Salmib 75:3 - Quiché Bible

³ Aretak cäyicop ri uwächulew, querachilaj conojel ri winak ri e c'o chuwäch, in in banowinak chi co e tac'al ri e u tiq'uilibal.”

Salmib 75:3 Referans Kwoze

Nabe Samuel 2:8

ri Dios cuwalijisaj ri meba' pa ri ulew cäresaj c'ut ri molonel chupam ri tixbal mes, che u t'uyubaxic chquixo'l ri nimak tak achijab cuya' c'u che chi cäya' pa jun c'olbal ri nim u k'ij; rumal rech chi ri Ajawaxel are ajchak'e ri e u tiq'uilibal ri uwächulew, paquiwi' c'u xuya' wi ri uwächulew.

Ri Isaiy 24:19

Sibalaj cäbirbob na ri ulew, cäyicop na, cuban na ch'akatak.

Hebreos 1:3

Rumal ri are' cäjuluw ri u juluwem ri Dios. Are u wächbal ri kas u ca'yebal ri Dios. Ri are' ruc'am ronojel ri jastak rumal ri tzij re ri u cuinem. Aretak xujujosk'ij pa ri ka mac, xt'uyi' pa ri u wiquiak'ab ri Dios ri nim u k'ij chicaj.

Ri Isaiy 49:8

Ri Ajawaxel cubij: “Xurik ri k'ij ri quinc'ut ri wutzil, xintzelej c'u u wäch ri a tzij xopan ri k'ij re ri colobenic, xatinto' c'ut. In xatinto' rech awumal at quinjekeba' ri nu c'ulwächinic ruc' ri tinimit, rech cäban u banic ri ulew, rech queboc che quechbexic ri ulew ri e tolorisam canok,

Ucab Samuel 5:2

kas c'u tzij pune' are ka ajawinel ri Saul, lal c'ut ri kas xc'amow la u be ri Israel pa tak ri ch'o'j. U chi'm chi c'ut ri Ajawaxel che la chi lal cac'amow na la u be xukuje' cak'at na la tzij puwi' ri Israel.”

Nabe Samuel 25:28

cuyu' ba' la ri u mac we pataninel ech la ri'. Kastzij ri Ajawaxel cacanajisax la rumal xukuje' tak ri e ija'lil la pa ri takanic, cätajin c'u ya' catij k'ij la che u banic ri u rayibal ri Ajawaxel, pa ronojel c'u ri c'aslemal la man cataklebej ta na la jun etzelal.

Nabe Samuel 18:7

Xukuje' cätajin quebixonic xukuje' cätajin quexojowic, ri ixokib xquitakej u bixic: “Jun mil (1,000) achijab xebucämisaj ri Saul, lajuj mil (10,000) c'ut xebucämisaj ri David.”

Chapletajic 18:25

¡Mäban la ri' chi junam cäcämisaj la ri c'o u mac ruc' ri man c'o ta jubik' u mac, je ta ne ri e quieb e macuninak! ¡Mäban la we c'ax ri'! Lal ri lal nimalaj k'atal tzij puwi' ronojel ri uwächulew, ¿la ma ta c'u cäban na la ri suc'alaj k'atoj tzij?”