Salmib 72:6 - Quiché Bible

⁶ Chux junam ruc' ri jäb xukuje' ri räxk'ab, ri cäquijaj ri ulew xukuje' ri k'ayes.

Salmib 72:6 Referans Kwoze

Ri Osey 6:3

¡Ka tija' ka k'ij che retamaxic u wäch ri Ajawaxel! Ri Ajawaxel cäpe na kuc', kastzij jacha' ri relic ulok ri k'ij, kastzij jacha' ri u ja'xic ri uwächulew rumal ri jäb pa ri u q'uisbal ri junab xukuje' pa ri u chaplebal ri junab.

U Camulixic ri Pixab 32:2

Ri nu tijonic cäkaj na jacha' ri jäb, ri nu tzijonem junam ruc' ri räxk'ab, jacha' ri musmul ri cäkaj paquiwi' tak ri k'ayes, jacha' ri jujun tak tz'ut ja' paquiwi' tak ri k'ayes.

Ucab Samuel 23:4

Cux na jacha' ri sak ri cäpe chuxe' ri caj, aretak cäpe u sakaric. Jacha' ri u sakil ri k'ij pa jun u sakaribal aretak man e c'o ta sutz', ri cubano chi caq'uiy ri k'ayes aretak coc'ow ri jäb.’

Salmib 65:10

Quech'akaba' la tak ri k'et rech ri ulew, quenojisaj la tak ri u xo'l che ja'; quech'uch'ujirisaj la cumal nimak tak jäb quetewichi'j c'u la ri e qui wächinic.

Ri Isaiy 5:6

quinwonoba' na canok. Man cäjosk'ix ta chic mawi quebok ri k'ayes chupam, cänoj na che q'uix xukuje' che itzel tak k'ayes. Quinbij na chque ri sutz' chi man cäquitak ta chi ulok ri jäb puwi'.

E C'ambal tak Tzij 19:12

Ri royowal ri ajawinel xak junam ruc' ri u wunic ri coj, are c'u ri utzalaj u rayibal jacha' ri räxk'ab puwi' ri k'ayes.

E C'ambal tak Tzij 16:15

Ri u quicotemal ri ajawinel chi'nic rech c'aslemal, are c'u ri utzalaj u rayibal xak junam ruc' ri sutz' ri ruc'am jäb.

Ri Miquey 5:6

E are' quebajawin na puwi' ri Asir, ri rulew ri Nimrod, ruc' ch'ich' re ch'o'j ri cäjaw u pa u chi', cujquito'tajisaj c'u na pa qui k'ab ri aj asiriyab ri e qui xalk'atim tak ri e ka c'ulbat ri e qui majim tak ri kulew.