Salmib 74:13 - Quiché Bible

¹³ Xban la quieb che ri plo ruc' ri cuinem la; xpaxij la ri qui jolom ri nimak tak awaj ri e c'o chupam ri plo;

Salmib 74:13 Referans Kwoze

Elem 14:21

Ri Moises xuyuk ri u k'ab puwi' ri plo, xuban c'u ri Ajawaxel chi xupac rib ri plo rumal jun nimalaj quiakik' ri xpe pa elebal k'ij ronojel ri jun ak'ab ri'. Xuban c'u quieb che ri plo xux chaki'j ulew.

Salmib 78:13

Xuban quieb che ri plo xeroc'owisaj c'u chupam, ri ja' xux jacha' jun nim tapia.

Ri Ezequiel 29:3

Chabij che: ‘Are wa' cubij ri Ajawaxel: In quink'alajisaj wib chi in c'ulel chawe paraon, ajawinel pa Ejipt, jilijicalaj juyubal awaj ri a k'oyobam awib chupam ri a nima' cabij c'ut: Ri Nil wech in, in xinbanowic.

Ri Ezequiel 32:2

“Chabixoj we bix ri' re cämical che ri paraon, ri rajawinel ri Ejipt: ‘Catjunamataj ruc' jun coj quech ri nimak tak tinimit; at jacha' jun jilijic awaj re ri plo: catchacop pa ri nima', cuc' ri e awakan casakpujij ri ja', caruj ri u ja'il ri cabinic.’

Salmib 66:6

Xuq'uex ri plo pa chaki'j ulew, ri e ka mam xeboc'ow chupam ri nima' chicakan; ¡chujquicot pa ri Dios!

Ri Nehemiy 9:11

Xpac la ri plo chquiwäch, xeboc'ow c'u chuxo'l pa chaki'j ulew; xejik'isaj la ri e okataninak c'ä chuxe' ri plo, e jacha' jun abaj ri cäkaj chuxe' ri ja'.

Elem 14:28

Aretak xurik rib ri plo, xebumuk can ri carwaj, ri ajquiejab xukuje' conojel ri ajch'ojab ri xeboc chupam ri plo che cokataxic ri aj israelib. Mawi jun rajch'o'j ri ajawinel xc'asi' ta canok.