri utzalaj rayibal la.

E C'ambal tak Tzij 9:6

Chebiya' can tak ri e i conil, quixc'asi' c'u na; chixbinok jacha' ri winak ri quec'oxomanic.”

Nabe Samuel 2:8

ri Dios cuwalijisaj ri meba' pa ri ulew cäresaj c'ut ri molonel chupam ri tixbal mes, che u t'uyubaxic chquixo'l ri nimak tak achijab cuya' c'u che chi cäya' pa jun c'olbal ri nim u k'ij; rumal rech chi ri Ajawaxel are ajchak'e ri e u tiq'uilibal ri uwächulew, paquiwi' c'u xuya' wi ri uwächulew.

Salmib 68:3

E are' c'u ri e utzalaj tak winak quequicot na; quenoj che quicotemal chuwäch ri Dios, ¡quech'opin rumal quicotemal!

Salmib 97:5

Ri c'ache'laj quejaric jacha' ri xca'b chuwäch ri Ajawaxel, ri ajchak'e ronojel ri uwächulew.